ଖୁବ୍ ଶ୍ରୀଘ୍ର ବିବାହ ବନ୍ଧନରେ ବାନ୍ଧିହେବେ ‘ଚୁଲ୍ବୁଲି ନାୟିକା ରକୁଲ ପ୍ରୀତ୍ ’
1 min read
ନୂଆଦିଲ୍ଳୀ : ସାଉଥ୍ ଇଣ୍ଡଷ୍ଟ୍ରିର ଫେମସ୍ ଅଭିନେତ୍ରୀ ରକୁଲ ପ୍ରୀତ୍ ସିଂ । ସାଉଥ୍ ସହ ଏବେ ବଲିଉଡ୍ରେ ମଧ୍ୟ ଖୁବ୍ ଧମାଲ ମଚେଇଛନ୍ତି ଏହି ନାୟିକା ଜଣକ ବଲିଉଡ୍ରେ ୟାରିଁୟା ଫିଲ୍ମରେ ଏଣ୍ଟ୍ରିମାରିଥିବା ଏହି ନାୟିକା ଅଜୟ ଦେବଗନ,ସିଦ୍ଧାର୍ଥ ମଲହୋଦ୍ରା ଙ୍କ ସହ ମଧ୍ୟ ଲିଡ୍ ରୋଲରେ ନଜର ଆସିଛନ୍ତି । ତେବେ ଆଗକୁ ଏହି ନାୟିକା ଜଣକ ଆୟିଷ୍ମାନ ଖୁରାନାଙ୍କ ସହ ଡକ୍ଟର ଜିରେ ନଜର ଆସିବେ । ତେବେ ରକୁଲ ଦୀର୍ଘ ସମୟ ଧରି ଜ୍ୟାକି ଭାଗ୍ନାନୀଙ୍କ ସହ ରିଲେସନସିପ୍ରେ ଥିବା ଜଣାପଡିଥିଲା ଦୁହିଙ୍କୁ ପ୍ରାୟତ ଏକାଠି ଅନେକ ଜାଗାରେ ଦେଖିବାକୁ ମିଳିଥିଲା । ଏନେଇ ଉଭୟଙ୍କୁ ଚର୍ଚ୍ଚା ଜୋର ଧରିଥିବା ବେଳେ , ବର୍ତ୍ତମାନ ରକୁଲଙ୍କ ଭାଇ ଏହି ବିବାହକୁ ନେଇ କିଛି ସୂଚନା ଦେଇଛନ୍ତି। କୁହାଯାଉଛି ୨୦୨୩ ମସିହାରେ ଏହି କପଲ୍ ବିବାହ ପାଇଁ ପ୍ରସ୍ତୁତ ହେଉଛନ୍ତି।
ଦୀର୍ଘ ସମୟ ଧରି ଦୁହେଁ ପରସ୍ପରକୁ ପସନ୍ଦ କରୁଛନ୍ତି। ରକୁଲ ଏବଂ ଜ୍ୟାକି ପ୍ରାୟତଃ ଏକାଠି ନଜର ଆସନ୍ତି। ସେମାନଙ୍କ ସମ୍ପର୍କକୁ ଏକ ପାଦ ଆଗକୁ ନେବାକୁ ଚାହୁଁଛନ୍ତି। ଏଥିରେ ରକୁଲଙ୍କ ଭାଇ ମଧ୍ୟ ସହମତ ହୋଇଛନ୍ତି। ଅଭିନେତ୍ରୀଙ୍କ ଭାଇ ଅମାନ କହିଛନ୍ତି, ରକୁଲ ଜ୍ୟାକିଙ୍କ ସହ କିଛି ପ୍ରୋଜେକ୍ଟରେ କାମ କରିଛନ୍ତି। ଉଭୟ ପରସ୍ପରକୁ ପସନ୍ଦ କରନ୍ତି ଏବଂ ବିବାହ କରିବାକୁ ମଧ୍ୟ ଚାହାଁନ୍ତି। ବର୍ତ୍ତମାନ ବିବାହ ପାଇଁ କୌଣସି ତାରିଖ ସ୍ଥିର କରାଯାଇ ନାହିଁ। କିନ୍ତୁ ରକୁଲ ନିଜେ ସମସ୍ତଙ୍କୁ ଏ ବିଷୟରେ କହିବେ। ଜ୍ୟାକିଙ୍କ ପାଖରେ ଅନେକ ବଡ ପ୍ରୋଜେକ୍ଟ ଅଛି ଏବଂ ରକୁଲ ମଧ୍ୟ ତାଙ୍କ କାମରେ ବ୍ୟସ୍ତ ଅଛନ୍ତି। ତେଣୁ ଉଭୟ ବିବାହ ପାଇଁ ଭାବି ଚିନ୍ତି ନିଷ୍ପତ୍ତି ନେବେ।
