ଓଡ଼ିଶା ରାଜନୀତିରେ ବଡ ଓଲଟପାଲଟ , ୨୪ ବର୍ଷ ପରେ ବଦଳିଲା ସରକାର
1 min read
ପହିଲା ସକାଳ ବଦଳିଲେ ସରକାର | ୨୪ ବର୍ଷ ପରେ ପ୍ରଥମ ଥର ପାଇଁ ରାଜ୍ୟରେ ପଟ ପରିବର୍ତ୍ତନ ହୋଇଛି | ଉପକୂଳରୁ ଆରମ୍ଭ କରି ଦକ୍ଷିଣ, ପଶ୍ଚିମ, ଉତ୍ତରରେ ଉଡ଼ିଛି ବିଜେପିର ବିଜୟ ଧ୍ବଜା | ତେବେ ବିଜେପିର ମୁଖ୍ୟମନ୍ତ୍ରୀ କିଏ ହେବ ତାକୁ ନେଇ ଆରମ୍ଭ ହୋଇଛି ଚର୍ଚ୍ଚା | ଆସନ୍ତା ୧0 ତାରିଖରେ ଭୁବନେଶ୍ୱରରେ ବିଜେପି ମୁଖ୍ୟମନ୍ତ୍ରୀ ଶପଥ ନେବେ ବୋଲି ପ୍ରଧାନମନ୍ତ୍ରୀ ସମେତ ବିଜେପିର ତୁଙ୍ଗ ନେତା ପୂର୍ବରୁ କହିସାରିଛନ୍ତି | ୨୪ ବର୍ଷ ପରେ ବିଜେଡିର ବଡ ପରାଜୟ |
ବିଜେଡି ହାରିବା ପରେ ପ୍ରଥମ ଥର ଲାଗି ରାଜ୍ୟରେ ବିଜେପି ଯୁଗର ଆରମ୍ଭ ହୋଇଛି | ସବୁଠି ଫୁଟିଛି ଫୁଲ | ମହାପ୍ରଭୁ ଶ୍ରୀ ଜଗନ୍ନାଥଙ୍କ ଆଶୀର୍ବାଦରୁ ଏହା ସମ୍ଭବ ହୋଇଛି ବୋଲି ପ୍ରଧାନମନ୍ତ୍ରୀ କହିଛନ୍ତି | ସେ ଆହୁରି କହିଛନ୍ତି, ପ୍ରଥମ ଥର ଲାଗି ବିଜେପି ମୁଖ୍ୟମନ୍ତ୍ରୀ ଶପଥ ନେବେ ବୋଲି କହିଛନ୍ତି | ତେବେ ଓଡ଼ିଶାରେ ବିଜେପି ବିଜୟ ନେଇ ଧର୍ମେନ୍ଦ୍ର ପ୍ରଧାନ ଖୁଶିବ୍ୟକ୍ତ ଜଣାଇଛନ୍ତି | ସେ କହିଛନ୍ତି ଏହା କେବଳ ବିଜେପିର ବିଜୟ ନୁହେଁ ଏହା ସାଢେ ୪ କୋଟି ଓଡିଶାବାସୀଙ୍କ ବିଜୟ | ଏହି ବିଜୟ ଓଡ଼ିଆ ଅସ୍ମିତା, ଭାଷା, ସଂସ୍କୃତି, ପରିଚୟର ବଡ ବିଜୟ | ପ୍ରଧାନମନ୍ତ୍ରୀ ଦେଇଥିବା ସମସ୍ତ ପ୍ରତିଶୃତି ପୁରା କରିବେ ବୋଲି କହିଛନ୍ତି ଧର୍ମେନ୍ଦ୍ର ପ୍ରଧାନ |
