ସଲମାନଙ୍କ ପରେ ଏବେ ଟାର୍ଗେଟରେ ଶାହରୁଖ
1 min read
ସଲମାନ ଖାନଙ୍କ ପରେ ଭାରତୀୟ ଅଭିନେତା ଶାହରୁଖ ଖାନଙ୍କୁ ହତ୍ୟା ଧମକ ଦେଇଛନ୍ତି । ଜୀବନରୁ ମାରିଦେବାକୁ ମିଳିଲା ଧମକ | ବାନ୍ଦ୍ରାସ୍ଥିତ ଶାହରୁଖ ଖାନଙ୍କ ପ୍ରଡକ୍ସନ୍ କମ୍ପାନୀ ରେଡ୍ ଚିଲିସ୍ ଏଣ୍ଟରଟେନମେଣ୍ଟ ଅଫିସକୁ ଏହି କଲ୍ କରାଯାଇଥିଲା। ବାନ୍ଦ୍ରା ପୋଲିସ୍ କ୍ରାଇମ ବ୍ରାଞ୍ଚର ଏକ ଟିମ୍ ବର୍ତ୍ତମାନ ରାୟପୁର ପହଞ୍ଚିଛି, ଯେଉଁଠାରୁ ଧମକ ଆସିଛି।
ଯେଉଁ ନମ୍ବରରୁ ଧମକପୂର୍ଣ୍ଣ ଫୋନ କଲ ଆସିଛି ତାହା ଛତିଶଗଡ଼ ରାୟପୁରରେ ରହୁଥିବା ଫୈଜାନ ନାମରେ ପଞ୍ଜିକୃତ ହୋଇଛି। ପୁଲିସ ଏହି ଘଟଣାର ତଦନ୍ତ କରୁଛି। ଏହା କୌଣସି ଫେକ୍ କଲ୍ ନା ପ୍ରକୃତରେ ଶାହରୁଖଙ୍କ ଜୀବନ ପ୍ରତି ବିପଦ ଅଛି, ସେ ନେଇ ପୁଲିସ ଯାଞ୍ଚ କରୁଛି।
ଖବର ଅନୁଯାୟୀ ମୁମ୍ବାଇ ପୁଲିସର ଏକ ଟିମ୍ ତଦନ୍ତ ପାଇଁ ରାୟପୁରରେ ମଧ୍ୟ ପହଞ୍ଚିଛି। ହତ୍ୟା ଧମକ ଦେଇଥିବା ବ୍ୟାକ୍ତିଙ୍କ ଲୋକେସନ୍ ଟ୍ରେସ୍ ଚାଲିଛି। ଏହି ପୂରା ମାମଲାରେ ଅଭିନେତା ଶାହରୁଖ ଖାନ୍ଙ୍କ ମଧ୍ୟ ବୟାନ ରେକର୍ଡ କରାଯିବ। ବାନ୍ଦ୍ରା ପୁଲିସ ଷ୍ଟେସନରେ 308 (4), 351 (3) (4) BNS ଅଧୀନରେ ଏକ ମାମଲା ରୁଜୁ ହୋଇଛି।
ଅଭିନେତା ସଲମାନ ଖାନଙ୍କ ପରେ ଶାହରୁଖଙ୍କୁ ଏପରି ଧମକପୂର୍ଣ୍ଣ କଲ୍ ଆସିବା ପରେ ତାଙ୍କ ଘର ମନ୍ନତ ନିକଟରେ ସୁରକ୍ଷା ବଢ଼ାଇ ଦିଆଯାଇଛି। କିଛିଦିନ ତଳେ ଶାହରୁଖଙ୍କ ଘର ବାହାରେ ପୁଲିସ ବ୍ୟରିକେଡ ଲଗାଇଥିଲା। ତେବେ କୁହାଯାଉଛି କି ଶାହରୁଖଙ୍କ ତରଫରୁ ଏବେ ଅଧିକ ସୁରକ୍ଷା ମଗା ଯାଇନାହିଁ। ଶହରୁଖ ଯୁଆଡେ ବି ଯାଆନ୍ତି ତାଙ୍କ ସହିତ ନିଜର ସୁରକ୍ଷାକର୍ମୀଙ୍କୁ ନେଇଯାଇନ୍ତି।
‘ସମଗ୍ର ବିଶ୍ୱ ପ୍ରଧାନମନ୍ତ୍ରୀ ମୋଦୀଙ୍କୁ ଭଲ ପାଏ’; ବିଜୟ ପରେ ଡୋନାଲ୍ଡ ଟ୍ରମ୍ପ ଏପରି କଲେ ପ୍ରଶଂସା
