ସାମ୍ନାପଟୁ ସ୍କୁଟି ଚାଳକଙ୍କୁ ଧକ୍କା ଦେଲା ମୋ ବସ୍ , ସ୍କୁଟି ଚାଳକଙ୍କ ଅବସ୍ଥା ଗୁରୁତର …

ଭୁବନେଶ୍ୱର ; ସକାଳୁ ସକାଳୁ ଭୟଙ୍କର ଦୁର୍ଘଟଣା । ଗତ ୨ ଦିନରେ ଓଡିଶାକୁ ଥରାଇଲାଣି ସଡକ ଦୁର୍ଘଟଣା । ନେଲାଣି ଅନେକ ନିରୀହ ଜୀବନ ।

ସୂଚନା ଅନୁଯାୟୀ ଶନିବାର ସକାଳ ୧୧ ଟା ସମୟରେ ଫାୟାର ଷ୍ଟେସନ ଛକ ବିବେକାନନ୍ଦ ହସ୍ପିଟାଲ ନିକଟରେ ମୁହାଁମୁହିଁ ଧକ୍କା ହୋଇଛି ଏକ ସ୍କୁଟି ଓ ମୋ ବସ । ଫଳରେ ଘଟଣା ସ୍ଥଳରେ ସ୍କୁଟିଟି ଭାଙ୍ଗି ଛିନଛତର ହୋଇଯାଇଥିବା ବେଳେ ସ୍କୁଟି ଚାଳକ ଜଣଙ୍କ ଗୁରୁତର ଆହତ ହୋଇଥିବା ଜଣାପଡିଛି । ସ୍କୁଟି ଚାଳକଙ୍କ ବୟସ ପାଖାପାଖି ୬୦ ବୋଲି ଅନୁମାନ କରାଯାଉଛି । ଏକ ନାଲି ରଙ୍ଗର (0R02B L0590 ) ପ୍ଳେଜର ସ୍କୁଟିରେ ବୃଦ୍ଧ ଜଣଙ୍କ ଆସୁଥିଲେ ବୋଲି ଘଟଣା ସ୍ଥଳରୁ ଜଣାପଡିଛି ।

Advertisement

ଖବର ପାଇଁ ପୋଲିସ ଓ ଆମ୍ବୁଲାନ୍ସ ସେଠାରେ ପହଞ୍ଚି ସ୍କୁଟି ଚାଳକଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ପୋଲିସ ବସ୍ ଡ୍ରାଇଭରକୁ ଅଟକ ରଖି ପଚରା ଉଚରା ଚଳାଇଛି । ତେବେ ସେଇ ବୃଦ୍ଧ ଜଣକ କିଏ ଆଉ କେଉଁଠାକୁ ଯାଉଥିଲେ । ତାହା ବର୍ତ୍ଥମାନ ସୁଦ୍ଧା ସ୍ପଷ୍ଟ ଭାବେ ଜଣାପଡିନାହିଁ ।