ପୁଣି ଟିଭି ପରଦାକୁ ଫେରିବ ରାମାୟଣ , ଏହି ଚ୍ୟାନେଲରେ ହେବ ପ୍ରସାରଣ …
1 min read
ଟେଲିଭିଜନ ଜଗତର ସବୁଠୁ ଚର୍ଚ୍ଚିତ ରାମାୟଣ । ବର୍ଷ ପରେ ବର୍ଷ ବିତିଯାଇଥିଲେ ମଧ୍ୟ ଆଜି ବି ତାହାର ଲୋକପ୍ରିୟତା ଠିକ୍ ସେମିତି ରହିଛି । ଭାରତୀୟ ମାନଙ୍କ ମନରେ ଆଜିବି ଘର କରି ରହିଛି ରାମାନନ୍ଦ ସାଗରଙ୍କ ରାମାୟଣ । ୯୦ ଦଶକର ପିଲାମାନେ ଏହି ରାମାୟଣକୁ ଦେଖି ତାଙ୍କର ପଲାଦିନ ବିତାଇଛନ୍ତି । ଭାରତର ପ୍ରତ୍ୟକ ଧର୍ମର ଲୋକେ ଏହି ରାମୟଣକୁ ଖୁବ୍ ଭଲ ପାଇବା ଦେଇଛନ୍ତି । ଏବେ ଭାରତୀୟ ଦର୍ଶକ ମାନଙ୍କ ପାଇଁ ପୁଣି ଥରେ ଆସିଛି ଖୁସି ଖବର । ଲୋକପ୍ରିୟ ଶୋ ରାମାୟଣ ପୁଣି ଥରେ ଭାରତୀୟ ଦର୍ଶକମାନଙ୍କୁ ମନୋରଞ୍ଜନ କରିବା ପାଇଁ ଟିଭି ପରଦାକୁ ଫେରୁଛି ।
୧୯୮୭ ରେ ପ୍ରସାରିତ ହୋଇଥିବା ଏହି ଟେଲି ଶୋକୁ ପୁଣି ଥରେ ପ୍ରସାରଣ କରାଯିବ ବୋଲି ସୂଚନା ମିଳିଛି । ଦୂରଦର୍ଶନର ଅଫିସିଆଲ ଆକାଉଣ୍ଟରେ ଏହି ସୁଚନା ମିଳିଛି । ଦୂରଦର୍ଶନରେ ରାମାୟଣର ଏକ କ୍ଲିପ ସେୟାର କରି କହିଛନ୍ତି ଯେ ଧର୍ମ ପ୍ରେମ ଏବଂ ଉତ୍ସଗୃକୃତର ଅନନ୍ୟ ଗାଥା ପୁଣିଥରେ ସମଗ୍ର ଭାରତରେ ଆସୁଅଛି । ହେଲେ ବର୍ତ୍ତମାନ ପର୍ଯ୍ୟନ୍ତ ଶୋର ପ୍ରସାରଣ ତାରିଖ ଘୋଷଣା କରାଯାଇ ନାହିଁଁ ।
ଏହି ଶୋରେ ରାମ ଭୂମିକାରେ ଅରୁଣ ଗୋଭିଲ , ସୀତା ଭୂମିକାରେ ଦୀପିକା ଚିଖିଲିଆ ଏବଂ ଲକ୍ଷ୍ମଣ ସୁନିଲ ଲାହିର ଅଭିନୟ କରିଥିଲେ । ଏହି ଶୋ ୧୯୮୭ ମସିହାରେ ଆରମ୍ଭ ହୋଇଥିଲା । ସେହି ସମୟରେ ଏହି ଶୋ ଏତେ ଲୋକପ୍ରିୟ ହୋଇଥିଲା ଆଜି ବି ଅରୁଣ ଗୋଭିଲ ଏବଂ ଦୀପିକା ଚିଖିଲିଆଙ୍କୁ ରାମ ସୀତା ଭାବରେ ଦେଖିଥାନ୍ତି ।
