ଭାରତ-ନ୍ୟୁଜଲାଣ୍ଡ ଦ୍ୱିତୀୟ ଦିନିକିଆ : ଆଶ୍ଚର୍ଯ୍ୟ ହେଲେ ଦର୍ଶକ , ଷ୍ଟାଡିୟମ୍ରେ ଏଭଳି କଲେ ରୋହିତ୍ ଶର୍ମା ..
1 min read
ନୂଆଦିଲ୍ଲୀ : ଟସ୍ ଜିତି ଭୁଲିଗଲେ ହିଟମ୍ୟାନ । କିଛି ସମୟ ଭାବିବା ପରେ ସେ ନେଇଥିଲେ ବୋଲିଂ ନିଷ୍ପତି । ଏମିତି କିଛି ଆଶ୍ଚର୍ଯ୍ୟ ଜନକ ଘଟଣା ଘଟିଛି ନ୍ୟୁଜଲାଣ୍ଡ ଦ୍ୱିତୀୟ ଦିନିକିଆ ମ୍ୟାଚ ସମୟରେ । ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ଚାଲିଥିବା ଦିନିକିଆ ସିରିଜର ଦ୍ୱିତୀୟ ମ୍ୟାଚରେ ଏମିତି କିଛି ଘଟିଥିଲା, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା ।
ଭାରତୀୟ ଅଧିନାୟକ ରୋହିତ ଶର୍ମା ରାୟପୁରର ଶହୀଦ ବୀର ନାରାୟଣ ସିଂ ଅନ୍ତର୍ଜାତୀୟ ଷ୍ଟାଡିୟମରେ ଟସ ଜିତିଥିଲେ କିନ୍ତୁ ତାଙ୍କ ନିଷ୍ପତିକୁ ଭୁଲି ଯାଇଥିଲେ । ରୋହିତ କିଛି ସମୟ ଚିନ୍ତା କରିବାକୁ ଲାଗିଲେ । ଏଭଳି ପରିସ୍ଥିତିରେ ନ୍ୟୁଜିଲାଣ୍ଡର ଅଧିନାୟକ ଟମ ଲାଥାମ ଏବଂ ମ୍ୟାଚ ରେଫରି ରୋହିତଙ୍କ କଥାକୁ ଅପେକ୍ଷା କରିଥିଲେ । କିଛି ସମୟ ଚିନ୍ତା କରିବା ପରେ ରୋହିତ ପ୍ରଥମେ ବୋଲିଂ କରିବାକୁ ନିଷ୍ପତି ନେଇଥିଲେ । ଏହା ପରେ ସେ କହିଥିଲେ, ମ୍ୟାଚ ପୂର୍ବରୁ ଅନେକ ଆଲୋଚନା ହେଉଛି । ଏଭଳି ପରିସ୍ଥିତିରେ ସେ କିଛି ସମୟ ପାଇଁ ତାଙ୍କ ନିଷ୍ପତି ଭୁଲି ଯାଇଥିଲେ, କିନ୍ତୁ ସେ ପ୍ରଥମେ ବୋଲିଂ କରିବାକୁ ଚାହୁଁଛନ୍ତି । ତେବେ ଟସ ପରେ ନିଷ୍ପତି ନେବାରେ ରୋହିତଙ୍କ ବିଳମ୍ବ ଏତେ ଲମ୍ବା ଥିଲା ଯେ, ସମୀକ୍ଷକ ରବି ଶାସ୍ତ୍ରୀ, ମ୍ୟାଚ ରେଫରି ଜବଗଲ ଶ୍ରୀନାଥ ଏବଂ ନ୍ୟୁଜିଲାଣ୍ଡର ଅଧିନାୟକ ଟମ ଲାଥାମ ରୋହିତଙ୍କ ସହ କ’ଣ ହୋଇଥିଲା ବୋଲି ପ୍ରଶ୍ନ କରିଛନ୍ତି ।
କେବଳ ଏତିକି ନୁହେଁ, ରୋହିତ ଚିନ୍ତାଗ୍ରସ୍ତ ଥିବା ଦେଖି କୋଚ ରାହୁଲ ଦ୍ରାବିଡ ଏବଂ ବିରାଟ କୋହଲି ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ । ଟସ ପରେ ରୋହିତ ଶର୍ମା କହିଛନ୍ତି,ମୁଁ ଯାହା କରିବାକୁ ଚାହୁଁଥିଲି ତାହା ଭୁଲି ଯାଇଥିଲି, ଟସ ନିଷ୍ପତି ନେଇ ଦଳ ସହ ଅନେକ ଆଲୋଚନା କରିଥିଲି, ଆମେ କଠିନ ପରିସ୍ଥିତିରେ ନିଜକୁ ଚ୍ୟାଲେଞ୍ଜ କରିବାକୁ ଚାହୁଁଥିଲୁ, ସେଥିପାଇଁ ବୋଲିଂ କରିବୁ ବୋଲି ନିଷ୍ପତି ନେଇଥିଲୁ ।
