ପୋଲିସ ପ୍ରଶାସନକୁ ଲଜ୍ୟା : ଫିଲ୍ମ ଷ୍ଟାଇଲେ ସ୍କାଏଲାଇଟ୍ କାଚ ଭାଙ୍ଗି ଆସାମୀ ଫେରାର ..
1 min read
ବାଲେଶ୍ୱର : ପୋଲିସ ପ୍ରଶାସନକୁ ଲଜ୍ୟା । ଫିଲ୍ମ ଷ୍ଟାଇଲରେ ପୋଲିସ ହେପାଜତରୁ ଫେରାର୍ ହେଲା ଆସାମୀ । ପୋଲିସ ପାଉନି ଟେର୍ । ଦ୍ୱିନ ଦ୍ନିପହରରେ ପୋଲିସ ଆଖିରେ ଆଙ୍ଗୁଠି ଗେଞ୍ଜି ଛୁ ମାରିଲା ଆସାମୀ । ପ୍ରଶାସନର ଏଭଳି ଏକ ଢିଲା ବ୍ୟବସ୍ଥା ଦେଖିବାକୁ ମିଳିଛି ବାଲେଶ୍ଵର ଜିଲ୍ଲା ସିଂଲା ଥାନା ଅଂଚଳରେ ।
ମିଳିଥିବା ସୂଚନା ଅନୁଯାୟୀ ଗତ କାଲି ସକାଳ ସମୟରେ ବସ୍ତା ଥାନା ଶ୍ୟାମରାଇପୁର ଗାଁର ଅଭିଯୁକ୍ତ ଦେବାଶିଷ ଜେନା (ଅନାମ )ସିଂଲା ଥାନା ଜାମଶୁଳିରେ ମୋବାଇଲ ଚୋରି କରିଥିବା ଅଭିଯୋଗରେ ସ୍ଥାନୀୟ ଯୁବକମାନେ ଅନାମକୁ ମାଡମାରି ସିଂଲା ପୋଲିସକୁ ଜିମା ଦେଇଥିଲେ । ପୋଲିସ ପକ୍ଷରୁ ତାର ସ୍ୱାସ୍ଥ୍ୟ ପରୀକ୍ଷା ପାଇଁ ବସ୍ତା ଡାକ୍ତରଖାନା ନିଆଯାଇ ସେଠ।ରୁ ତାକୁ ସିଂଲା ଥାନାକୁ ଫେରାଇ ଅଣାଯାଇ ଅଭ୍ୟର୍ଥନା ଗୃହରେ ରଖା ଯାଇଥିଲା ବେଳେ ଅନାମ ସୁଯୋଗ ର ଫାଇଦା ଉଠାଇ
ପାଇଖାନା ଯିବା ବାହାନାରେ ପାଇଖାନା ଘରେ ଥିବା ସ୍କ୍ୟାଲାଇଟର କାଚ କାଢି କୁଆଡେ ଖସି ପଳାଇଛି ।
ଯାହାକି ସ୍ଥାନୀୟା ଅଂଚଳର ଚାଂଚଲ୍ୟ ସୃଷ୍ଟି କରିଛି।ପୋଲିସ ଉପସ୍ଥିରେ ଆସାମୀ କେମିତି ଖସି ପଳାଇଲା ନା ତାକୁ ଖସେଇ ଦିଆ ଗଲା ତାହା ଏବେ ଚର୍ଚାର ବିଷୟ ପାଲଟିଛି । ଅନ୍ୟପଟେ ପୋଲିସକୁ ଚକମା ଦେବା ନେଇ ଅନାମକୁ ଜୋରସୋରରେ ଖୋଜିବାରେ ଲାଗିପଡିଛି ସିଂଲା ପୋଲିସ ।
