ପର୍ତ୍ତୁଗାଲ ରେ ଗ୍ରାଣ୍ଡ କ୍ରସ୍ ସମ୍ମାନ ପାଇଲେ ଅଚ୍ୟୁତ ସାମନ୍ତ..
1 min read
ଅଚ୍ୟୁତ ସାମନ୍ତଙ୍କୁ ମିଳିଲା ସର୍ବୋଚ୍ଚ ସମ୍ମାନ।ନଭେମ୍ବର ୧୫ରୁ ୧୭ ତାରିଖ ପର୍ଯ୍ୟନ୍ତ ପର୍ତ୍ତୁଗାଲର ପର୍ତ୍ତୋଠାରେ ୩୯ତମ ଏଫ୍ଆଇଭିବି ବିଶ୍ୱ କଂଗ୍ରେସ ସମ୍ମିଳନୀ ଅନୁଷ୍ଠିତ ହୋଇଥିଲା। ଏହି ଅବସରରେ କ୍ରୀଡ଼ା ବିଶେଷକରି ଭଲିବଲର ବିକାଶ ଦିଗରେ ଉଲ୍ଲେଖନୀୟ କାର୍ଯ୍ୟ ପାଇଁ କିଟ୍ ଓ କିସ୍ ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତଙ୍କୁ ଅନ୍ତର୍ଜାତୀୟ ଭଲିବଲ ଫେଡେରେଶନ (ଏଫ୍ଆଇଭିବି)ର ସର୍ବୋଚ୍ଚ ସମ୍ମାନ ପ୍ରଦାନ କରାଯାଇଛି ।
୨୨୨ ଦେଶରୁ ଆସିଥିବା ଭଲିବଲ ସଂଘର ସଭାପତି ତଥା ଅନ୍ୟ ପ୍ରତିନିଧିଙ୍କ ଉପସ୍ଥିତିରେ ଏଫ୍ଆଇଭିବି ସଭାପତି ଡ. ଆରି ଗ୍ରାସା ଏହି ସମ୍ମାନ ପ୍ରଦାନ କରିଥିଲେ। ନିକଟରେ ଡ. ଗ୍ରାସା କିଟ୍ ଓ କିସ୍ ପରିଦର୍ଶନରେ ଆସିଥିବା ବେଳେ ଏହି ସମ୍ମାନ ପ୍ରଦାନ ନେଇ ଘୋଷଣା କରିଥିଲେ। ସମ୍ମାନ ପ୍ରଦାନ କରାଯାଇଥିବାରୁ ପ୍ରଭୁ ଶ୍ରୀଜଗନ୍ନାଥଙ୍କ ନିକଟରେ ଋଣୀ ବୋଲି କହିଛନ୍ତି ସାମନ୍ତ ଡ. ଅଚ୍ୟୁତ ସାମନ୍ତ । ଏହାର ଶ୍ରେୟ ସେ ମହାପ୍ରଭୁଙ୍କୁ ଦେବା ସହ ଏହି ପୁରସ୍କାରକୁ ଭାରତର ସମସ୍ତ କ୍ରୀଡ଼ାବିତ୍ ଓ କ୍ରୀଡ଼ାପ୍ରେମୀ ଙ୍କ ସହ କିଟ୍ ଓ କିସକୁ ଉତ୍ସର୍ଗ କରିଛନ୍ତି।
