ଶପଥ ପରେ ଆକ୍ସନ ମୋଡ଼ରେ ମୋଦି, ମନ୍ତ୍ରୀଙ୍କୁ ଦେଲେ ଟାସ୍କ
1 min read
ଦେଶରେ ଆରମ୍ଭ ହୋଇଛି ମୋଦି ୩.୦ ସରକାର। ଗତକାଲି ନରେନ୍ଦ୍ର ମୋଦି ପ୍ରଧାନମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି। ରାଷ୍ଟ୍ରପତି ଦ୍ରୌପଦୀ ମୁର୍ମୁ ତାଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇଛନ୍ତି। ମୋଦି ଶପଥ ନେବା ପରେ ତାଙ୍କ ମନ୍ତ୍ରିମଣ୍ଡଳ ମଧ୍ୟ ଗଠନ କରିଛନ୍ତି। ଶପଥ ନେବା ପରେ ଆକ୍ସନ ମୋଡ଼ରେ ନରେନ୍ଦ୍ର ମୋଦି | ନିଆଁ ମନ୍ତ୍ରୀଙ୍କୁ ଦେଇଛନ୍ତି ଟାସ୍କ | ସପ୍ତାହର ପ୍ରଥମ ୪ ଦିନ କୌଣସି ମନ୍ତ୍ରୀ ନିଜ ଅଫିସ ଛାଡି ବାହାରକୁ ନ ଯିବାକୁ ଦେଲେ ନିର୍ଦ୍ଦେଶ |
ତେବେ ଏକ ସାକ୍ଷାତକାରରେ କ୍ୟାବିନେଟ ମନ୍ତ୍ରୀ ହୋଇଥିବା ଜିତନ ରାମ ମାଞ୍ଝୀ କହିଛନ୍ତି ଏଥର ପୂର୍ବ ଅପେକ୍ଷା କଡା ପଦକ୍ଷପ ଗ୍ରହଣ କରିବାକୁ ପଡିବ | ଆସନ୍ତା ୫ ବର୍ଷ ମଧ୍ୟରେ ଭାରତକୁ ବିଶ୍ୱ ଅର୍ଥନୀତି ରେ ତୃତୀୟ ସ୍ଥାନକୁ ଆଣିବାକୁ ପ୍ରଧାନମନ୍ତ୍ରୀ ଦୃଢ ସଂକଳ୍ପ ନେଇଛନ୍ତି |
ଏହାକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି | ସେଥିପାଇଁ ମନ୍ତ୍ରୀମାନଙ୍କୁ ଟାସ୍କ ଦେଇଛନ୍ତି | ମୋଦିଙ୍କ ନିର୍ଦ୍ଦେଶ ଅନୁସାରେ ସପ୍ତାହର ପ୍ରଥମ ଚାରି ଦିନ ସୋମବାର, ମଙ୍ଗଳବାର, ବୁଧବାର ଏବଂ ଗୁରୁବାର କୌଣସି ମନ୍ତ୍ରୀ ତାଙ୍କ କାର୍ଯ୍ୟାଳୟ ଛାଡି ନ ଯିବାକୁ ମନ୍ତ୍ରୀମାନଙ୍କୁ କୁହାଯାଇଛି।
ସୂଚନା ଅନୁଯାୟୀ,ମୋଦୀଙ୍କ ସହ ୭୧ ସାଂସଦ ମଧ୍ୟ ମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି। ଏହି ୭୧ ମନ୍ତ୍ରୀଙ୍କ ମଧ୍ୟରୁ ୩୦ ଜଣ କ୍ୟାବିନେଟ ମନ୍ତ୍ରୀ, ୫ ଜଣ ସ୍ୱାଧୀନ ଚାର୍ଜ ଏବଂ ୩୬ ଜଣ ରାଜ୍ୟ ମନ୍ତ୍ରୀ ଭାବରେ ଶପଥ ନେଇଛନ୍ତି। ସେଥିମଧ୍ୟରୁ ୨୭ ଜଣ OBCର ହୋଇଥିବାବେଳେ ୧୦ଜଣ ଏସସି ବର୍ଗରୁ ହୋଇଛନ୍ତି | ଏହା ସହିତ ମୋଦୀ କ୍ୟାବିନେଟରେ ୧୮ ଜଣ ବରିଷ୍ଠ ନେତାଙ୍କୁ ମଧ୍ୟ ସ୍ଥାନ ଦିଆଯାଇଛି । ଦୁଇ ପୂର୍ବତନ ମୁଖ୍ୟମନ୍ତ୍ରୀ ମଧ୍ୟ ମୋଦୀ ସରକାରରେ ଅନ୍ତର୍ଭୁକ୍ତ ହୋଇଛନ୍ତି। ଏହା ସହିତ ଏନଡିଏ ସହଯୋଗୀମାନଙ୍କର ବହୁ ବରିଷ୍ଠ ନେତାଙ୍କୁ ମଧ୍ୟ ମନ୍ତ୍ରୀ କରାଯାଇଛି। ଏହି ନିର୍ବାଚନରେ ବିଜେପି ପୂର୍ଣ୍ଣ ସଂଖ୍ୟାଗରିଷ୍ଠତା ହାସଲ କରି ନାହିଁ, ତଥାପି ଏହାର ନେତୃତ୍ୱାଧୀନ ଏନଡିଏ ମିଳିତ ଦଳ ସଂଖ୍ୟାଗରିଷ୍ଠତା ଅତିକ୍ରମ କରିବାରେ ସଫଳ ହୋଇଛନ୍ତି।
