Esplanade ମଲ୍ ଆଗରୁ କିଡନାପ୍ ; କାର୍ରେ ଆସି ଉଠାଇନେଲେ ଯୁବକଙ୍କୁ ….
1 min read
ଭୁବନେଶ୍ୱର ; ରାଜଧାନୀ ରାଜରାସ୍ତାରୁ ଫିଲ୍ମ ଷ୍ଟାଇଲରେ କିଡନାପ୍ । ରସୁଲଗଡ୍ ଛକ ଏସପ୍ଲାନେଡ ମଲ ଆଗରୁ ଯୁବକଙ୍କୁ ଉଠାଇନେଲେ ଦୁର୍ବୃତ୍ତ । ଗତକାଲି ସନ୍ଧ୍ୟାରେ ଘଟିଛି ଏଭଳି ଅଘଟଣ । ଜନଗହଳି ସହ ଟ୍ରାଫିକ୍ ପୋଲିସଙ୍କ ଉପସ୍ଥିତି ସତ୍ତ୍ୱେ ଘଟିଯାଇଛି ଏଭଳି ଘଟଣା ।
ତେବେ ଅପହୃତ ଯୁବକ ଜଣଙ୍କ ଆନନ୍ଦପୁର ବେଲବାହାଳିର ପୂର୍ଣ୍ଣ ଚନ୍ଦ୍ର ସାହୁ ଙ୍କ ପୁଅ ପ୍ରିୟବ୍ରତ ସାହୁ ବୋଲି ଜଣାପଡିଛି । ପ୍ରିୟବ୍ରତ ସାଙ୍ଗ ଲୋକନାଥଙ୍କ ସହ ଏସପ୍ଲାନେଡ ମଲ ବୁଲିବାକୁ ଆସିଥିଲେ । କଳା କାରରେ ଆସି ୪ରୁ ୫ ଜଣ ଦୁର୍ବୃତ୍ତ ପ୍ରିୟବ୍ରତଙ୍କୁ ଉଠାଇନେଇଥିବା କହିଛନ୍ତି ପ୍ରିୟବତଙ୍କ ସାଙ୍ଗ ଲୋକନାଥ।ଏନେଇ ସେ ତୁରନ୍ତ ସହିଦ ନଗର ଥାନାରେ ଅଭିଯୋଗ କରିଥିବା ଜଣାପଡିଛି। ସୂଚନା ଅନୁସାରେ, ଟଙ୍କା ପାଇଁ ଏଭଳି ଅପହରଣ ହୋଇଥିବା ଜଣାପଡିଛି । ଅପହୃତ ହୋଇଥିବା ପ୍ରିୟବ୍ରତ ୨୦ ଲକ୍ଷ ଟଙ୍କା ନେଇ ଫେରାଉ ନଥିବା କାରଣରୁ ଟଙ୍କା ଦେଇଥିବା ଲୋକ ଉଠାଇ ନେଇଥିବା ସୂଚନା ରହିଛି ।
ଅନ୍ୟପଟେ ଅପହରଣକାରୀ ଥିବା ସ୍ଥାନକୁ ଲୋକେଟ କରାଯାଇଥିବା କମିଶନରେଟ ପୋଲିସ ପକ୍ଷରୁ ସୂଚନା ମିଳିଛି ।
