ଇସ୍ରାଏଲରେ ଫସିଲେ ବଲିଉଡର ସୁନ୍ଦରୀ; ହୋଇପାରୁନି ଯୋଗାଯୋଗ, ଅଭିନେତ୍ରୀଙ୍କୁ ସୁରକ୍ଷିତ ଉଦ୍ଧାର ପାଇଁ ଚାଲିଛି ଉଦ୍ୟମ..
1 min read
ଆତଙ୍କବାଦୀଙ୍କ ଯୁଦ୍ଧରେ ଫସିଲେ ବଲିଉଡ ଅଭିନେତ୍ରୀ । ଇସ୍ରୋଏଲ ଗସ୍ତରେ ଯାଇ ଆତଙ୍କବାଦୀଙ୍କ ଯୁଦ୍ଧ ଭିତରେ ଫସିଛନ୍ତି ÷ଅଭିନେତ୍ରୀ ନୁସରତ ଭରୁଚା । ଏନେଇ ତାଙ୍କ ସହ ପୁରା ଟିମ ମଧ୍ୟ ସେଠାରେ ଫସି ଯାଇଛି । ଯୋଗା ଯୋଗ ହୋଇ ପାରୁନଥିବା ନେଇ ଚିନ୍ତା ପ୍ରକାଶ କରିଛନ୍ତି ତାଙ୍କ ପରିବାର । ପାଲେଷ୍ଟାଇନର ଗାଜାରୁ ହାମସା ଆତଙ୍କବାଦୀମାନେ ରକେଟ ମାଡ଼ କରିବା ପରେ ଇସ୍ରାଏଲରେ ଯୁଦ୍ଧ ପରିସ୍ଥିତି ଘୋଷଣା ହୋଇଛି । ମାତ୍ର ୨୦ ମିନିଟରେ ହାମସା ପକ୍ଷରୁ ୫ ହଜାର ରକେଟ ଇସ୍ରାଏଲ ଉପରେ ମାଡ଼ କରାଯିବାରୁ ୪୦ ଜଣଙ୍କ ଜୀବନ ଗଲାଣି । ଆତଙ୍କବାଦୀମାନେ ଇସ୍ରାଏଲର କିଛି ସହରରେ ମଧ୍ୟ ପ୍ରବେଶ କରି ତାଣ୍ଡବ ରଚିଛନ୍ତି । ସ୍ଥିତି ଦନିକୁ ଦିନ ବିଗିଡ଼ିବାରୁ ଭାରତ ସରକାର ଇସ୍ରାଏଲରେ ଥିବା ନିଜ ଦେଶର ଲୋକଙ୍କ ପାଇଁ ସତର୍କ ସୂଚନା ଜାରି କରିଛନ୍ତି ।
ଇସ୍ରାଏଲରେ ଥିବା ଭାରତୀୟ ଦୂତାବାସ ପକ୍ଷରୁ ନାଗରିକମାନଙ୍କୁ ସ୍ଥିତି ପ୍ରତି ସତର୍କ ରହିବା ସହ ସୁରକ୍ଷା ପ୍ରୋଟକଲ ପାଳନ କରିବାକୁ ପରାମର୍ଶ ଦିଆଯାଇଛି । ତେବେ ଅଭିନେତ୍ରୀ ଏବଂ ତାଙ୍କ ଟିମ ସେଠାରେ ଫସି ରହିଥିବା ବେଳେ ସେମାନଙ୍କୁ ଯୋଗା ଯୋଗ କରିବାକୁ ଚେଷ୍ଟା ଜାରି ରହିଛି । ତେବେ ତାଙ୍କ ଟିମ ପକ୍ଷରୁ ଜଣେ ସଦସ୍ୟ ଏକ ବିବୃତ୍ତି ଜାରି କରି କହିଛନ୍ତି ଯେ ନୁସରତ ଇସ୍ରାଏଲରେ ଫସି ରହିଛନ୍ତି । ହାଫିଆ ଆନ୍ତର୍ଜାତିକ ଚଳଚ୍ଚିତ୍ର ମହୋତ୍ସରେ ଯୋଗ ଦେବା ପାଇଁ ସେ ଇସ୍ରାଏଲ ଯାଇଥିଲେ । ଶେଷଥର ପାଇଁ ଶନିବାର ଦିନ ତାଙ୍କ ସହିତ ଯୋଗାଯୋଗ କରିଥିଲି । ସେତେବେଳେ ସେ ଏକ ‘ବେସ୍ମେଣ୍ଟ୍’ରେ ସୁରକ୍ଷିତ ଥିଲେ । ସୁରକ୍ଷା ଦୃଷ୍ଟିରୁ ତାଙ୍କ ବିଷୟରେ ଅଧିକ ବିବରଣୀ ପ୍ରକାଶ କରାଯାଇ ନାହିଁ । କିନ୍ତୁ, ଏହାପରଠୁ ଆଉ ତାଙ୍କ ସହିତ ଯୋଗାଯୋଗ ହୋଇ ପାରି ନାହିଁ । ସୁରକ୍ଷିତ ଭାବେ ନୁସ୍ରତ୍ଙ୍କୁ ଭାରତକୁ ଫେରାଇ ଆଣିବା ପାଇଁ ଉଦ୍ୟମ ଚାଲିଛି ।
