ଧ୍ୟାନରୁ ଉଠିବା ପରେ ଆକ୍ସନ ମୋଡ଼ରେ ମୋଦି, ମାରାଥନ୍ ବୈଠକରେ ୧୦୦ ଦିନର ଏଜେଣ୍ଡା ନେଇ କରିବେ ସମୀକ୍ଷା
1 min read
ନିର୍ବାଚନ ଫଳାଫଳ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଧ୍ଯାନ ଶେଷ କରିବା ପରେ କନ୍ୟାକୁମାରୀରୁ ଦିଲ୍ଲୀ ଫେରିଛନ୍ତି। ପ୍ରଧାନମନ୍ତ୍ରୀ ମୋଦି ରାଜଧାନୀରେ ପହଞ୍ଚିବା ମାତ୍ରେ ଆକ୍ସନ୍ ମୋଡରେ ନଜର ଆସିଛନ୍ତି। ରବିବାର ନିଜେ ପ୍ରଧାନମନ୍ତ୍ରୀ ମୋଦୀ ଗୁରୁତ୍ଵପୂର୍ଣ୍ଣ ପ୍ରସଙ୍ଗରେ ୭ଟି ବୈଠକ କରିବାକୁ ଯାଉଛନ୍ତି । ପ୍ରଥମ ବୈଠକରେ ପ୍ରଧାନମନ୍ତ୍ରୀ ମୋଦୀ ମଣିପୁର ବନ୍ୟାରେ ହୋଇଥିବା କ୍ଷୟକ୍ଷତିର ସମୀକ୍ଷା କରିବେ । ଏହା ବ୍ୟତୀତ ସେ ପରିସ୍ଥିତି ଏବଂ ବନ୍ୟା ପ୍ରଭାବିତ ରାଜ୍ୟଗୁଡିକର ରିଲିଫ କାର୍ଯ୍ୟ ଉପରେ ନଜର ରଖିବେ।
ଏହା ପରେ ପ୍ରଧାନମନ୍ତ୍ରୀ ସମଗ୍ର ଦେଶରେ ଅତ୍ୟଧିକ ଉତ୍ତାପ ବ୍ୟାପିବା ନେଇ ଅଧିକାରୀଙ୍କ ସହ ଆଲୋଚନା କରିବେ । ବିଶ୍ୱ ପରିବେଶ ଦିବସରେ ହେବାକୁ ଥିବା ସଚେତନତା ଅଭିଯାନ ଏବଂ ଏହାର ଉତ୍ସବ ବିଷୟରେ ପ୍ରଧାନମନ୍ତ୍ରୀ ମୋଦୀ ଅଧିକାରୀଙ୍କ ସହ ଆଲୋଚନା କରିବେ । ତେବେ ବିଶ୍ୱ ପରିବେଶ ଦିବସ ୫ ଜୁନ୍ ରେ ପାଳନ ହୋଇଥାଏ |
ଜୁନ୍ ୪ ରେ ଲୋକସଭା ନିର୍ବାଚନର ଫଳାଫଳ ଘୋଷଣା କରାଯିବ । ଅନ୍ୟପକ୍ଷରେ, ପ୍ରବଳ ଉତ୍ତାପ ହେତୁ ଗତ କିଛି ଦିନ ମଧ୍ୟରେ ଅନେକ ଲୋକ ପ୍ରାଣ ହରାଇଛନ୍ତି। ଭୋଟ୍ ଦେବା ସମୟରେ ମଧ୍ୟ ଅନେକ ମତଦାନ କର୍ମଚାରୀଙ୍କ ମୃତ୍ୟୁବରଣ କରିଥିଲେ। ପ୍ରଧାନମନ୍ତ୍ରୀ ମୋଦୀ ଅଧିକାରୀଙ୍କ ସହ ଏହି ସବୁ ଆଲୋଚନା କରିବେ ଏବଂ ପରବର୍ତ୍ତୀ ଯୋଜନା ପ୍ରସ୍ତୁତ କରିବେ ।
ସରକାରଙ୍କ 100 ଦିନର ଏଜେଣ୍ଡା ସମ୍ବନ୍ଧରେ ବୈଠକ:
ସମ୍ଭାବ୍ୟ ମୋଦୀ ସରକାର ୩.0 ର ପ୍ରଥମ ୧00 ଦିନର କାର୍ଯ୍ୟ ବିଷୟରେ ପ୍ରଧାନମନ୍ତ୍ରୀ ମୋଦୀ ଅଧିକାରୀଙ୍କ ସହ ଆଲୋଚନା କରିବେ। ଏଥିରେ PMO ର ବରିଷ୍ଠ ଅଧିକାରୀମାନେ ସାମିଲ ହେବେ | ନିର୍ବାଚନ ପ୍ରଚାର ଆରମ୍ଭ କରିବା ପୂର୍ବରୁ ମଧ୍ୟ ପ୍ରଧାନମନ୍ତ୍ରୀ ୧00 ଦିନିଆ କାର୍ଯ୍ୟ ଯୋଜନା ପ୍ରସ୍ତୁତ କରିବାକୁ PMO ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି। ବର୍ତ୍ତମାନ ସେ ଅଧିକାରୀଙ୍କ ସହ ଏକ ସମୀକ୍ଷା ବୈଠକ କରିବେ। ତେବେ ଲୋକସଭା ନିର୍ବାଚନରେ ବିଜେପି ବିଜୟରେ ଆତ୍ମବିଶ୍ଵାସୀ ରଖିଛି ଦଳ | ଏକଜିଟ୍ ପୋଲରେ ମଧ୍ଯ ଏନଡିଏ ବହୁ ସଂଖ୍ୟାରେ ପାଇଥିବା ଜଣାପଡିଛି।
ପୂର୍ବରୁ ଅଧୁକାରୀମାନଙ୍କୁ କହିଥିଲେ ଯେ ୨0୨୯ ପର୍ଯ୍ୟନ୍ତ ବଡ଼ ନିଷ୍ପତି ନେବାକୁ ଅପେକ୍ଷା କରିବାର କୌଣସି ଆବଶ୍ୟକତା ନାହିଁ । ଏଭଳି ପରିସ୍ଥିତିରେ ମୋଦୀ ସରକାର ୩.0 ଗଠନ ପରେ ୧00 ଦିନ ମଧ୍ୟରେ ଅନେକ ପ୍ରମୁଖ ନିଷ୍ପତି ନିଆଯାଇପାରେ ବୋଲି ବିଶ୍ୱାସ କରାଯାଉଛି । ବିଜେପି ଏହାର ମାନିଫେଷ୍ଟରେ ଯାହା ପ୍ରତିଶ୍ରୁତି ଦେଉଛି ତାହା ପୂରଣ କରିବାକୁ ମଧ୍ୟ ପ୍ରୟାସ କରାଯାଇପାରିବା
