ଫ୍ୟାନ୍ସ ହେଲେ ଆଶ୍ଚର୍ଯ୍ୟ , ଗୋଟିଏ କ୍ୟାମରାରେ ଦେଖାଗଲା ଦୁଇ ଦୁଇଟା ପୁଷ୍ପା ରାଜ୍ ..
1 min read
ପ୍ୟାନ ଇଣ୍ଡିଆ ଷ୍ଟାର ଆଲ୍ଲୁ ଅର୍ଜୁନ ସିନେ ପ୍ରେମୀଙ୍କ ହୃଦୟରେ ରାଜ କରନ୍ତି । ନିଜ ଅଭିନୟ ଏବଂ ଷ୍ଟାଇଲିସ୍ ଲୁକ୍ ରେ ସେ ଦର୍ଶକଙ୍କ ମନ କିଣିନେଇଥାନ୍ତି । ଏବେ ଆଲ୍ଲୁ ଅର୍ଜୁନ ତାଙ୍କର ବହୁ ପ୍ରତୀକ୍ଷୀତ ଚଳଚ୍ଚିତ୍ର ପୁଷ୍ପା ୨ କୁ ନେଇ ବେଶ୍ ଚର୍ଚ୍ଚାରେ ରହିଛନ୍ତି । ଏବଂ ଖୁବ୍ ଶୀଘ୍ର ପୁଷ୍ପା -୨ ସିନେମାଘରକୁ ଆସିବାକୁ ଯାଉଛି । ଫ୍ୟାନ୍ସ ମାନେ ମଧ୍ୟ ବେଶ୍ ଉତ୍ସାହର ସହ ଏହି ସିନେମାକୁ ଅପେକ୍ଷା କରିଛନ୍ତି । ଆଉ ଦିନ କେଇଟା ପରେ ଆଲ୍ଲୁଙ୍କ ଜନ୍ମଦିନ । ହେଲେ ଏବେଠୁ ତାଙ୍କୁ ଉପହାର ମିଳିବା ଆରମ୍ଭ ହୋଇଗଲାଣି ।
View this post on InstagramAdvertisement
ଆସନ୍ତା ଏପ୍ରିଲ ୮ ତାରିଖରେ ଅଭିନେତାଙ୍କ ଜନ୍ମ ଦିନ । କିନ୍ତୁ ଏହା ପୂର୍ବରୁ ତାଙ୍କୁ ବହୁମୂଲ୍ୟ ଉପହାର ମିଳିଛି । ସୂଚନାଯୋଗ୍ୟ ଯେ ଦୁବାଇର ମ୍ୟାଡମ୍ ତୁସାଡ୍ ମ୍ୟୁଜିୟମରେ ଆଲ୍ଲୁ ଅର୍ଜୁନଙ୍କ ମହମ ପ୍ରତିମୂର୍ତ୍ତି ଉନ୍ମୋଚନ ହୋଇଛି । ଯାହାର କିଛି ଫଟୋ ଏବଂ ଭିଡିଓ ସୋଶିଆଲ ମିଡିଆରେ ଭାଇରଲ ହେବାରେ ଲାଗିଛି । ଏହାସହ ଅଭିନେତା ନିଜେ ନିଜ ପ୍ରତିମୂର୍ତ୍ତି ସହ ପୋଜ୍ ଦେଉଥିବାର ଦେଖିବାକୁ ମିଳିଛି । ଆଲ୍ଲୁଙ୍କ ପ୍ରତି ମୂର୍ତ୍ତି ଉନ୍ମୋଚନ ସମୟରେ ଆଲ୍ଲୁ ଅର୍ଜୁନ ତାଙ୍କ ପରିବାର ସହ ଏହି କାର୍ଯ୍ୟକ୍ରମରେ ଯୋଗଦେଇଥିଲେ । ସବୁଠୁ ବଡ କଥା ହେଲା ଅଭିନେତା ସମାନ ପୋଷାକ ପିନ୍ଧି ସମାନ ପୋଜ୍ ଦେଉଥିବାର ଦେଖିବାକୁ ମିଳିଥିଲେ । ଏହି ବିଶେଷ କାର୍ଯ୍ୟକ୍ରମରେ ଅଭିନେତା ନାଲି ରଙ୍ଗର ବ୍ଲେଜର ସହ ଧଳା ସାର୍ଟ ଏବଂ କଳା ପ୍ୟାଣ୍ଟ ପିନ୍ଧିଥିବା ଦେଖିବାକୁ ମିଳିଥିଲେ । ତାଙ୍କର ମହମ ମୂର୍ତ୍ତି ମଧ୍ୟ ସମାନ ପୋଷାକ ପିନ୍ଧିଥିବା ଦେଖିବାକୁ ମିଳିଥିଲା । କେବଳ ଏତିକି ଅଭିନେତା ଏହି କାର୍ଯ୍ୟକ୍ରମରେ ଯୋଗଦେଇ ନିଜର ଖୁସି ବ୍ୟକ୍ତ କରିଛନ୍ତି ।
