ଆପଣଙ୍କୁ କୋଟିପତି ବନେଇଦେବ କପେ ଚା’ ।

ଜଣେ ସାଧାରଣ ଲୋକ ଦିନକୁ ଦୁଇଥର ଚା ପିଅନ୍ତି । ଅର୍ଥାତ୍ ସେ ପ୍ରତିଦିନ ଅତି କମରେ ଚା ’ପାଇଁ ୨୦ ଟଙ୍କା ଖର୍ଚ୍ଚ କରନ୍ତି । ସେ ବାହାରେ ହେଉକି ଘରେ ଚା ପିଇବା ଆମ ଭାରତୀୟଙ୍କ ପାଇଁ ଗୋଟେ ବାହାନ । ମୁଣ୍ଡ ବିନ୍ଧିଲେ ଚା , ଥଣ୍ଡା ଧରିଲେ ଚା, ବ୍ରେକଅପ୍‌ରେ ଚା, ସାଙ୍ଗ ସହ ବସିଲେ ଚା ଏମିତି ଆମ ଭାରତୀୟ ଲୋକମାନେ ଚା ପିଇବା ପାଇଁ ବାହାନା ଖୋଜିଥାନ୍ତି ।

ଚା ଆମ ଶରୀର ପାଇଁ କେତେ କ୍ଷତିକାରକ ତାହା ଆମ ସଭିଙ୍କୁ ଜଣା ତଥାପି ଅଧିକାଂଶ ଲୋକ ଦିନରୁ ରାତି ଯାଏ ଅନେକ ଥର ଚା ପିଇଥାନ୍ତି । ଆଉ ଅଧିକାଂଶତ ଅଫିସରେ ଚାକିରୀ କରୁଥିବା ଲୋକେ । କିନ୍ତୁ ଆପଣ କଣ ଜାଣିଛନ୍ତି ଆପଣଙ୍କ ଏହି ଚା ପିଇବା ଅଭ୍ୟାସର ଟିକେ ପରିବର୍ତ୍ଥନ ଆପଣଙ୍କୁ କୋଟିପତି କରିଦେଇପାରେ । ଆଜିକାଲି ଚା କପ୍ ଗୋଟିଏ ୧୦ ଟଙ୍କାରେ ବିକ୍ରି ହେଉଛି । ଜଣେ ସାଧାରଣ ଲୋକ ନିଶ୍ଚିତ ଭାବରେ ଦିନକୁ ଦୁଇଥର ଚା ପିଅନ୍ତି । ଅର୍ଥାତ୍ ସେ ପ୍ରତିଦିନ ଅତି କମରେ ଚା ’ପାଇଁ ୨୦ ଟଙ୍କା ଖର୍ଚ୍ଚ କରନ୍ତି । କିଛି ଲୋକ ଦିନକୁ ଅନେକ ଥର ଚା ପିଅନ୍ତି । ଆପଣ ଏହାକୁ ଘରେ ପ୍ରସ୍ତୁତ କରି ପିଇଲେ ମଧ୍ୟ ଚା ପତ୍ର, ଚିନି ଏବଂ କ୍ଷୀର ପାଇଁ ବହୁ ଅର୍ଥ ଖର୍ଚ୍ଚ ହୋଇଥାଏ ।

କିନ୍ତୁ ଆପଣମାନେ କେବେ ଭାବିଛନ୍ତି ଯେ ଆପଣ ଚା ପିଇବା ପାଇଁ ମାସକୁ କେତେ ଟଙ୍କା ଖର୍ଚ୍ଚ କରନ୍ତି ଯାହା ଆପଣଙ୍କ ସ୍ୱାସ୍ଥ୍ୟ ପାଇଁ ଠିକ୍ ନୁହଁ । ଯଦି ଆପଣ ଚା ପିଇବା ବନ୍ଦ କରିବାକୁ ପ୍ରତିଶ୍ରୁତି ନେଇପାରନ୍ତି ତେବେ ଏହାର ଅନେକ ଲାଭ ଅଛି । ଏହା ସ୍ୱାସ୍ଥ୍ୟ ସହିତ ଧନ ପାଇଁ ଉତ୍ତମ ବୋଲି ପ୍ରମାଣିତ ହେବ । ଚା ଛାଡି ଆପଣ କୋଟିପତି ହୋଇପାରିବେ ।

ଚା କପ୍‌ରୁ କୋଟିପତି ହେବାର ସୂତ୍ର- ଯଦି ଆପଣ ପ୍ରତିଦିନ ବାହାରେ ଦୁଇଟି ଚା ପିଉଛନ୍ତି, ତେବେ ଆପଣ ଏଥିରେ ଅତି କମରେ ୨୦ ଟଙ୍କା ଖର୍ଚ୍ଚ କରୁଛନ୍ତି । ଏହାର ଅର୍ଥ ଆମେ ମାସକୁ ୬୦୦ ଟଙ୍କା ଖର୍ଚ୍ଚ କରିଥାଉ । ପ୍ରତିଦିନ ଏହି ଟଙ୍କା ସଞ୍ଚୟ କରି ଆପଣ ୧୦ କୋଟି ଟଙ୍କା ପର୍ଯ୍ୟନ୍ତ ଜମା କରିପାରିବେ । ଆପଣ ମ୍ୟୁଚୁଆଲ୍ ଫଣ୍ଡ ବିଷୟରେ ଅବଗତ ହେବା ଜରୁରୀ । ଏଥିରେ ପ୍ରତି ମାସରେ ବିନିଯୋଗ ସୁବିଧା ଉପଲବ୍ଧ । ଆପଣ ଚା ପିଇବା ବନ୍ଦ କରି ପାରିବେ ଏବଂ ଅବଶିଷ୍ଟ ଅର୍ଥକୁ ଏକ ବ୍ୟବସ୍ଥିତ ବିନିଯୋଗ ଯୋଜନା (SIP) ରେ ବିନିଯୋଗ କରିପାରିବେ । ମ୍ୟୁଚୁଆଲ୍ ଫଣ୍ଡଗୁଡିକ ଦୀର୍ଘକାଳୀନ ରିଟର୍ନ ଦେଇଛି ଏବଂ ଲୋକଙ୍କୁ କୋଟିପତି କରିପାରିଛି । କିଛି ପାଣ୍ଠି ୨୦ ପ୍ରତିଶତ ପର୍ଯ୍ୟନ୍ତ ରିଟର୍ଣ୍ଣ ମଧ୍ୟ ଦେଇଛି ।

ଚା ଟଙ୍କାରେ ମ୍ୟୁଚୁଆଲ ଫଣ୍ଡ ପାଇଁ କରିପାରିବେ ନିବେଶ –
ଯଦି ୨୦ ବର୍ଷ ବୟସରେ ଜଣେ ଯୁବକ ଚା ଅଭ୍ୟାସ ଛାଡି ଦିଅନ୍ତି ତେବେ ସେ ଦୈନିକ ୨୦ ଟଙ୍କା ସଞ୍ଚୟ କରନ୍ତି, ତେବେ ଏହି ପରିମାଣ ଏକ ମାସରେ ୬୦୦ ଟଙ୍କା ହୋଇଯାଏ । ଏହି ପରିମାଣ ପ୍ରତି ମାସରେ ମ୍ୟୁଚୁଆଲ୍ ଫଣ୍ଡରେ SIP ହେବା ଆବଶ୍ୟକ । ୪୦ ବର୍ଷ (୪୮୦ ମାସ) ପାଇଁ କ୍ରମାଗତ ଭାବରେ ୨୦ ଟଙ୍କା ଜମା କରି ୧୦ କୋଟିରୁ ଅଧିକ ଟଙ୍କା ସଂଗ୍ରହ କରାଯାଇପାରିବ । ହିସାବ ହେଉଛି ଯଦି ଏହି ବିନିଯୋଗରେ ହାରାହାରି ବାର୍ଷିକ ରିଟର୍ଣ୍ଣ ୧୫% ହୁଏ, ତେବେ ୪୦ ବର୍ଷ ପରେ ସମୁଦାୟ ପାଣ୍ଠି ୧.୮୮ କୋଟି ହେବ । ଏହି ୪୦ ବର୍ଷ ମଧ୍ୟରେ ନିବେଶକ କେବଳ ୨,୮୮,୦୦ ଟଙ୍କା ଜମା କରିବେ । ଯଦି ଆପଣ ପ୍ରତି ମାସରେ ୬୦୦ ଟଙ୍କା SIP ଉପରେ ୨୦ ପ୍ରତିଶତ ରିଟର୍ନ ପାଇବେ, ତେବେ ୪୦ ବର୍ଷ ପରେ ସମୁଦାୟ ୧୦.୨୧ କୋଟି ଟଙ୍କା ଜମା ହେବ ।

ଏହା ବ୍ୟତୀତ, ଯଦି ୩୦ ବର୍ଷ ବୟସ୍କ ଯୁବକ ପ୍ରତିଦିନ ୩୦ ଟଙ୍କା ସଞ୍ଚୟ କରନ୍ତି, ଯାହା ମାସକୁ ୯୦୦ ଟଙ୍କା ହୋଇଯାଏ । ଯଦି ସେ ଏହି ପରିମାଣକୁ ୩୦ ବର୍ଷ ପାଇଁ SIP ମାଧ୍ୟମରେ ମ୍ୟୁଚୁଆଲ୍ ଫଣ୍ଡରେ ବିନିଯୋଗ କରନ୍ତି ଏବଂ ବାର୍ଷିକ ୧୦ ପ୍ରତିଶତ ବୃଦ୍ଧି କରନ୍ତି, ତେବେ ତାଙ୍କୁ ମୋଟ ୧.୩୫ କୋଟି ଟଙ୍କା ମିଳିବ । ବାର୍ଷିକ ରିଟର୍ଣ୍ଣ ଉପରେ ଆଧାର କରି ଏହି ଆକଳନ କରାଯାଇଛି । ଏହାର ଅର୍ଥ ହେଉଛି ୩୦ ବର୍ଷ ବୟସରୁ ମାସିକ ୯୦୦ ଟଙ୍କା ବିନିଯୋଗ କରି ୬୦ ବର୍ଷ ବୟସରେ କୋଟିପତି ହେବା ସମ୍ଭବ ଅଟେ। ଏଭଳି ପରିସ୍ଥିତିରେ ଆପଣ ଚା ’ଅଭ୍ୟାସ ଛାଡି କୋଟିପତି ହେବାର ରାସ୍ତା ମଧ୍ୟ ବାଛିପାରିବେ ।

ସୂଚନାଯୋଗ୍ୟ ଯେ ମ୍ୟୁଚୁଆଲ୍ ଫଣ୍ଡରେ ଯୌଗିକ ସୁଧ ପାଇବା ଦ୍ୱାରା ଏକ ସ୍ୱଳ୍ପ ବିନିଯୋଗ ମଧ୍ୟ ଦୀର୍ଘ ସମୟ ମଧ୍ୟରେ ଏକ ବଡ଼ ପାଣ୍ଠି ହୋଇଯାଏ । ତଥାପି, ମ୍ୟୁଚୁଆଲ୍ ଫଣ୍ଡରେ ବିନିଯୋଗ କରିବାର ବିପଦ ଅଛି । ତେଣୁ, ଯେକୌଣସି ସ୍ଥାନରେ ବିନିଯୋଗ କରିବା ପୂର୍ବରୁ ନିଶ୍ଚିତ ଭାବରେ ଆର୍ଥିକ ପରାମର୍ଶଦାତାଙ୍କ ସାହାଯ୍ୟ ନିଅନ୍ତୁ ।