ଇଡ୍କୋ ମ୍ୟାନେଜରଙ୍କ ସମ୍ପତ୍ତି ଦେଖି ଭିଜିଲାନ୍ସର ଉଡିଲା ହୋସ୍ ; ରିମୋଟ୍ ଟିପିଲେ ଖୋଲୁଛି ଗେଟ୍ , ଚାରିଆଡେ ଡିଜିଟାଲ୍ ..
1 min read
ଆଜି ଭୋର ୪ ଟାରୁ ଇଡ୍କୋ ଜୁନିୟର ମ୍ୟାନେଜର ବିଜୟ କୁମାର ଉଦୟସିଂଙ୍କ ଘରେ ଭିଜିଲାନ୍ସ ଚଢାଉ କରିଥିଲା । ତେବେ ଚଢାଉ ପରେ କିନ୍ତୁ ବାବୁଙ୍କ ସମ୍ପତି ସହ ଆଡଭାନ୍ସ ଟେକନୋଲୋଜି ଦେଖି ତାଜୁବ୍ ହୋଇଥିଲା ଭିଜିଲାନ୍ସ । ଘର ଟ୍ୟାପ୍ରୁ ବାହରୁଛି ମଦ , ରିମୋଟ୍ ଟିପିଲେ ଖୋଲୁଛି ଗେଟ୍ ଆଉ ଲାଗିଛି ଡିଜିଟାଲ୍ ଲକର୍। ପ୍ରଚୁର ଟଙ୍କା ଖର୍ଚ୍ଚ କରି ୭ହଜାର ବର୍ଗଫୁଟରେ ୩ ମହଲା ଘର କରିଥିବା ବେଳେ ଏହାର ଦାମ୍ ପ୍ରାୟ ୧୦ କୋଟିରୁ ଅଧିକ ହେବ ବୋଲି କୁହାଯାଉଛି।
ତେବେ ବାବୁଙ୍କ ଘରେ ୩୨ ଟା ଫ୍ୟାନ୍ ୧୨ ଟା ଏସି ଲାଗିଛି। କେବେଳ ଏତିକି ନୁହେଁ ଦୁର୍ନୀତିଗ୍ରସ୍ତ ବାବୁଙ୍କ ଗେଟରେ ମଧ୍ୟ ଲାଗିଛି ସେନ୍ସର। ସ୍ୱିଚ୍ ଚିପିଲେ ଗେଟ୍ ବନ୍ଦ ସ୍ୱିଚ୍ ଚିପିଲେ ଖୋଲୁଛି।
ଚଢ଼ାଉ ପରେ ଭିଜିଲାନ୍ସ ପକ୍ଷରୁ ମିଳିଥିବା ସୂଚନା ଅନୁଯାୟୀ ବାବୁଙ୍କର ଭୁବନେଶ୍ବର ଆର୍ଯ୍ୟ ବିହାରରେ ୪ ମହଲା କୋଠା ରହିଛି,ଏହାର ଦାମ୍ ପ୍ରାୟ ୧୦ କୋଟିରୁ ଅଧିକ ହେବ। ସେହିଭଳି ପୁରୀରେ ଗୋଟିଏ ଫ୍ଲାଟ, ଭୁବନେଶ୍ବର ଓ ଖୋର୍ଦ୍ଧାରେ ୩ଟି ଘର ରହିଛି। ୩୩ ଲକ୍ଷର ବ୍ୟାଙ୍କ ଜମା ସହ ନଗଦ ସାଢ଼େ ୪ ଲକ୍ଷ ଟଙ୍କା ମଧ୍ୟ ଜବତ ହୋଇଛି।
