୪ବର୍ଷ ପୂର୍ବେ ପ୍ରେମିକା ସହ ମିଶି ସ୍ୱାମୀକୁ ହତ୍ୟା ;ଧରାପଡିଲା ମୁଖ୍ୟ ଅଭିଯୁକ୍ତ…..
1 min read
ପ୍ରେମିକ ସହ ମିଶି ସ୍ୱାମୀକୁ ହତ୍ୟା କରି ଫିଙ୍ଗି ଦେବା ଘଟଣାରେ ୪ବର୍ଷ ପରେ ଧରାପଡିଲା ମୁଖ୍ୟ ଅଭିଯୁକ୍ତ | ଗିରଫ ଅଭିଯୁକ୍ତ ଜଣକ ହେଲେ ପିପିଲି ଥାନା ବାଗେଶ୍ଵରପୁର ଗାଁର ପ୍ରେମିକ ବିଜୟ ସାମନ୍ତରା। ଆଜି ବିଜୟକୁ ଗିରଫ କରିଛି ଅଡବା ପୋଲିସ ।
ସୂଚନା ଅନୁଯାୟୀ, ବିଜୟ ସାମନ୍ତରା ମୁନିଗୁଡାରେ ରହି ଫଳ ବ୍ୟବସାୟ କରୁଥିବା ବେଳେ ଯୁବରାଜ ଙ୍କ ପତ୍ନୀ ନିବେଦିତାଙ୍କ ପ୍ରେମ ସମ୍ପର୍କ ଗଢି ଉଠଥିଲା। ପରେ ସ୍ତ୍ରି ନିବେଦିତା ପ୍ରେମିକ ବିଜୟ ସହ ମିଶି ଯୋଜନାବଦ୍ଧ ଭାବେ ୨୦୨୦ ଜାନୁୟାରୀ ୧ ତାରିଖ ରେ ଘରେ ହତ୍ୟା କରି ମୃତ ଦେହକୁ ଲୁଗାରେ ଗୁଡ଼ାଇ ଅଡବା ଥାନା ନିକଟରେ ଫିଙ୍ଗି ଦେଇଥିଲେ। ସେହି ହତ୍ୟାକାଣ୍ଡରେ ତାଙ୍କ ସହ ଆଉ ଜଣେ ମଧ୍ୟ ସହଯୋଗୀର ହାତ ଥିଲା | ଗଜପତି ଜିଲ୍ଲା ଅଡବା ଥାନା ନିକଟରୁ ପୋଲିସ ମୃତ ଦେହ ଜବତ କରିଥିଲା ।ମୃତ ଜଣକ ଯୁବରାଜ ଚାନ୍ଦି। ରାୟଗଡ଼ା ଜିଲ୍ଲା ମୁନିଗୁଡ଼ା ତହସିଲ ଅଫିସରେ ଡ୍ରାଇଭର କାମ କରୁଥିଲେ ସ୍ୱାମୀ ଯୁବରାଜ । ସେହି ହତ୍ୟା ଘଟଣାରେ ପୋଲିସ ସ୍ତ୍ରୀ ନିବେଦିତା ଓ ଅନ୍ୟ ଜଣେ ସହଯୋଗିକୁ ଗିରଫ କରି କୋର୍ଟ ଚାଲାଣ କରିଥିବା ବେଳେ ଘଟଣା ପର ଠାରୁ ମୁଖ୍ୟ ଅଭିଯୁକ୍ତ ବିଜୟ ଫେରାର ଥିଲା । ତେବେ ଆଜି ଅଡବା ଥାନା ପୋଲିସର ଏକ ଟିମ୍ ପିପିଲି ଥାନା ନାଗେଶ୍ଵରପୂର୍ ଗାଁରୁ ବିଜୟକୁ ଗିରଫ କରି କୋର୍ଟ ଚାଲାଣ କରିଥିବା ସୂଚନା ଦେଇଛନ୍ତି ଥାନା ଅଧିକାରୀ l
