(video)ଦୀର୍ଘ ୧୦ ଦିନ ପରେ ଆସିଲା ଟନେଲ୍ ଭିତରର ପ୍ରଥମ ଭିଡିଓ ; ଏଣ୍ଡୋସ୍କୋପି କ୍ୟାମେରାରେ ଦେଖାଗଲେ ୪୧ ଶ୍ରମିକ …..

ଉତ୍ତରାଖଣ୍ଡ ; ଉତ୍ତରାଖଣ୍ଡ ଟନେଲ ଟ୍ରାଜେଡିରୁ ସାମ୍ନାକୁ ଆସିଲା ଟନେଲ ଭିତରର ପ୍ରଥମ ଦୃଶ୍ୟ । ସୋମବାର ଉଦ୍ଧାରକାରୀମାନେ ଭୁଶୁଡି ପଡିଥିବା ସିଲ୍କିରା ଟନେଲର ଅଳିଆ ଆବର୍ଜନା ମାଧ୍ୟମରେ ଏକ ଇଞ୍ଚ ଚଉଡା ପାଇପଲାଇନ ପଠାଇଛନ୍ତି । ଯାହା ସେମାନଙ୍କୁ ଅଧିକ ପରିମାଣର ଖାଦ୍ୟ ଯୋଗାଇବାରେ ସାହାଯ୍ୟ କରିବ । ଡ୍ରିଲ ସାହାଯ୍ୟରେ ସେଠାକୁ ଏକ ଇଣ୍ଡୋସ୍କୋପି କ୍ୟାମେରା ସହ ଏକ ୬ ଇଞ୍ଚର ପାଇପ୍ ମଧ୍ୟ ପଠାଯାଇଛି । ଯାହା ରାସ୍ତାରେ ଥିବା ସମସ୍ତ ମାଟି , ଅଳିଆ ଇତ୍ୟାଦିକୁ ଠେଲି ଶ୍ରମିକଙ୍କ ନିକଟରେ ମଙ୍ଗଳବାର ସକାଳେ ପହଞ୍ଚିଛି । ଏହି କ୍ୟାମେରାରେ କଏଦ୍ ହୋଇଛି ଶ୍ରମିକ ମାନଙ୍କ ଦୃଶ୍ୟ । ଯେଉଁଥିରେ ହଳଦିଆ ଏବଂ ଧଳା ହେଲମେଟ ପିନ୍ଧିଥିବା ଶ୍ରମିକମାନେ ପାଇପଲାଇନ ମାଧ୍ୟମରେ ପଠାଯାଇଥିବା ଖାଦ୍ୟ ସାମଗ୍ରୀ ଗ୍ରହଣ କରି ପରସ୍ପର ସହ କଥାବାର୍ତ୍ତା ହେଉଥିବା ଦେଖିବାକୁ ମିଳିଛି। ଏହି ଶ୍ରମିକମାନଙ୍କ ପରିବାର ପାଇଁ ଏହା ଏକ ବଡ଼ ଆରାମ ।

ବର୍ତ୍ତମାନ ପର୍ଯ୍ୟନ୍ତ, ଉତ୍ତରାଖଣ୍ଡର ଚାର ଧାମ ମାର୍ଗରେ ନିର୍ମାଣାଧୀନ ଟନେଲର ଅଳିଆ ଆବର୍ଜନା ବାହାରେ ଥିବା ଅମ୍ଳଜାନ ଏବଂ ଶୁଖିଲା ଫଳ ଏବଂ ଔଷଧ ଭଳି ସାମଗ୍ରୀ ଯୋଗାଇବା ପାଇଁ ଚାରି ଇଞ୍ଚର ବିଦ୍ୟମାନ ଟ୍ୟୁବ୍ ବ୍ୟବହାର କରାଯାଉଥିଲା । କିନ୍ତୁ ବର୍ତ୍ତମାନ ରନ୍ଧାଖାଦ୍ୟ, ଫଳ, ୱାକିଟକି, ଚାର୍ଜର ଓ ଅନ୍ୟ ଆବଶ୍ୟକ ସାମଗ୍ରୀ ସେମାନଙ୍କ ପାଖକୁ ପଠାଯାଉଛି। ଦୀର୍ଘ ୯ ଦିନ ପରେ ଗତରାତିରେ ପ୍ରଥମ ଥର ପାଇଁ ରନ୍ଧାଖାଦ୍ୟ ଖାଇଛନ୍ତି ଫସିଥିବା ୪୧ ଜଣ ଶ୍ରମିକ। ସେମାନଙ୍କୁ ଖେଚୁଡ଼ି, ଡାଲି, ଦଲିଆ ଓ ସେଓ ଦିଆଯାଇଛି ।

ଜାତୀୟ ରାଜପଥ ଏବଂ ଭିତ୍ତିଭୂମି ବିକାଶ ନିଗମ ଲିମିଟେଡ୍ (NHIDCL) ନିର୍ଦ୍ଦେଶକ ଅନସୁ ମନୀଷ ଖାଲଖୋ ଏହାକୁ ଉକ୍ତ ସ୍ଥାନରେ “ପ୍ରଥମ ସଫଳତା” ବୋଲି କହିଛନ୍ତି। ସେ କହିଛନ୍ତି ଯେ ଆମେ ପାଇପକୁ ୫୩ ମିଟରକୁ ଅଳିଆ ଆବର୍ଜନା ପାର୍ଶ୍ୱକୁ ପଠାଇଛୁ ଏବଂ ଫସି ରହିଥିବା ଶ୍ରମିକମାନେ ଆମକୁ ଶୁଣିପାରିବେ ଏବଂ ଅନୁଭବ କରିପାରିବେ। ଏହା ସହ ସବୁଠୁ ବଡ ଆଶ୍ନସ୍ତକର କଥା ହେଲା ସେଠାରେ ବିଦ୍ୟୁତ୍ ଏବଂ ଜଳ ସୁବିଧା ମଧ୍ୟ ରହିଛି । ତେବେ ଟନେଲର ତିନି ପଟୁ ଡ୍ରିଲିଂ କରିବାକୁ ଯୋଜନା କରାଯାଇଛି। ଯେଉଁଠି ଶ୍ରମିକମାନେ ଫସିଛନ୍ତି ତାର ବାମ ଓ ଡାହାଣ ପଟୁ ଡ୍ରିଲିଂ କରା ଯାଉଛି । ତା ସହିତ ଉପରୁ ମଧ୍ୟ ହୋଲ୍ ଯାଇ ଯେ କୌଣସି ମତେ ସେମାନଙ୍କ ଉଦ୍ଧାର ପାଇଁ ନିଷ୍ପତ୍ତି ନିଆଯାଇଛି। ଏଥିପାଇଁ ୫ଟି ଟିମ୍ ରାତି ଦିନ କାମ କରୁଛନ୍ତି। ଏବେ ଉଦ୍ଧାର କାର୍ଯ୍ୟରେ ସାମିଲ ହୋଇଛନ୍ତି ଡିଆରଡିଓର ରୋବୋଟିକ ଟିମ୍ ଓ ଏକ ଇଣ୍ଟରନ୍ୟାସନାଲ ଟନେଲ ଏକ୍ସପର୍ଟ ଟିମ୍ ।