ଅକ୍ଷୟ ନେଉଥିବା ପାରିଶ୍ରମିକଠାରୁ ଟଙ୍କାଟେ ଅଧିକ ମାଗିବାରୁ ‘ମାଷ୍ଟରସେଫ’ରୁ ବାହାର କରିଦେଇଥିଲେ,ତା’ ପରେ ହୋଇଥିଲା ଏମିତି….

ଖ୍ୟାତନାମା ସେଫ ସଞ୍ଜୀବ କପୁର ଅକ୍ଷୟ କୁମାରଙ୍କଠାରୁ ଅଧିକ ଟଙ୍କା ମାଗିବା ପରେ ତାଙ୍କୁ ମାଷ୍ଟର ସେଫ ଇଣ୍ଡିଆ ସିଜନ ୧ ରୁ ଛାଡି ଦିଆଯାଇଥିବା ଦାବି କରିଛନ୍ତି। ୨0୧0 ରେ ଭାରତୀୟ ଦର୍ଶକଙ୍କ ପାଇଁ ମାଷ୍ଟର ସେଫ ଗ୍ରହଣ କରାଯାଇଥିଲା। ଅକ୍ଷୟ କୁମାର ଉଦଘାଟନୀ ଗେଷ୍ଟ ଥିଲେ। ଏକ ନୂତନ ସାକ୍ଷାତକାରରେ ସଞ୍ଜୀବ କପୁର କହିଛନ୍ତି ଯେ ତାଙ୍କୁ ସାଥୀ ସେଫ ହେବାକୁ କୁହାଯାଇଛି। ସେ ଏହି ସୋ କରିବାକୁ ରାଜି ହୋଇଥିବାବେଳେ ସେ ଗୋଟିଏ ସର୍ତ୍ତ ରଖିଥିଲେ – ତାଙ୍କୁ ଅକ୍ଷୟଙ୍କଠାରୁ ଏକ ଟଙ୍କା ଅଧିକ ପାଇବା ଉଚିତ କାରଣ ଖାଇବା ବନାଇବା ତାଙ୍କର ପେସା ଅଟେ |

ସାକ୍ଷାତକାରରେ ସଞ୍ଜୀବ କପୁର କହିଛନ୍ତି ଯେ, ତାଙ୍କୁ ଅକ୍ଷୟଙ୍କ ସହ ‘ମାଷ୍ଟରସେଫ’ର ଜଜ୍ ହେବାକୁ କୁହାଯାଇଥିଲା। ହେଲେ ନିର୍ମାତା ଅକ୍ଷୟଙ୍କଠାରୁ ଅଧିକ ଟଙ୍କା ଦେବାକୁ ରାଜିନଥିଲେ। ତାଙ୍କ କହିବା ମୁତାବକ, ‘ମାଷ୍ଟରସେଫ’ ଆରମ୍ଭ ହେବା ସମୟରେ ନିର୍ମାତା ମୋତେ କହିଥିଲେ ବର୍ତ୍ତମାନ ସଞ୍ଜୀବ କପୁରଙ୍କଠାରୁ ବଡ଼ ଆଉ କେହି ନାହାନ୍ତି। ତେଣୁ ସେ ମୋତେ ଜଜ୍ ଭାବେ ନେବାକୁ ଚାହୁଥିଲେ। କିଛି ଦିନ ପରେ ମୋ‌ତେ କୁହାଗଲା ଯେ,ସେଠାରେ ଅକ୍ଷୟ କୁମାର ମଧ୍ୟ ଜଜ୍ ହୋଇ ଆସିବେ। ଏହା ଶୁଣି ମୁଁ ଖୁସି ହେଲି। କିନ୍ତୁ ମୁଁ ନିର୍ମାତାଙ୍କ ଆଗରେ ଗୋଟେ ସର୍ତ୍ତ ରଖିଥିଲି ଯେ, ଅକ୍ଷୟ ନେଉଥିବା ପାରିଶ୍ରମିକଠାରୁ ଟଙ୍କାଟେ ଅଧିକ ମୋତେ ଦେବ। କାରଣ ମୁଁ ଏହି ପେସାରେ ଅଛି ଏବଂ ତାଙ୍କଠାରୁ ଅଧିକ ଜାଣିଛି। ହେଲେ ନିର୍ମାତା ରାଜି ହେଲେ ନାହିଁ। ତେଣୁ ମୁଁ ସିଜିନ-୧ କଲିନାହିଁ।