ଅଭିନେତ୍ରୀ ରିୟା ସ୍ବାମୀଙ୍କ ସହ ମିଶି ମାରୁଛନ୍ତି ମାଡ଼, ସହାୟିକା ଆଣିଲେ ଅଭିଯୋଗ
1 min read
ସୁନ୍ଦର ଓଲିଉଡ଼ ଅଭିନେତ୍ରୀ ରିୟା ଦେଙ୍କ ବିରୋଧରେ ଆସିଛି ସାଙ୍ଘାତିକ ଅଭିଯୋଗ | ଅଭିଯୋଗ ଆଣିଛନ୍ତି ତାଙ୍କ ଘରେ କାମ କରୁଥିବା ସହାୟିକା | ଅଭିଯୋଗ ଅନୁସାରେ ରିୟା ମତେ ଦିନକୁ ୧0 ଥର ବସ ଉଠ କରନ୍ତି ଓ ସ୍ୱାମୀ ସୁନୀଲ ମୋ ଦେହକୁ ମଦ ବୋତଲ ଫୋପାଡ଼ିଛନ୍ତି ଆଉ ଚଟକଣା ମାରିଛନ୍ତି | ଓଡ଼ିଆ ଅଭିନେତ୍ରୀ ରିୟା ଦେଙ୍କର ନାଁରେ ଚନ୍ଦ୍ରଶେଖପୁର ଥାନାରେ ଆସିଛି ସାଙ୍ଘାତିକ ଅଭିଯୋଗ | କେୟାର ଟେକର ବର୍ଷା ବେହେରା ଚନ୍ଦ୍ରଶେଖରପୁର ଥାନାରେ ଏନେଇ କରିଛନ୍ତି ବିଧିବଧ ଲିଖିତ ଅଭିଯୋଗ |
ରିୟା ଓ ତାଙ୍କ ସ୍ୱାମୀ ସୁନୀଲ ତାଙ୍କୁ ନିର୍ଯାତନା ଦେଉଥିବା ଅଭିଯୋଗ ଆସିଛି | ତେବେ ରିୟାଙ୍କ ସ୍ୱାମୀ ତାଙ୍କୁ ବିଅର ବୋତଲରେ ବାଡ଼େଇଥିବା ଚନ୍ଦ୍ରଶେଖରପୁର ଥାନରେ ଅଭିଯୋଗ ଆଣିଛନ୍ତି ସହାୟିକା ବର୍ଷା | ଅଭିଯୋଗ ଆଧାରରେ ବର୍ତ୍ତମାନ ତଦନ୍ତ କରୁଛି ପୋଲିସ | ରିୟାଙ୍କ ଘରୁ ଖସି ପଳାଇ ଆସି ବର୍ଷା ଥାନାରେ କରିଛନ୍ତି ଅଭିଯୋଗ | ତାଙ୍କ ସହ ଅଛନ୍ତି କିଛି ହ୍ୟୁମାନ ରାଇଟ୍ସ କର୍ମୀମାନେ | ଦେଢ଼ ବର୍ଷ ହେବ ଯୁବତୀଙ୍କୁ ଶାରୀରିକ, ମାନସିକ ନିର୍ଯାତନା ଦେଉଥିବା ଅଭିଯୋଗ ଆଣିଛନ୍ତି ଯୁବତୀ | ତେବେ ରିୟା ଯୁବତୀଙ୍କୁ ଘରୁ ବାହାରୁ ତାଲା ପକାଇ ରଖୁଥିବା ମଧ୍ୟ ଅଭିଯୋଗ କରିଛନ୍ତି ଯୁବତୀ | ଶିଶୁ ସୁରକ୍ଷା ଟିମ ପକ୍ଷରୁ ବର୍ଷାଙ୍କୁ ଉଦ୍ଧାର କରାଯାଇ ପୋଲିସ ଥାନାରେ ଅଭିଯୋଗ କରି କାର୍ଯ୍ୟାନୁଷ୍ଠାନ ଦାବି କରିଛନ୍ତି | ତେବେ ଏହି ଅଭିଯୋଗ ଅନୁସାରେ ରିୟାଙ୍କ ଠାରୁ ମିଳିପାରିନି କୌଣସି ପ୍ରକାର ପ୍ରତିକ୍ରିୟା | ତେବେ ଏହି ଅଭିଯୋଗ ସତ୍ୟସତ ପାଇଁ ତଦନ୍ତ ଆରମ୍ଭ କରିଛି ପୋଲିସ |
