ମଝି ରାସ୍ତାରେ ଓଲଟି ପଡ଼ିଲା ୬୬୬ କୋଟି ଟଙ୍କାର ଥିବା ସୁନା ଗହଣରେ ଭର୍ତ୍ତି ଟ୍ରକ
ତାମିଲନାଡୁରେ ଏକ ଘରୋଇ ଲଜିଷ୍ଟିକ୍ କମ୍ପାନୀର ଏକ ଟ୍ରକ୍ ସୀଥୋଡୁ ନିକଟରେ ଏକ ଦୁର୍ଘଟଣାର ସମ୍ମୁଖୀନ ହୋଇଥିଲା। ମଝି ରାସ୍ତରେ ଓଲଟି ପଡିଲା ଟ୍ରକ | ପୋଲିସ ଘଟଣାସ୍ଥଳରେ ପହଞ୍ଚି ଯାଞ୍ଚ କରିବା ସମୟରେ ଟ୍ରକ ଭିତରେ ଥିଲା ୮୧୦ କେଜି ସୁନା। ଏହାର ମୂଲ୍ୟ ପ୍ରାୟ ୬୬୬ କୋଟି ବୋଲି ଅନୁମାନ କରାଯାଉଛି ।
କୁହାଯାଉଛି ଯେ ଆଗକୁ ଯାଉଥିବା ଗାଡିରେ ଲାଗିଥିବା ଏକ ଟାରପଲିନ୍ ଉଡି ଟ୍ରକର କାଚରେ ମଦ ହୋଇଥିଲା | ଯାହାଫଳରେ କିଛି ହଠାତ ନ ଦେଖାଯିବା ଫଳରେ ଡ୍ରାଇଭର ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିଲା | ତେବେ ଏହି ଦୁର୍ଘଟଣାରେ ୨ ଜଣ ହୋଇଥିଲେ ଆହତ | ତେବେ ସେମାନଙ୍କୁ ଡାକ୍ତରଖାନରେ କରାଯାଇଥିଲା ଭର୍ତ୍ତି | ଟ୍ରକ ଭିତରେ ଥିଲା ୮୧୦ କେଜି ସୁନା| ପୋଲିସ ଯାଞ୍ଚ କରିବା ପରେ ସ୍ଥାନାନ୍ତର କରିଥିଲା |
ଏହା ପରେ ଉଚ୍ଚ ସୁରକ୍ଷା ସହ ଅନ୍ୟ ଏକ ଟ୍ରକକୁ ଘଟଣାସ୍ଥଳକୁ ପଠାଯାଇଥିଲା। କଡା ସୁରକ୍ଷା ମଧ୍ୟରେ ଟ୍ରକ ଭିତରେ ରଖାଯାଇଥିବା ସୁନା ଅଳଙ୍କାରକୁ ବାହାର କରି ପୋଲିସ କର୍ମଚାରୀଙ୍କ ସମ୍ମୁଖରେ ଅନ୍ୟ ଏକ ଟ୍ରକରେ ଭର୍ତ୍ତି କରାଯାଇଥିଲା। ଏହା ପରେ ଅଳଙ୍କାରଗୁଡ଼ିକୁ ସାଲେମରେ ଥିବା ଗନ୍ତବ୍ୟ ସ୍ଥଳକୁ ପଠାଯାଇଥିଲା |
ଏହି ଘଟଣାର ଏକ ଭିଡ଼ିଓ ମଧ୍ୟ ସାମ୍ନାକୁ ଆସିଥିଲା | ଯେଉଁଥିରେ ଏକ ଉଚ୍ଚ ସୁରକ୍ଷା ଟ୍ରକରୁ ସୁନା ଅଳଙ୍କାରରେ ପରିପୂର୍ଣ୍ଣ ବାକ୍ସ କିପରି ଖାଲି କରାଯାଉଛି ତାହା ଦେଖିବାକୁ ମିଳିଥିଲା | ଏହି ସମୟ ମଧ୍ୟରେ ପୋଲିସ କର୍ମଚାରୀମାନେ ସମ୍ପୂର୍ଣ୍ଣ ସତର୍କତାର ସହିତ ସେଠାରେ ରହିଥିଲେ।
