ଏପଟେ ଏଆର ରହମାନ ଦେଲେ ସ୍ତ୍ରୀକୁ ଛାଡ଼ପତ୍ର , ସେପଟେ ଛାଡପତ୍ର ଘୋଷଣା କଲେ ତାଙ୍କ ଟ୍ରୁପର ଗୀତାରିଷ୍ଟ..
1 min read
ମ୍ୟୁଜିକ ମାଷ୍ଟ୍ରୋ ଏଆର ରହମାନ ଓ ତାଙ୍କ ପତ୍ନୀଙ୍କ ମଧ୍ୟରେ ହୋଇଛି ବିଚ୍ଛେଦ। ଦମ୍ପତିଙ୍କ ବିଚ୍ଛେଦ ସମ୍ପର୍କରେ ପୁରସ୍କାର ପ୍ରାପ୍ତ ଓକିଲ ବନ୍ଦନା ଶାହ ଓ ଆସୋସିଏଟ ପକ୍ଷରୁ ବିବୃତି ଜାରି କରି ସୂଚନା ଦିଆଯାଇଛି।ଦୀର୍ଘ ୨୯ ବର୍ଷର ଦାମ୍ପତ୍ତ୍ୟ ଜୀବନରେ ଲାଗିଛି ବ୍ରେକ୍। ଏହି ଖବର ସାମ୍ନା କୁ ଆସିବା ପରେ ସମସ୍ତେ ଆଶ୍ଚର୍ଯ୍ୟ ହୋଇଛନ୍ତି ।
ଏଆର ରହମାନ ଙ୍କ ଛାଡ଼ପତ୍ର ଘୋଷଣା ପରେ ତାଙ୍କ ଟ୍ରୁପ୍ ର ଗୀତାରିଷ୍ଟ ମୋହିନୀ ଦେ ମଧ୍ୟ ତାଙ୍କ ସ୍ୱାମୀଙ୍କ ଠାରୁ ଛାଡ଼ପତ୍ର ଘୋଷଣା କରିଛନ୍ତି। ମୋହିନୀ ସ୍ୱାମୀ ହାର୍ଟଙ୍କ ଠାରୁଛାଡ଼ପତ୍ର କଥା ସୋସିଆଲ ମିଡିଆରେ ପୋଷ୍ଟ କରିଛନ୍ତି।ମୋହିନୀ ଦେ ଏବଂ ହାର୍ଟ ଇନଷ୍ଟାଗ୍ରାମରେ ମିଳିତ ବିବୃତ୍ତି ଦେଇଛନ୍ତି। ଏହା ସହିତ ସେ କହିଛନ୍ତି ଯେ ଆମେ ଦୁହେଁ ଘୋଷଣା କରୁଛୁ ଯେ ଆମେ ଦୁହେଁ ଅଲଗା ହୋଇଯାଇଛୁ | ଏହା ଆମ ମଧ୍ୟରେ ପାରସ୍ପରିକ ବୁଝାମଣା | ଯଦିଓ ଆମେ ବହୁତ ଭଲ ବନ୍ଧୁ କିନ୍ତୁ ଆମେ ଦୁହେଁ ସ୍ଥିର କଲୁ ଯେ ଆମେ ଜୀବନରେ ଭିନ୍ନ ଜିନିଷ ଚାହୁଁ ଏବଂ ଆଗକୁ ବଢିବା ପାଇଁ ଏକ ବନ୍ଧୁତ୍ୱପୂର୍ଣ୍ଣ ପୃଥକତା ହେଉଛି ସର୍ବୋତ୍ତମ ଉପାୟ |
ମୋହିନୀ ଆହୁରି ଲେଖିଛନ୍ତି – ଆମେ ତଥାପି ଅନେକ ପ୍ରୋଜେକ୍ଟ ଏବଂ ମୋହିନୀ ଡେ ଗ୍ରୁପ୍ ରେ ଏକାଠି କାମ କରିବୁ | ଆମେ ଏକତ୍ର କରୁଥିବା ଭଲ କାର୍ଯ୍ୟ ପାଇଁ ଆମେ ସର୍ବଦା ଗର୍ବିତ, ଏବଂ ତାହା ବନ୍ଦ ହେବ ନାହିଁ | ଏଭଳି ସ୍ଥିତିରେ ଗୋପନୀୟତାକୁ ସମ୍ମାନ ଦେବେ ବୋଲି ଅପିଲ୍ କରିଛନ୍ତି ମୋହିନୀ ।
