ନିଶାଶକ୍ତ ଯୁବକଙ୍କ ଉନ୍ମକ୍ତ କାଣ୍ଡ, କୁରାଢୀ ଚୋଟରେ ନେଲେ ଜଣଙ୍କ ଜୀବନ…
1 min read
ଜଗତସିଂହପୁର: ନିଶାଶକ୍ତ ଯୁବକଙ୍କ ଉନ୍ମକ୍ତ କାଣ୍ଡ । ନିଶାରେ ରହି ଭୁଲିଗଲେ ନିଜର ହିତାହିତ ଜ୍ଞାନ । କାଠ କାଟୁଥିବା କୁରାଢ଼ୀରେ ବୟସ୍କ ବୃଦ୍ଧଙ୍କୁ କଲେ ନିର୍ମମ ଭାବେ ହତ୍ୟା । ଯୁବକକୁ ଅଟକାଇବାକୁ ଯାଇ ଆଉ ଦୁଇଜଣ ହେଲେ ଆକ୍ରମଣର ଶିକାର । ଗୁରୁତର ଅବସ୍ଥାରେ ଡାକ୍ତରଖାନାରେ ହେଲେ ଭର୍ତ୍ତି । ଏଭଳି ଅଭାବନୀୟ ଘଟଣା ଘଟିଛି ଜଗତସିଂହପୁର ଜିଲ୍ଲା ତିର୍ତ୍ତୋଲ ଥାନା ଅନ୍ତର୍ଗତ ସାଇଲୋ ପଞ୍ଚାୟତ ହିତରଣା ଗ୍ରାମରେ ।
ସୂଚନା ମୁତାବିକ ଆଜି ସକାଳ ୯ଟା ସମୟରେ ହିତରଣା ଗାଁର ବଟକୃଷ୍ଣ ବିଶ୍ୱାଳଙ୍କ ପୁଅ ସୁବାଷ ବିଶ୍ୱାଳ କାଠ କାଟୁଥିବା ସମୟରେ ସେହି ଗ୍ରାମର ୫୫ବର୍ଷ ବୟସ୍କ ବିନୋଦ ଦାସଙ୍କୁ ଗାଁଦାଣ୍ଡରେ ଅତର୍କିତ ଆକ୍ରମଣ କରିଥିଲେ । କୁରାଢୀରେ ଚୋଟରେ ବିନୋଦଙ୍କ ମୁଣ୍ଡକୁ ହାଣି ଦେଇଥିଲା ସୁବାଷ । ଆକ୍ରମଣ ବେଳେ ସୁବାଷଙ୍କୁ ତାଙ୍କର ଭାଉଜ ଜାନକୀ ବିଶ୍ୱାଳ ଓ ଅନ୍ୟ ଜଣେ ବ୍ୟକ୍ତି ଅଟକାଇବାକୁ ଚେଷ୍ଟା କରୁଥିବା ବେଳେ ସେମାନେ ମଧ୍ୟ ଆକ୍ରମଣର ଶିକାର ହୋଇଛନ୍ତି । କାରଣ ଯୁବକ ଜଣକ ଭାଉଜ ଜାନକୀଙ୍କୁ ମାଡମାରି ଅଣ୍ଟା ଗୋଡ ଭାଙ୍ଗିଦେଇଥିବା ବେଳେ ଅନ୍ୟଜଣେ ବ୍ୟକ୍ତି ବିଷ୍ଣୁ ଚରଣ ପଲେଇଙ୍କୁ ହାଣିଦେଇ ଘଟଣାସ୍ଥଳରୁ ଫେରାର ହୋଇଯାଇଥିଲେ । ଆଉ ଏହି ସମୟରେ ପୋଲିସ ହାତରେ ଧରାପଡ଼ିଛି ଅଭିଯୁକ୍ତ ସୁବାସ ବିଶ୍ୱାଳ । ସେପଟେ ଆହତ ତିନିଜଣଙ୍କୁ ତୁରନ୍ତ ମଣିଜଙ୍ଗା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନିଆଯାଇଥିବା ବେଳେ ଡାକ୍ତର ସେଠାରେ ବିନୋଦ ଦାସଙ୍କୁ ମୃତ ଘୋଷଣା କରିଛନ୍ତି । ଏବଂ ଅନ୍ୟ ଦୁଇଜଣ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି । ଅନ୍ୟପଟେ ଘଟଣାସ୍ଥଳରେ ତିର୍ତୋଲ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
