ସରିଲା ଭୋଟିଂ ଏହି ରାଜ୍ୟରେ ଫୁଟିବ ଫୁଲ; ଏକଜିଟ ପୋଲରୁ ହେଲା ଭବିଷ୍ୟବାଣୀ
1 min read
2024 ଲୋକସଭା ନିର୍ବାଚନ ପାଇଁ ଭୋଟ୍ ଶେଷ ହୋଇଛି ଏବଂ ଏକଜିଟ୍ ପୋଲ୍ ରେଜଲ୍ଟ ବାହାରିଛି । ଏଥର ଅଧିକାଂଶ ଏକଜିଟ୍ ପୋଲରେ ଏନଡିଏ ସରକାର ଗଠନ ଦେଖାଯାଇଛି। ଜୁନ୍ ୧ ରେ ୭ମ ତଥା ଶେଷ ପର୍ଯ୍ୟାୟ ପାଇଁ ୮ଟି ରାଜ୍ୟର ୫୭ଟି ଆସନରେ ଭୋଟ୍ ଗ୍ରହଣ କରାଯାଇଥିଲା। ଏହି ସମୟରେ, ଫଳାଫଳ ଜୁନ୍ ୪ରେ ପ୍ରକାଶ ପାଇବ | ଏହାପୂର୍ବରୁ, ଜୁନ୍ ୧ ରେ ଭୋଟ୍ ଶେଷ ହେବା ପରେ ତୁରନ୍ତ ସମସ୍ତ ଏଜେନ୍ସି ଦେଶର ଏକଜିଟ୍ ପୋଲ୍ ରେଜଲ୍ଟ ଉପସ୍ଥାପନ କରିଛନ୍ତି |
ତେବେ ଜାତୀୟସ୍ତରର ଗଣମାଧ୍ୟମ କରିଥିବା ସର୍ଭେ କହୁଛି ଯେ ବିଜେପି କେନ୍ଦ୍ରରେ ହ୍ୟାଟ୍ରିକ ମାରିବାକୁ ଯାଉଛି। ଅନ୍ୟପଟେ କଂଗ୍ରେସ ଏବଂ ଅନନ୍ୟ ବିରୋଧୀ ଦଳ ହାରୁଥିବାର ସୂଚନା ମିଳୁଛି | ଏକଜିଟ ପୋଲ ହିସାବରେ ହିମାଚଳ ପ୍ରଦେଶ, ମଧ୍ୟପ୍ରଦେଶ, ଗୁଜରାଟ, ଛତିଶଗଡ଼, ହରିଆଣା ଓ ଦିଲ୍ଲୀରେ ବିଜେପି ଭଲ ପ୍ରଦର୍ଶନ କରୁଥିବା ନେଇ ସୂଚନା ମିଳିଛି | Axis My India ପକ୍ଷରୁ ରାଜ୍ୟୱାରୀ ବିଜେପି ଓ ଅନ୍ୟ ଦଳଗୁଡ଼ିକ କେତୋଟି ଲେଖାଏ ଆସନ ଜିତିବେ, ତା’ର ଆକଳନ କରାଯାଇଛି।
ତେବେ ଉତ୍ତର ପ୍ରଦେଶର ୮୦ଟି ଲୋକସଭା ଆସନରୁ ବିଜେପି ୬୪ରୁ ୬୭, ସପା ୭ରୁ ୯ଟି, କଂଗ୍ରେସ ୧ରୁ ୩ଟି ଓ ବିଏସ୍ପି ଗୋଟିଏ ଆସନ ଜିତିପାରେ। ଏଜେନ୍ସି କହିବାନୁଯାୟୀ, ହରିଆଣାର ୧୦ଟି ଲୋକସଭା ଆସନରୁ ବିଜେପି ୬ରୁ ୮ଟି ଜିତିବାକୁ ଥିବା ବେଳେ ଇଣ୍ଡିଆ ମେଣ୍ଟ ୨ରୁ ୪ଟି ଓ ଅନ୍ୟାନ୍ୟ ଦଳ ଖାତା ଖୋଲିବାକୁ ସକ୍ଷମ ହେବେ ନାହିଁ।
ଓଡ଼ିଶାର ୨୧ଟି ଲୋକସଭା ଆସନରୁ ବିଜେପି ୧୮ରୁ ୨୦ଟି, ବିଜେଡି ୦-୨ ଓ କଂଗ୍ରେସ ୧ଟି ଆସନ ଜିତିବାର ରହିଛି ସମ୍ଭାବନା। ହିମାଚଳ ପ୍ରଦେଶର ୪ଟି ଲୋକସଭା ଆସନରୁ ଏନଡିଏ ସମସ୍ତ ୪ଟି ଯାକ ଆସନରେ ବାଜିମାତ କରିବ। ତେବେ ଉତ୍ତରାଖଣ୍ଡର ସମସ୍ତ ୫ଟି ଆସନ ବିଜେପି ଖାତାକୁ ଯିବ।
ଆସାମର ୧୪ଟି ଲୋକସଭା ଆସନରୁ କଂଗ୍ରେସକୁ ୨ରୁ ୪ଟି, ବିଜେପିକୁ ୯ରୁ ୧୧ ଓ ଅନ୍ୟାନ୍ୟ ଦଳ ଖାତା ଖୋଲି ପାରିବେ ନାହିଁ। ସେହିପରି ମହାରାଷ୍ଟ୍ରର ୪୮ଟି ଲୋକସଭା ଆସନରୁ ବିଜେପି ୨୮ରୁ ୩୨ଟି, ଇଣ୍ଡିଆ ୧୬ରୁ ୨୦ ଓ ଅନ୍ୟାନ୍ୟ ଦଳ ୦ରୁ ୨ଟି ଆସନ ଜିତିବେ।
ପଶ୍ଚିମବଙ୍ଗରେ ବିଜେପି ୪୨ ଲୋକସଭା ଆସନରୁ ୨୬ରୁ ୩୧ଟି, କ୍ଷମତାସୀନ ଟିଏମସି ୧୧ରୁ ୧୪ ଓ କଂଗ୍ରେସ ମେଣ୍ଟ ୦ରୁ ୨ ଆସନ ଜିତି ପାରନ୍ତି। ତେଲାଙ୍ଗାନାର ୧୭ଟି ଲୋକସଭା ଆସନରୁ ବିଜେପି ୧୧ରୁ ୧୨ଟି, ବିଆରଏସ୍ ୧ ଓ କ୍ଷମତାସୀନ କଂଗ୍ରେସ ୪ରୁ୬ ଓ ଅନ୍ୟାନ୍ୟ ଦଳ ୦-୧ ଆସନ ଜିତିବେ ବୋଲି ଜଣାପଡୁଛି ।
ଆନ୍ଧ୍ର ପ୍ରଦେଶର ୨୫ଟି ଲୋକସଭା ଆସନରୁ ବିଜେପି, ଟିଡିପି ଓ ଜନସେନା ମିଳିତ ଭାବେ ୨୧ରୁ ୨୩ଟି ଆସନ, କଂଗ୍ରେସ ୦୦ ଓ ୱାଇଏସ୍ଆର କଂଗ୍ରେସ ୨ରୁ ୪ଟି ଆସନ ଜିତିପାରେ। ପଞ୍ଜାବର ୧୩ଟି ଲୋକସଭା ଆସନରୁ ଏନଡିଏ ୨ରୁ ୪, ଆପ ୦ରୁ ୨, କଂଗ୍ରେସ ୭ରୁ ୯, ଅକାଳୀ ୨ରୁ ୩ ଓ ଅନ୍ୟାନ୍ୟ ଦଳ ଶୂନରୁ ଗୋଟିଏ ଆସନ ଜିତିବେ।
ଦେଶର ରାଜଧାନୀ ଦିଲ୍ଲୀରେ ଆପ ଓ କଂଗ୍ରେସ ଏକାଠି ନିର୍ବାଚନ ଲଢ଼ୁଛନ୍ତି। କିନ୍ତୁ ବିଜେପି ଏଠାରେ ୬ରୁ ୭ଟି ଓ ଇଣ୍ଡିଆ ମେଣ୍ଟ ଶୂନରୁ ୧ ଆସନ ଜିତିପାରେ।ଗୋଆର ୨ଟି ଲୋକସଭା ଆସନରୁ କଂଗ୍ରେସ ୧ ଓ ବିଜେପି ୧ ଆସନ ଜିତିପାରେ।ରାଜସ୍ଥାନର ୨୫ଟି ଲୋକସଭା ଆସନରୁ ଏନଡିଏ ୧୬ରୁ ୧୯, ଇଣ୍ଡିଆ ୫ରୁ ୭ ଓ ଅନ୍ୟାନ୍ୟ ଦଳ ୧ରୁ ୨ଟି ଆସନ ଜିତିପାରନ୍ତି।
ମଧ୍ୟପ୍ରଦେଶର ୨୯ଟି ଲୋକସଭା ଆସନରୁ ଏନଡିଏ ୨୮ରୁ ୨୯ଟି, ଇଣ୍ଡିଆ ୦-୧ ଓ ଅନ୍ୟାନ୍ୟ ଦଳ ଖାତା ଖୋଲିବେ ନାହିଁ। ସେହିପରି ଗୁଜରାଟର ୨୬ଟି ଲୋକସଭା ଆସନରୁ ଏନଡିଏ ୨୫ରୁ ୨୬ ଓ ଇଣ୍ଡିଆ ମେଣ୍ଟ ଶୂନରୁ ୧ ଆସନ ଜିତିବେ।ଛତିଶଗଡ଼ର ୧୧ଟି ଲୋକସଭା ଆସନରୁ ଏନଡିଏ ୧୦-୧୧, ଇଣ୍ଡିଆ ୦ରୁ ୧ ଓ ଅନ୍ୟାନ୍ୟ ଦଳ ଖାତା ଖୋଲି ପାରିବେ ନାହିଁ।
ଝାରଖଣ୍ଡର ୧୪ଟି ଲୋକସଭା ଆସନରୁ ଏନଡିଏ ୮-୧, ଇଣ୍ଡିଆ ୪ରୁ ୬ ଓ ଅନ୍ୟାନ୍ୟ ଦଳ ଖାତା ଖୋଲି ପାରିବେ ନାହିଁ।ବିହାରର ୪୦ଟି ଲୋକସଭା ଆସନରୁ ଏନଡିଏ ୨୯-୩୩, ଇଣ୍ଡିଆ ୭ରୁ ୧୦ ଓ ଅନ୍ୟାନ୍ୟ ଦଳ ୦ରୁ ୨ଟି ଆସନ ଜିତି ପାରନ୍ତି। କେରଳ ୨୦ଟି ଲୋକସଭା ଆସନରୁ ଏନଡିଏ ୨ରୁ୩ଟି, ୟୁଡିଏଫ ୧୭ରୁ ୧୮ଟି ଓ ଏଲଡିଏଫ ୦-୧ଟି ଆସନ ଜିତିପାରେ।
କର୍ଣ୍ଣାଟକାର ୨୮ଟି ଲୋକସଭା ଆସନରୁ ଏନଡିଏ ୨୩ରୁ ୨୫, ଇଣ୍ଡିଆ ୩ରୁ ୫ ଓ ଅନ୍ୟାନ୍ୟ ଦଳ ଖାତା ଖୋଲି ପାରିବେ ନାହିଁ।ତାମିଲନାଡୁର ୩୯ଟି ଲୋକସଭା ଆସନରୁ ଏନଡିଏ ୨ରୁ ୪ଟି, ଇଣ୍ଡିଆ ୩୩ରୁ ୩୭ ଓ ଏଆଇଏଡିଏମକେ ୦-୨ଟି ଆସନ ଜିତି ପାରନ୍ତି।ସିକ୍କିମ, ମିଜୋରାମ, ନାଗାଲ୍ୟାଣ୍ଡ, ମେଘାଳୟ ଓ ମଣିପୁରରେ ବିଜେପି କିମ୍ବା ଏହାର ସହଯୋଗ ପାର୍ଟି ଖାତା ଖୋଲି ପାରିବେ ନାହିଁ। ତ୍ରିପୁରାରେ ଏନଡିଏ ଦୁଇଟି ଯାକ ଲୋକସଭା ଆସନ ଜିତବ।
ତେବେ ମିଜୋରାମ ଓ ନାଗାଲ୍ୟାଣ୍ଡରେ ଥିବା ଗୋଟିଏ ଲେଖାଏ ଲୋକସଭା ଆସନ କଂଗ୍ରେସ ଖାତାକୁ ଯାଉଥିବା ବେଳେ ଦାଦ୍ରା ନଗର ହାବେଳି ଓ ଡାମନ ଡ୍ୟୁର ୨ଟି ଯାକ ଲୋକସଭା ଆସନ ଏନଡିଏ ଖାତାକୁ ଯିବ। ଚଣ୍ଡିଗଡ଼ର ଏକମାତ୍ର ଲୋକସଭା ସିଟ କଂଗ୍ରେସ ହାତକୁ ଯିବ। ବିଜେପି ଏହି ଆସନକୁ ୨୦୧୯ରେ ଜିତିଥିଲା। ଅନ୍ୟପଟେ ଲାକ୍ଷାଦ୍ୱୀପର ଲୋକସଭା ଆସନରେ ବି କଂଗ୍ରେସ ଜିତିବ।
