ଜୀବନ ନେଲା ମୁକୁଳା ଡ୍ରେନ , ବାଇକ ଭାରସାମ୍ୟ ହରାଇ ଡ୍ରେନ ରେ ପଡ଼ି ଯୁବକ  ମୃତ ..

ଭାରସାମ୍ୟ ହରାଇ ଡ୍ରେନକୁ ପଡିଲା ଗାଡ଼ି । ଯାହାଫଳରେ ଚାଲିଯାଇଛି ଯୁବକର  ଜୀବନ । ବଲାଙ୍ଗିର ବିଷ୍ନୁମୁଣ୍ଡା ରାସ୍ତା ସ୍ଥିତ କଂସାରି ପଡା ଛକରେ ଏଭଳି ଏକ ଦୁର୍ଘଟଣା ଘଟିଛି । ମୃତ ଯୁବକ ଜଣକ କଂଶାରି ପଡ଼ାର ସୁଦୀପ୍ତ ପଟ୍ଟନାୟକ ବୋଲି ଜଣାପଡିଛି । ମିଳିଥିବା ସୂଚନା ଅନୁସାରେ ସୁଦୀପ୍ତ ଆଜି ଦ୍ୱିପ୍ରହରରେ ରେଲୱେ ଷ୍ଟେସନ ପଟୁ ଘରକୁ ଫେରୁଥିଲେ ।

ଏହି ସମୟରେ କଂଶାରୀ ପଡା ଛକଠାରେ ମୁକୁଳା ଥିବା ଡ୍ରେନ ରେ ତାଙ୍କର ଗାଡ଼ି ଭାରସାମ୍ୟ ହରାଇ ପଡିଯାଇଥିଲା । ସେ କିନ୍ତୁ ଡ୍ରେନ ର ସ୍ଲାବ୍ ରେ ପଡ଼ି ମୁଣ୍ଡରେ ଗୁରୁତର ଆହତ ଲାଗିଥିଲା । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

Advertisement