RCB କୁ ଲାଗିଯାଇଛି କାହା ନଜର ? ମାତ୍ର ୧ ରନ୍‌ରେ ହାରିଲା କୋଲକାତା ଠାରୁ ।

ରବିବାର ଦିନ କୋଲକାତାରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁର ବିପକ୍ଷ କୋଲକାତା ନାଇଟ୍ ରାଇଡର୍ସ ଆଇପିଏଲ୍ ମ୍ୟାଚ୍ ଅତ୍ୟନ୍ତ ରୋମାଞ୍ଚକର ହୋଇଥିଲା । କାରଣ ମାତ୍ର ୧ରନ୍ ରେ ବାଜିଜିତିଛି କୋଲକାତା । ପ୍ରଥମ ବିଜୟରୁ ପୁଣି ଗୋଟେ ପାଦ ପଛରେ ରହିଗଲା ଆରସିବି । ଯାହାକୁ ନେଇ ଖୁବ୍ ନିରାଶ ଅଛନ୍ତି ଆରସିବି ଫ୍ୟାନ୍ସ ।

ପ୍ରତିଟି ମ୍ୟାଚରେ ଭଲ ପ୍ରଦର୍ଶନ ସତ୍ତ୍ୱେ ଅଳ୍ପକେ ବିଜୟରୁ ବଞ୍ଚିତ ହେଉଛି ଦଳ। ଏହି କ୍ରମରେ ଗତକାଲି ମଧ୍ୟ କୋଲକାତା ନାଇଟ ରାଇଡର୍ସ(କକଜ) ବିପକ୍ଷ ମ୍ୟାଚରେ ମାତ୍ର ଗୋଟିଏ ରନ୍ ବ୍ୟବଧାନରେ ଆରସିବିକୁ ପରାସ୍ତ ହେବାକୁ ପଡିଛି। ହାତରୁ ଏହି ମ୍ୟାଚେ ଯିବା ସହ ଦଳ କ୍ରମାନ୍ୱୟରେ ଷଷ୍ଠ ଥର ଏବଂ ସିଜିନର ସପ୍ତମ ପରାଜୟର ସାମ୍ନା କରିଛି ଆରସିବି ।

କୋଲକାତାର ଇଡେନ ଗାର୍ଡେନ ଷ୍ଟାଡିୟମରେ ଖେଳା ଯାଇଥିବା ଏହି ମ୍ୟାଚରେ ରୋଚକ ମୋଡ଼ ନେଇଥିଲା ଅନ୍ତିମ ଓଭର। ଗୋଟିଏ ଓଭରରେ ୨୧ ରନ୍ ଆବଶ୍ୟକ ପଡୁଥିବା ବେଳେ ମିଚେଲ ଷ୍ଟାର୍କଙ୍କ ବଲରେ ୩ଟି ଛକା ମାରି ରୋମାଞ୍ଚ ଭରିଥିଲେ କର୍ଣ୍ଣ ଶର୍ମା। ୪ ବଲ୍ ମଧ୍ୟରେ ଦଳ ୧୮ ରନ୍ ସଂଗ୍ରହ କରିନେଇଥିଲା। କିନ୍ତୁ ପଞ୍ଚମ ବଲରେ କର୍ଣ୍ଣ ଆଉଟ୍ ହୋଇ ଯାଇଥିଲେ। ଏହାପରେ କେକେଆର ସପକ୍ଷରେ ଚାଲି ଯାଇଥିଲା ମ୍ୟାଚ୍। ବେଙ୍ଗାଲୁରୁକୁ ବିଜୟ ପାଇଁ ୩ ରନ୍ ଆବଶ୍ୟକ ପଡୁଥିବା ବେଳେ ଲକି ଫାଗୁସନ୍ ଗୋଟିଏ ରନ୍ କରି ରନ୍ ଆଉଟ୍ ହୋଇ ଯାଇଥିଲେ। ଫଳରେ ଦଳକୁ ମାତ୍ର ଗୋଟିଏ ରନ୍ ବ୍ୟବଧାନରେ ପରାଜିତ ହେବାକୁ ପଡିଛି।