ଚଳନ୍ତା ବସରେ ଲାଗିଲା ନିଆଁ, ୮ ଜୀବନ୍ତ ଦଗ୍ଧ, ୨୪ ଗୁରୁତର
1 min read
ନୁହରେ ଘସାତୀଚୀ ଏକ ବଡ ଦୁର୍ଘଟଣା | ଚଳନ୍ତା ବସରେ ଲାଗିଲା ହଠାତ ନିଆଁ | ହୁତୁହତୁ ହୋଇ ଜଳିଲା ବସ | ୮ ଜଣ ହୋଇଗଲେ ଜୀବନ୍ତ ଦଗ୍ଧ | ୨୪ ଜଣ ହେଲେ ଗୁରୁତର |
ଭକ୍ତଙ୍କ ଭରପୁର ଏକ ବସରେ ହଠାତ ନିଆଁ ଲାଗିଥିଲା | ଭକ୍ତମାନେ ବୃନ୍ଦାବନ ଓ ମଥୁରା ଦର୍ଶନ ସାରି ଫେରୁଥିଲେ | ଏହି ଦୁର୍ଘଟଣାରେ ମୃତକମାନେ ପଞ୍ଜାବ ଓ ଚଣ୍ଡୀଗଡ଼ର ବାସିନ୍ଦା ଥିଲେ | ତେବେ ସୂଚନା ଆଧାରରେ ଗତ ରାତିରେ ପ୍ରାୟ ୧ଟେ ୩0 ମିନିଟରେ ୬୦ ଯାତ୍ରୀଙ୍କୁ ଧରି ବସ୍ଟି ଯାଉଥିବା ବେଳେ ନୁହର ତାବଡ ଉପମଣ୍ଡଳ ସୀମାରେ ହଠାତ୍ ବସ୍ରେ ନିଆଁ ଲାଗି ଯାଇଥିଲା। ଖବର ସୂଚନା ପାଇ ପୁଲିସ୍ ଓ ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳେ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ | କିନ୍ତୁ ୮ ଜଣ ଜୀବନ୍ତ ଦଗ୍ଧ ହୋଇଥଟିବା ବେଳେ ୨ଇସ୍ଜ଼ହ ଜଣ ହୋଇଥିଲେ ଆହତ |
ସ୍ଥାନୀୟ ଲୋକଙ୍କ ସୂଚନା ଅନୁଯାୟୀ, ଗତ ରାତିରେ ଏକ ଚଳନ୍ତା ବସ୍ରେ ନିଆଁ ଲାଗି ଯାଇଥିବା ସେମାନେ ଦେଖିବାକୁ ପାଇଥିଲେ। ଏନେଇ ବସ୍ ଚାଳକଙ୍କୁ ସୂଚନା ଦେବାକୁ ଚେଷ୍ଟା କରିବା ବେଳେ ବସ୍ଟି ଦ୍ରୁତ ଗତିରେ ଚାଲି ଯାଇଥିଲା। ଏହାପରେ କିଛି ଯୁବକ ବାଇକ୍ରେ ବସ୍ ପିଛା କରି ଚାଳକଙ୍କୁ ଖବର ଦେବାରୁ ସେ ତୁରନ୍ତ ବସ୍ଟିକୁ ଅଟକାଇଥିଲେ। ମାତ୍ର ସେତେବେଳକୁ ବସ୍ରେ ନିଆଁ ବ୍ୟାପି ଯାଇଥିଲା। ଏବଂ ଅଗ୍ନିବାହିନୀ ପହଞ୍ଚିବା ବିଳମ୍ବ ହେବା ଯୋଗୁଁ ମୃତକଙ୍କ ସଂଖ୍ୟା ବଢିଯାଇଥିଲା |
