ଚିକିତ୍ସା ବେଳେ ନର୍ସଙ୍କୁ କିସ୍ କରିବା ପଡିଲା ଭାରି , ବନ୍ଧା ହେଲେ ଯୁବକ
1 min read
ମୟୁରଭଞ୍ଜ : ନିଜକୁ ଫିଲ୍ମର ହିରୋ ଭାବିଥିଲେ ଯୁବକ । ଆଉ ଡାକ୍ତରଖାନାକୁ ଥିଏଟର । ଦେହ ଖରାପ ଯୋଗୁ ଡାକ୍ତର ଖାନରେ ଚିକିତ୍ସା ହେବାକୁ ଯାଇଥିବା ଯୁବକ ମୌକା ଦେଖି ନର୍ସଙ୍କୁ କିସ୍ କରିଦେଇଥିଲା । ଆଉ ଭାବିଥିଲା ନର୍ସ ଜଣଙ୍କ ପଡିଯିବେ ତା ପ୍ରେମରେ । କିନ୍ତୁ ଏଠି ବାଜି ଓଲଟିଯାଇଥିଲା । ନର୍ସ ଜଣଙ୍କ ଯୁବକଙ୍କ ପ୍ରେମରେ ପଡିବା ବଦଳରେ ତାଙ୍କୁ ଥାନାର ହାୱା ଖୁଆଇ ଦେଇଛନ୍ତି ।
ଆଜ୍ଞା ହଁ ଆପଣମାନଙ୍କୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ । ଆଜିକାଲି ଅସାମାଜିକ ବ୍ୟକ୍ତିଙ୍କର ଉଦ୍ଧତତା ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ଯାହାର ଫଳ ସ୍ୱରୂପ ଗତକାଲି ମୟୁରଭଞ୍ଜ ଜିଲ୍ଲାର କରଞ୍ଜିଆ ଉପଖଣ୍ଡ ଚିକିତ୍ସାଳୟରେ ଦେଖାଦେଇଥିଲା ଏଭଳି ଏକ ଅଶାଳୀନ ଘଟଣା ।
ଉକ୍ତ ଚିକିତ୍ସାଳୟରେ ସବୁ ଦିନ ଭଳି ଷ୍ଟାଫ୍ ନର୍ସ ଜଣଙ୍କ ନିଜ ଡିୟୁଟି ଅନୁଯାୟୀ ପ୍ରତି ରୋଗୀମାନଙ୍କୁ ଚେକ୍ କରିବାକୁ ଯାଆନ୍ତି । ଗତକାଲି ମଧ୍ୟ ଷ୍ଟାର୍ଫ ନର୍ସ ଜଣଙ୍କ ରାତି ୮ ଟା ସମୟରେ ବେଡ୍ରେ ଶୋଇଥିବା ରୋଗୀମାନଙ୍କୁ ଚେକ୍ କରିବାକୁ ଯାଇଥିଲେ । ଏହିସମୟରେ ମେଡିକାଲରେ ଚିକିତ୍ସିତ ହେଉଥିବା ରୋହିତ ଦାସ୍ (ଗୁଡ୍ଡୁ)ନାମକ ଜଣେ ଯୁବକଙ୍କୁ ନର୍ସ ଜଣଙ୍କ ଚେକ୍ କରିବାକୁ ଯାଇଥିବା ବେଳେ । ଗୁଡ୍ଡୁ ନର୍ସ ଜଣଙ୍କ ସହ ଅଶାଳୀନ ବ୍ୟବହାର କରିବା ସହ ତାଙ୍କୁ କିସ୍ କରିଦେଇଥିଲା । ନର୍ସ ଜଣଙ୍କ ସେଠାରେ ପାଟିତୁଣ୍ଡ ନକରି ସିଧା ପୋଲିସ ଷ୍ଟେସନରେ ଆସି ପହଞ୍ଚି ନିଜ ଅଭିଯୋଗ ଜଣାଇଥିଲେ ଏବଂ ଲିଖିତ ଆକାରରେ ମଧ୍ୟ ଦେଇଥିଲେ । ଏହାପରେ ପୋଲିସ ଗୁଡ୍ଡୁଙ୍କୁ ଗିରଫ୍ କରିବା ସହ ଘଟଣାର ପୁଙ୍ଖାନୁପୁଙ୍ଖ ତଦନ୍ତ କରୁଛି ।
ତେବେ ପୋଲିସ ସୂଚନା ଅନୁଯାୟୀ ପୂର୍ବରୁ ମଧ୍ୟ ଗୁଡ୍ଡୁ ଙ୍କ ନାଁରେ ଏକାଧିକ ଅପରାଧିକ ମାମଲା ରହିଛି । ଏହା ସହ ସେ ଅନେକ ସମୟରେ ଗୁଣ୍ଡା ଗର୍ଦ୍ଦି ଭଳି ଅନେକ କାଣ୍ଡରେ ଜଡିତ ଥାନ୍ତି ।
