ହୋଟେଲ୍ରେ ଲାଗିଲା ନିଆଁ, ଜଳିଗଲା ଦୁଇଟି କାର…
1 min read
ନୂଆଦିଲ୍ଲୀ: ପାଭିଲିୟନ ହୋଟେଲରେ ଭୟାବହ ଅଗ୍ନିକାଣ୍ଡ । ଭୋର ସମୟରେର ହୁତୁ ହୁତୁ ହୋଇ ଜଳିଲା ହୋଟେଲ । ଉତ୍ତର ପ୍ରଦେଶ ମସୁରୀରେ ଘଟିଛି ଏପରି ଦୁର୍ଘଟଣା । ଆଜି ଭୋର ପ୍ରାୟ ୪ଟା ସମୟରେ କ୍ୟାମେଲ ବ୍ୟାକରୋଡ ସ୍ଥିତ ପାଭିଲିୟନ ହୋଟେଲରେ କୈାଣସି କାରଣ ବଶତଃ ନିଆ ଲାଗିଯାଇଥିଲା । ଏହି ସମୟରେ ହୋଟେଲର କିଛି କର୍ମଚାରୀ ସେଠାରେ ଉପସ୍ଥିତ ଥିିଲେ । କିନ୍ତୁ ସେମାନେ ନିଜର ଜୀବନ ବଞ୍ଚା ଘଟଣା ସ୍ଥଳରୁ ପଳାଇଥିିଲେ । କିନ୍ତୁ ନିଆଁ ପ୍ରକୋପରେ ଦୁଇଟି କାର ଜଳି ନଷ୍ଟ ହୋଇଯାଇଛି । କିନ୍ତୁ ସୈାଭାଗ୍ୟ ବଶତଃ ହୋଟେଲ ଭିତରେ କେହି ଲୋକ ନଥିବାରୁ ବିଶେଷ କିଛି କ୍ଷୟ କ୍ଷତି ଘଟିନଥିବା ଜଣାପଡିଛି । ଅନ୍ୟପଟେ ନିଆଁକୁ ଦେଖି ସ୍ଥାନୀୟ ଲୋକ ଅଗ୍ନିଶମ ବାହିନୀକୁ ତୁରନ୍ତ ଖବର ଦେଇଥିଲେ । ଖବର ପାଇ ଅଗ୍ନିଶମ କର୍ମଚାରୀ ମାନେ ଆସି ନିଆଁକୁ ଆୟତ କରିଥିଲେ । ତେବେ ହୋଟେଲର ସୈାନ୍ଦର୍ଯ୍ୟ କରଣ ଚାଲିଥିବା ବେଳେ ଏଭଳି ଦୁର୍ଘଟଣା ଘଟିଥିବା କୁହାଯାଇଛି । ଏଥିସହ ହୋଟେଲ ଭିତରେ କାଠ ସାମଗ୍ରୀ ଅଧିକା ଥିବାରୁ ନିଆଁ ଖୁବ୍ ଶୀଘ୍ର ବ୍ୟାପି ଯାଇ ଭୟଙ୍କର ରୂପ ଧାରଣ କରିଥିଲା ।
