ସାଇବର ଅପରାଧ ଅଭିଯାନରେ ଯୋଗ ଦେଲେ ବିଗ ବି , ଧନ୍ୟବାଦ ଜଣାଇଲେ ଅମିତ ଶାହା..
1 min read
ସାଇବର ଅପରାଧର ରୋକ ଲଗାଇବା ପାଇଁ ଭାରତ ସରକାର I4C ଅଭିଯାନ ଆରମ୍ଭ କରିଛନ୍ତି। ତେବେ ଏହି ଅଭିଯାନ ରେ ବର୍ତ୍ତମାନ ବଲିଉଡର ଭେଟେରାନ ଅଭିନେତା ଅମିତାଭ ବଚ୍ଚନ ମଧ୍ୟ ସାମିଲ ହୋଇଛନ୍ତି । ସରକାରୀ ଉଦ୍ୟମରେ ସକ୍ରିୟ ଅଂଶଗ୍ରହଣ କରିଥିବାରୁ ବଲିଉଡ ଅଭିନେତା ଅମିତାଭ ବଚ୍ଚନଙ୍କୁ ଗୃହମନ୍ତ୍ରୀ ଅମିତ ଶାହା କୃତଜ୍ଞତା ଜଣାଇଛନ୍ତି। ଅମିତ ଶାହା କହିଛନ୍ତି ଯେ ଅମିତାଭଙ୍କ ଅଂଶଗ୍ରହଣ ଭାରତକୁ ସାଇବର ନିରାପଦ ଦେଶ କରିବା ମିଶନକୁ ଆହୁରି ତ୍ୱରାନ୍ୱିତ କରିବ। ଏକ ଭିଡିଓ ବାର୍ତ୍ତାରେ ଅଭିନେତା ଅମିତାଭ ବଚ୍ଚନ କହିଛନ୍ତି ଯେ ସାଇବର ଅପରାଧ ବିରୋଧରେ ସଜାଗ ରହିବା ଆବଶ୍ୟକ।
ସେ କହିଛନ୍ତି ଯେ ଦେଶରେ ତଥା ସମଗ୍ର ବିଶ୍ୱରେ ସାଇବର ଅପରାଧର ବୃଦ୍ଧି ପାଉଥିବା ମାମଲା ଚିନ୍ତାର ବିଷୟ। ଗୃହ ମନ୍ତ୍ରଣାଳୟର ଭାରତୀୟ ସାଇବର କ୍ରାଇମ ସମନ୍ୱୟ କେନ୍ଦ୍ର ଏହାକୁ ନିୟନ୍ତ୍ରଣ କରିବାକୁ ଚେଷ୍ଟା କରୁଛି। ଗୃହମନ୍ତ୍ରୀ ଅମିତ ଶାହାଙ୍କ ଅନୁରୋଧ କ୍ରମେ ସେ ଏହି ଅଭିଯାନରେ ଯୋଗ ଦେଇଛନ୍ତି ବୋଲି ଅଭିନେତା କହିଛନ୍ତି। ଏହି ସମସ୍ୟା ବିରୋଧରେ ଆମେ ସମସ୍ତେ ଏକଜୁଟ ହେବା ଉଚିତ ବୋଲି ଅମିତାଭ କହିଛନ୍ତି। ଟିକିଏ ସତର୍କତା ଆମକୁ ସାଇବର ଅପରାଧରୁ ରକ୍ଷା କରିପାରିବ । ତେବେ ଗୃହମନ୍ତ୍ରୀ ଅମିତ ଶାହା ଧନ୍ୟବାଦ ଅର୍ପଣ କରିଛନ୍ତି ଗୃହମନ୍ତ୍ରୀ ଅମିତ ଶାହା କହିଛନ୍ତି ଯେ ଦେଶରେ ଏକ ସୁରକ୍ଷିତ ସାଇବର ସ୍ଥାନ ସୃଷ୍ଟି କରିବାକୁ ଗୃହ ମନ୍ତ୍ରଣାଳୟ ପ୍ରତିଶ୍ରୁତିବଦ୍ଧ। I4C ଏହି ଦିଗରେ ଅନେକ ପଦକ୍ଷେପ ନେଇଛି | ସରକାରଙ୍କ ଉଦ୍ୟମରେ ସକ୍ରିୟ ଅଂଶଗ୍ରହଣ ପାଇଁ ଅମିତ ଶାହା ବଲିଉଡ ଅଭିନେତା ଅମିତାଭ ବଚ୍ଚନଙ୍କୁ ଧନ୍ୟବାଦ ଜଣାଇବା ସହ ଏହା ସାଇବର ସୁରକ୍ଷିତ ଦେଶ ଗଠନ ମିଶନକୁ ତ୍ୱରାନ୍ୱିତ କରିବ ବୋଲି କହିଛନ୍ତି।
