ନିଷ୍ଫଳ ହେଲା ଶେଷ ପ୍ରୟାସ: ଆଖି ବୁଜିଲା ଗଜରାଜ
1 min read
ଭୁବନେଶ୍ୱର: ୫ ଦିନର ଲଢେଇ ପରେ ଆଖିବୁଜିଲା ଗଜରାଜ । ସମ୍ବଲପୁଲର ସାପଲହରା ଠାରେ ଅସୁସ୍ଥ ହାତୀଟି ପୋଖରୀରେ ପସିଥିବା ବେଳେ ତାକୁ କାଢିବାକୁ ବନ ବିଭାଗ ପକ୍ଷରୁ ପ୍ରୟାସ କରାଯାଇଥିଲା । ତେବେ ହାତୀଟି ଶେଷରେ ପ୍ରାଣ ହରାଇଛି । ପାଣି ଭିତରେ ଥିଲେ ହେଁ ବନବିଭାଗ ପକ୍ଷରୁ କୌଣସି ସମୟୋଚିତ ପଦକ୍ଷେପ ଗ୍ରହଣ କରାଯାଇନଥିଲା ।
ଶେଷରେ ହାତୀଟି ଖାଦ୍ୟ ଗ୍ରହଣ କରୁନଥିବାରୁ ଏହାକୁ ବାହାର କରିବା ପାଇଁ କ୍ରେନର ବ୍ୟବହାର କରାଯାଇଥିଲା । ହାତୀଟି ନିଶ୍ଚଳ ହୋଇଥିବା ବେଳେ ଡାକ୍ତର ଏହାକୁ ମୃତ ଘୋଷଣା କରିଥିଲେ । ଶରୀରରେ କ୍ଷତ ଗଭୀର ଥିବାରୁ ପାଣି ଭିତରେ ହିଁ ଚିକିତ୍ସା ଚାଲିଥିବା କୁହାଯାଇଥିଲା । ତେବେ ଶେଷ ମୂହୂର୍ତ୍ତରେ ଯଦି ହାତୀଟିକୁ କ୍ରେନ ଜରିଆରେ କଢାଗଲା ପୂର୍ବରୁ କାହିଁକି ସମାନ ପଦକ୍ଷେପ ନିଆଗଲାନି ବୋଲି ପଶୁପ୍ରେମୀ ମାନେ ପ୍ରଶ୍ନ କରିଛନ୍ତି । କିଛି ଦିନ ପୂର୍ବରୁ ଆଠଗଡ ରେଞ୍ଜରେ ଏକ ଗୁଳିବିଦ୍ଧ ହାତୀଟି ପ୍ରାଣ ହରାଇଥିଲା ।
Advertisement
