ଲଦାଖରେ ସୈନ୍ୟଭ୍ୟାସ ସମୟରେ ବଡ଼ ଅଘଟଣ, ନଦୀରେ ଭାସିଗଲେ ୫ ଯବାନ
1 min read
ଲଦାଖରେ ଏକ ବଡ଼ ଦୁର୍ଘଟଣାର ଖବର ସାମ୍ନାକୁ ଆସିଛି । ଦୌଲତ ବାଗ୍ ଓଲ୍ଡି ଅଞ୍ଚଳରେ ଟ୍ୟାଙ୍କ ଅଭ୍ୟାସ ସମୟରେ ଦୁର୍ଘଟଣା ଘଟାଇଥିବାର ସୂଚନା ସାମ୍ନାକୁ ଆସୁଛି। ଜଣେ ପ୍ରତିରକ୍ଷା ଅଧିକାରୀ କହିଛନ୍ତି ଯେ ଶୁକ୍ରବାର ଦିନ ଏକ ଅଭ୍ୟାସ ସମୟରେ ନଦୀ ପାର ହେଉଥିବା ବେଳେ ଜଳ ସ୍ତର ବୃଦ୍ଧି ହେତୁ ସେନା ସୈନିକମାନେ ଭାସିଯାଇଥିବା ସନ୍ଦେହ କରାଯାଉଛି । ପ୍ରତିରକ୍ଷା ଅଧିକାରୀ କହିଛନ୍ତି ଯେ ଘଟଣା ସମୟରେ ଟ୍ୟାଙ୍କରେ ଜେସିଓ ଏବଂ ୫ଜଣ ଯବାନ ଥିଲେ | ଘଟଣାସ୍ଥଳରେ ୫ଜଣ ଯବାନଙ୍କ ମୃତ୍ୟୁ ହୋଇଛି।
କୁହାଯାଉଛି ଯେ ଦୁର୍ଘଟଣାଗ୍ରସ୍ତ ଟାଙ୍କିଟି ହେଉଛି T-72। ସରକାରୀ ସୂତ୍ରରୁ ପ୍ରକାଶ ଯେ ଏହି ଟାଙ୍କି ଏକ ଟ୍ରେନିଂ ମିଶନରେ ଥିଲା, ଯେଉଁଥିରେ ଏକ ନଦୀ ପାର ହେଉଥିବା ବେଳେ ଏହି ଦୁର୍ଘଟଣା ଘଟିଥିଲା। ଗତକାଲି ଏହି ଦୁଃଖଦ ଘଟଣା ଘଟିଥିବା ସେନା ଅଧିକାରୀଙ୍କ ପକ୍ଷରୁ ସୂଚନା ଦିଆଯାଇଛି।
Advertisement
