ଟ୍ରମ୍ପ ଐତିହାସିକ ବିଜୟ ପରେ ପତ୍ନୀଙ୍କ ଅଶ୍ଳୀଳ ଫଟୋ ଭାଇରାଲ କଲା ରୁଷିଆର ସରକାରୀ ଗଣମାଧ୍ୟମ
1 min read
ଆମେରିକାରେ ରାଷ୍ଟ୍ରପତି ନିର୍ବାଚନରେ ଡୋନାଲ୍ଡ ଟ୍ରମ୍ପ ଏକ ଐତିହାସିକ ବିଜୟ ଲାଭ ପାଇଛନ୍ତି | ଦ୍ୱିତୀୟ ଥର ପାଇଁ ହ୍ୱାଇଟ ହାଉସକୁ ଫେରିବାକୁ ଯାଉଛନ୍ତି ରିପବ୍ଲିକାନ ପ୍ରାର୍ଥୀ ଡୋନାଲ୍ଡ ଟ୍ରମ୍ପ । ସେ ସମସ୍ତ ୭ଟି ଯାକ ସ୍ୱିଙ୍ଗ ଷ୍ଟେଟରେ ଡେମୋକ୍ରାଟିକ ପାର୍ଟିର କମଳା ହାରିସଙ୍କୁ ମାତ ଦେଇଛନ୍ତି। ତେବେ ବର୍ତ୍ତମାନ ଟ୍ରମ୍ପଙ୍କ ବିଜୟ ପରେ ଋଷରେ ଏକ ବଡ ଘଟଣା ଘଟିଛି | ଟ୍ରମ୍ପଙ୍କ ଗୋଟେ ପଟେ ବିଜୟର ଉତ୍ସାହ ମାନାଯାଉଥିବା ସମୟରେ ଋଷ ଅନ୍ୟପଟେ ନିଜ ସରକାରୀ ଗଣମାଧ୍ୟମରେ ଡୋନାଲ୍ଡ ଟ୍ରମ୍ପଙ୍କ ପତ୍ନୀ ମେଲାନିଆ ଟ୍ରମ୍ପଙ୍କ ବିନା ପୋଷାକର ଏକ ଅଶ୍ଳୀଳ ଫଟୋ ଟେଲିଭିଜନରେ ପ୍ରସାରଣ କରିଛି। ସୋସିଆଲ ମିଡିଆରେ ପ୍ଲାଟଫର୍ମ ଏକ୍ସରେ ଏକର କ୍ଲିକ ସେୟାର କରିଛନ୍ତି ରୁଷିଆର ମିଡିଆ ମନିଟର ନିର୍ମାତା ଜୁଲିଆ ଡେଭିସ୍ |
ଏହା ବର୍ତ୍ତମାନ ଇଣ୍ଟରନେଟରେ ଖୁବ ଭାଇରାଲ ହେବାରେ ଲାଗିଛି | ଏହି ନ୍ୟୁଜ କ୍ଲିପରେ ପ୍ରଥମେ ଆଙ୍କର କହିଛନ୍ତି, ପୂର୍ବତନ ପ୍ରଥମ ଲେଡି ସମସ୍ତଙ୍କ ସହ ହ୍ବାଇଟ ହାଉସକୁ ଫେରିବାକୁ ପ୍ରସ୍ତୁତ ହେଉଛନ୍ତି।
ଏହା ପରେ, ୨୦୦୦ମସିହାରେ ଜିକ୍ୟୁ ପାଇଁ ସୁଟ୍ ହୋଇଥିବା ଫଟୋଗୁଡ଼ିକ ପରଦାରେ ଦେଖାଯିବା ଆରମ୍ଭ କରିଥିଲା । ଏହି ସମୟରେ, ଫଟୋଗୁଡ଼ିକୁ ମଧ୍ୟ ଜୁମ୍ କରାଯାଇଥିଲା। ଯେଉଁଥିରେ ଆଙ୍କର୍ କହୁଥିଲେ ୨୦୦୦ ମସିହାରେ ମେଲାନିଆ କିପରି ଦେଖା ଯାଉଥିଲେ।
ଆଙ୍କର ଆରମ୍ଭରେ ଏଭଳି କହୁଥିବା ସମୟରେ ହସୁଥିବାର ନଜର ଆସିଥିଲେ | ସେ କହୁଥିବା ସମୟରେ ଗୋଟେ ପଟେ ସାଇଡରେ ମେଲାନିଆଙ୍କର ଏକ ଘରୋଇ ବିମାନ ନିକଟରେ ଏବଂ ଭିତରେ ସୁଟ୍ କରାଯାଇଥିବା ବିଭିନ୍ନ ଫଟୋ ରହିଥିଲା । ଆମେରିକାର ଦି ସନ୍ ରିପୋର୍ଟ କରିଛି ଯେ ୨୦୦୦ରେ ଡୋନାଲ୍ଡ ଟ୍ରମ୍ପଙ୍କ ବୋଇଙ୍ଗ ୭୨୭ରେ ମେଲାନିଆର ବିନା ପୋଷାକ ଫଟୋ ସୁଟ୍ କରାଯାଇଥିଲା। ଯାହା ଏବେ ରୁଷିଆର ଗଣମାଧ୍ୟମରେ ପ୍ରସାରିତ ହେବା ପରେ ଏବେ ଇଣ୍ଟରନେଟରେ ବହୁତ ଚର୍ଚ୍ଚାର ବିଷୟ ପାଲଟିଛି |
