୪ଲକ୍ଷରୁ ଉର୍ଦ୍ଧ୍ବ ଭୋଟରେ ଆଗୁଆ ରହି ରେକର୍ଡ କଲେ ଅମିତ ଶାହ

1 min read

6 months ago Niyati Das

ଦେଶରେ ଚାଲିଛି ଭୋଟିଂ | ଆଉ କିଛି ଘଣ୍ଟା ପରେ ବାହାରିବ ଫଳାଫଳ | ପ୍ରାରମ୍ଭିକ ଭୋଟ୍ ଗଣତି ଅନୁସାରେ, ବିଭିନ୍ନ ଦଳର ପ୍ରାର୍ଥୀ ଟ୍ରେଣ୍ଡରେ ଚାଲିଥିବା ବେଳେ ଗୃହମନ୍ତ୍ରୀ ଅମିତ ଶାହ ଏକ ବିରାଟ ମାର୍ଜିନରେ ଆଗରେ ଅଛନ୍ତି। ନିର୍ବାଚନ ଆୟୋଗଙ୍କ ପକ୍ଷରୁ ଜାରି କରାଯାଇଥିବା ସଦ୍ୟତମ ରିପୋର୍ଟ ଅନୁସାରେ, ଗୁଜରାଟର ଗାନ୍ଧିନଗରରୁ ପ୍ରତିଦ୍ୱନ୍ଦ୍ୱିତା କରୁଥିବା ଅମିତ ଶାହ ୪ଲକ୍ଷରୁ ରହିଛନ୍ତି ଉର୍ଦ୍ଧ୍ବରେ ରହିଛନ୍ତି |

ତେବେ ସୂଚନା ଅନୁଯାୟୀ, ଗୁଜରାଟରେ ମୋଟ ୨୬ଟି ଲୋକସଭା ଆସନ ମଧ୍ୟରୁ ୨୫ଟିରେ ଗଣତି ଚାଲିଛି। ସୁରଟ ଆସନରୁ କଂଗ୍ରେସ ପ୍ରାର୍ଥୀ ନୀଲେଶ କୁମ୍ବନୀଙ୍କ ପ୍ରାର୍ଥୀ ପତ୍ର ଖାରଜ ହୋଇଯିବା ପରେ ଏଠାରୁ ବିଜେପି ପ୍ରାର୍ଥୀ ମୁକେଶ ଦଲାଲ ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି। ତେଣୁ ଆଜି ଅନ୍ୟ ୨୫ଟି ଆସନରେ ଗଣତି କରାଯାଉଛି। ତେବେ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ବିପକ୍ଷରେ କଂଗ୍ରେସର ସୋନାଲ ପଟେଲ ପ୍ରତିଦ୍ୱନ୍ଦ୍ୱିତା କରୁଛନ୍ତି। ରାଜ୍ୟରେ ବିଜେପି ୨୪ଟି ଆସନରେ ଆଗରେ ରହିଛି |