ପୁଣିଥରେ ଇସ୍ରାଏଲକୁ ସାହାର୍ଯ୍ୟର ହାତ ବଢାଇଲା ଆମେରିକା , ପଠାଇଲା ନୌସେନା ଜାହାଜ..
1 min read
ପୁଣିଥରେ ଇସ୍ରାଏଲର ସୁରକ୍ଷା ଆଗେଇ ଆସିଲା ଆମେରିକା । ବର୍ତ୍ତମାନ ଇସ୍ରାଏଲର ସୁରକ୍ଷା ପାଇଁ ଆମେରିକା ବର୍ତ୍ତମାନ ପଶ୍ଚିମ ଏସିଆରେ ଅତିରିକ୍ତ ଯୁଦ୍ଧ ବିମାନ ଏବଂ ନୌସେନା ଜାହାଜ ନିୟୋଜିତ କରିବ। ସୂଚନାଯୋଗ୍ୟ, ଇରାନ ଏବଂ ଇରାନ ସମର୍ଥିତ ମିଲିସିଆଙ୍କ ଧମକକୁ ଦୃଷ୍ଟିରେ ରଖି ଏହି ନିୟୋଜନ କରାଯିବ। ପେଣ୍ଟାଗନ ଡେପୁଟି ପ୍ରେସ ସଚିବ ସାବ୍ରିନା ସିଂ ଶୁକ୍ରବାର ଏହି ସୂଚନା ଦେଇଛନ୍ତି। ପେଣ୍ଟାଗନ କହିଛି ଯେ ଆମେରିକାର ପ୍ରତିରକ୍ଷା ମୁଖ୍ୟ ପଶ୍ଚିମ ଏସିଆକୁ ଅଧିକ ଯୁଦ୍ଧ ବିମାନ ପଠାଇବାକୁ ନିର୍ଦ୍ଦେଶ ଦେଇଛନ୍ତି।
ଆମେରିକାର ପ୍ରତିରକ୍ଷା ବିଭାଗ (ଡିଓଡି) ଦ୍ୱାରା ଜାରି ଏକ ବିବୃତ୍ତିରେ କୁହାଯାଇଛି ଯେ ଆମେରିକାର ପ୍ରତିରକ୍ଷା ସଚିବ ଲୟଡ ଅଷ୍ଟିନ ଆମେରିକାର ୟୁରୋପୀୟ କମାଣ୍ଡ ଏବଂ ଆମେରିକାର ସେଣ୍ଟ୍ରାଲ କମାଣ୍ଡ ଅଞ୍ଚଳରେ ଅତିରିକ୍ତ ବାଲିଷ୍ଟିକ କ୍ଷେପଣାସ୍ତ୍ର ପ୍ରତିରକ୍ଷା ସକ୍ଷମ କ୍ରୁଜର ଏବଂ ବିଧ୍ୱଂଶକ ପଠାଇବାକୁ ନିର୍ଦ୍ଦେଶ ଦେଇଛନ୍ତି। ପେଣ୍ଟାଗନ ପ୍ରେସ ସଚିବ ସିଂଙ୍କ ଅନୁଯାୟୀ, ରାଷ୍ଟ୍ରପତି ଜୋ ବାଇଡେନ ଏବଂ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ ଗତକାଲି ରାତିରେ ଆଲୋଚନା କରିଥିଲେ ଯାହା ପରେ ଆମେରିକା ଏହି ଅଞ୍ଚଳରେ ଅଧିକ ପ୍ରତିରକ୍ଷା କ୍ଷମତା ପ୍ରତି ପ୍ରତିବଦ୍ଧତା ପ୍ରକାଶ କରିଥିଲା। ଲୟଡ ଜେ. ଅଷ୍ଟିନ ତୃତୀୟ ଇସ୍ରାଏଲର ପ୍ରତିରକ୍ଷା ମନ୍ତ୍ରୀ ୟୋଭ ଗାଲାଣ୍ଟଙ୍କ ସହ ଆଲୋଚନା କରିଛନ୍ତି। ଏହି ସମୟରେ, ଅଷ୍ଟିନ ଇସ୍ରାଏଲକୁ ଅତିରିକ୍ତ ସହାୟତା ପ୍ରଦାନ କରିବାକୁ ପ୍ରତିଶୃତି ଦେଇଥିଲେ।
