ନାମାଙ୍କନ ଭରିଲେ ଅଖିଳେଶ ଯାଦବ ..
1 min read
ପୁଣିଥରେ ନିର୍ବାଚନ ମୈଦାନରେ ଅଖିଳେଶ ଯାଦବ । ରାଜନୀତି ଯୁଧ୍ୟରେ ଲଢେଇ କରିବା ପାଇଁ ଭରିଲେ ନାମାଙ୍କନ । କନ୍ନୌଜରୁ ସମାଜବାଦୀ ପାର୍ଟି ତରଫରୁ ପ୍ରତିଦ୍ବନ୍ଦିତା କରିବେ ଅଖିଳେଶ ଯାଦବ । ତେବେ ଗୁରୁବାର ପତ୍ନୀ ଡିମ୍ପଲ ଯାଦବ, ଦାଦା ଶିବପାଲ ଯାଦବ ଓ ରାମଗୋପାଳ ଯାଦବଙ୍କ ସହ ସେ ନାମାଙ୍କନ ପତ୍ର ଦାଖଲ କରିଛନ୍ତି । ତେବେ ପୂର୍ବରୁ ଏହି ଆସନ ପାଇଁ ଏସପି ତେଜ ପ୍ରତାପ ଯାଦବଙ୍କ ନାଁ ଘୋଷଣା ହୋଇଥିଲା ।
ହେଲେ ତାଙ୍କ ପ୍ରାର୍ଥୀତ୍ୱକୁ ନେଇ ବିରୋଧ ହେବାରୁ, ଏହି ଆସନରୁ ଶେଷରେ ପ୍ରାର୍ଥୀ ହେଇଛନ୍ତି ନିଜେ ଖୋଦ୍ ଅଖିଳେଶ ଯାଦବ ।ଅଖିଳେଶଙ୍କ ନାମାଙ୍କନ ଦାଖଲ ସହ କନ୍ନୌଜ ଲୋକସଭା କ୍ଷେତ୍ରରେ ଲଢେଇ ବେଶ ରୋଚକ ହୋଇଛି । କାରଣ , କନ୍ନୌଜ ସପାର ଗଡ ଭାବେ ବେଶ ପରିଚିତ । ଅନ୍ୟପଟେ ଏଠାରୁ ବର୍ତ୍ତମାନ ସାଂସଦ ଥିବା ସୁବ୍ରତ ପାଠକଙ୍କୁ ବିଜେପି ପୁଣିଥରେ ପ୍ରାର୍ଥୀ କରିଛି । ଯିଏକି ୨୦୧୯ ମସିହାରେ ଡିମ୍ପଲଙ୍କୁ ହରାଇ ଏଠାକାର ସାଂସଦ ବନିଥିଲେ । ତେଣୁ ଏଥର ନିର୍ବାଚନରେ ଅଖିଳେଶ ବନାମ ସୁବ୍ରତ ପାଠକ ଦେଖିବାକୁ ମିଳିବ ।
Advertisement
