ଦୀର୍ଘ ୧୧ ପରେ ବଡ ପରଦାରେ ଆସୁଛି କ୍ରିଶ ୪; ପୁଣି ଧମାଲ କରିବେ ହ୍ରିତିକ ରୋଶନ
1 min read
ପିଲାଙ୍କ ଅତି ପ୍ରିୟ ଫିଲ୍ମ କ୍ରିଶ ପୁଣିଥରେ ଆସିବାକୁ ଯାଉଛି | ଦୀର୍ଘ ୧୧ ବର୍ଷ ପରେ କ୍ରିଶ ହୋଇ ପୁଣି ଫେରିବେ ହ୍ରିତିକ ରୋଶନ | ବଲିଉଡର ବରିଷ୍ଠ ଅଭିନେତା ତଥା ନିର୍ଦ୍ଦେଶକ ରାକେଶ ରୋଶନ ଫିଲ୍ମ ଆସିବା ନେଇ ଘୋଷଣା କରିଛନ୍ତି | ଏହାସହ ସେ ଏହି ଫିଲ୍ମ ପରେ ଅବସର ନେବାପାଇଁ ଏକ ସଙ୍କେତ ମଧ୍ୟ ଦେଇଛନ୍ତି |
କ୍ରିଶର ୩ଟି ଯାକ ସଂସ୍କରଣ ବକ୍ସ ଅଫିସରେ ଭଲ ବ୍ୟବସାୟ କରିଛି । ଏବେ ପ୍ରଶଂସକ ଏହାର ଚତୁର୍ଥ ସଂସ୍କରଣ ପାଇଁ ଅପେକ୍ଷାର ସହ ବସିଛନ୍ତି । ୨୦୧୩ରେ କ୍ରିଶ ୩ ରିଲିଜ ହୋଇଥିଲା । ଏହାର ମେକର୍ସ ରାକେଶ ରୋଶନ ଏକ ସାକ୍ଷାତକାରରେ ସ୍ପଷ୍ଟ କରିଛନ୍ତି ଯେ, ଖୁବ ଶୀଘ୍ର କ୍ରିଶ ୪ର ଘୋଷଣା କରାଯିବ । ଏହି ଅବସରରେ ସେ ନିର୍ଦ୍ଦେଶନାରୁ ଅବସର ନେବେ ବୋଲି ମଧ୍ୟ କହିଛନ୍ତି । ପୂର୍ବରୁ ୨୦୦୩ରେ କୋଇ ମିଲ ଗୟା ପ୍ରଥମେ ରିଲିଜ ହୋଇଥିଲା । ଏହା ପରେ ୨୦୦୬ରେ ଏହାର ଦ୍ୱିତୀୟ ସଂସ୍କରଣ କ୍ରିଶ ରିଲିଜ ହୋଇଥିଲା ।
ଚଳିତ ବର୍ଷ ଆରମ୍ଭରେ ହ୍ରିତିକଙ୍କ ବ୍ୟାଙ୍ଗ୍ ବ୍ୟାଙ୍ଗ୍, ଓ୍ଵାର ଓ ଫାଇଟରର ନିର୍ଦ୍ଦେଶକ ସିଦ୍ଧାର୍ଥ ଆନନ୍ଦ ନିଜର ଏକ୍ସ ହ୍ୟାଣ୍ଡେଲରେ ଋତିକଙ୍କ କ୍ରିଶ ଗେଟ୍ଅପ୍ର ଏକ ଫଟୋ ସହ କ୍ୟାପସନ ସହ ଲେଖିଥିଲେ, ସେ ପୁଣି ଥରେ ଆସୁଛି। ଅର୍ଥାତ କ୍ରିଶ ୪ ଆସୁଥିବାର ସେ ସଙ୍କେତ ଦେଇଥିଲେ। କ୍ରିଶ ୪ ମଧ୍ୟ ସିଦ୍ଧାର୍ଥ ଆନନ୍ଦ ନିର୍ଦ୍ଦେଶନା ଦେଉଛନ୍ତି |
