ରଶ୍ମିକାଙ୍କ ସହ ରଣବୀର ପାଳନ କଲେ କରୱାଚୌଥ, ରିଲିଜ ହେଲା ଆନିମଲର ୨ୟ ଗୀତ..
1 min read
ରଶ୍ମିକାଙ୍କ ସହ ନିଜର ଆଗାମୀ ଫିଲ୍ମରେ ବ୍ୟସ୍ତ ଅଛନ୍ତି ରଣବୀର କପୁର । ବଲିଉଡ ଅଭିନେତା ରଣବୀର କପୁର ତାଙ୍କର ଆଗାମୀ ଚଳଚ୍ଚିତ୍ର ଆନିମଲ ପାଇଁ ଖବରରେ ଅଛନ୍ତି । ଯେବେଠାରୁ ଫିଲ୍ମର ଟ୍ରେଲର ରିଲିଜ ହୋଇଛି, ପ୍ରଶଂସକଙ୍କ ମଧ୍ୟରେ ଏହି ଚଳଚ୍ଚିତ୍ର ବିଷୟରେ ଏକ ଜବରଦସ୍ତ କ୍ରେଜ ଅଛି । ଏହି ଚଳଚ୍ଚିତ୍ରରେ ରଣବୀରଙ୍କ ସହ ରଶ୍ମିକା ମନ୍ଦନା ଏବଂ ଅନିଲ କପୁର ମଧ୍ୟ ଉପସ୍ଥିତ ଅଛନ୍ତି । ଫିଲ୍ମ ପ୍ରସ୍ତୁତ ଥିବା ବେଳେ ରିଲିଜ ପାଇଁ ଆଉ କିଛି ଦିନ ବାକି ରହିଛି । ଏହାର ଟ୍ରେଲର ରିଲିଜ ହୋଇ ସାରିଥିବା ବେଳେ ବର୍ତ୍ତମାନ ଫିଲ୍ମର ଗୀତ ଗୁଡିକ ରିଲିଜ ହେଉଛି । ଫିଲ୍ମର ପ୍ରମୋସନକୁ ନେଇ ଉଭୟ ରଣବୀର ଏବଂ ରଶ୍ମିକା ବ୍ୟସ୍ତ ରହିଛନ୍ତି । ତେବେ ତାରି ଭିତରେ ପଡିଛି କରୱାଚୌଥ ପର୍ବ । ଆଉ ଏହି ଅବସରରେ ରଣବୀରଙ୍କ ସହ ରଶ୍ମିକା ଏହାକୁ ପାଳନ କରୁଥିବା ଏକ ଫଟୋ ସାମ୍ନାକୁ ଆସିଛି । ଯାହାକୁ ନିଜେ ରଶ୍ମିକା ସୋସିଆଲ ମିଡିଆରେ ପୋଷ୍ଟ କରିଛନ୍ତି ।
ତେବେ ଏହା ତାଙ୍କଫିଲ୍ମ ଆନିମଲର ଏକ ଗୀତ ଅଟେ । ଯେଉଁଥିରେ କରୱାଚୌଥ ପାଳନ କରାଯାଉଛି । ରଶ୍ମିକା ଏବଂ ନିର୍ମାତାମାନେ ଘୋଷଣା କରିଥିଲେ ଯେ ସେମାନେ ଆଜି ନିଜ ଚଳଚ୍ଚିତ୍ରର ନୂତନ ଗୀତ ସତରଙ୍ଗା ମୁକ୍ତିଲାଭ କରିବାକୁ ଯାଉଛନ୍ତି ।ଏଭଳି ପରିସ୍ଥିତିରେ ନିର୍ମାତାମାନେ ଆନିମଲର ଗୀତ ସତରଙ୍ଗା ପ୍ରକାଶ କରିଛନ୍ତି । ରିଲିଜ୍ ହେବା ମାତ୍ରେ ଏହି ଗୀତ ଇଣ୍ଟରନେଟରେ ତରଙ୍ଗ ସୃଷ୍ଟି କରିବା ଆରମ୍ଭ କରିଛି । ଗୀତରେ କରୱାଚୌଥ ଉପବାସର ଏକ ଦୃଶ୍ୟ ମଧ୍ୟ ଦେଖାଯାଇଛି । ଯେଉଁଠାରେ ରଶ୍ମିକା ରଣବୀର କପୁରଙ୍କୁ ହାତରେ ଚାଲୁଣି ଧରି ଦେଖୁଛନ୍ତି । ରଣବୀରଙ୍କ ଲୁକ୍ ପୂର୍ବରୁ ପ୍ରକାଶ ପାଇଛି । ଲମ୍ବା କେଶ ଥିବା ରଣବୀରଙ୍କ ଏହି ଶୈଳୀ ପୂର୍ବର ସମସ୍ତ ଚଳଚ୍ଚିତ୍ରଠାରୁ ଭିନ୍ନ ରହିଛି । ଟ୍ରେଲରରେ ରଣବୀରଙ୍କୁ ଦେଖି ପ୍ରଶଂସକମାନେ ଉତ୍ସାହର ସହିତ ଏହି ଫିଲ୍ମକୁ ଅପେକ୍ଷା କରିଛନ୍ତି । ଏହା ହେଉଛି ଫିଲ୍ମର ଦ୍ୱିତୀୟ ଗୀତ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ସନ୍ଦୀପ ଭଙ୍ଗା ରେଡ୍ଡୀ । ପ୍ରଥମ ଥର ପାଇଁ ରଶ୍ମିକା ରଣବୀର କପୁରଙ୍କ ସହ ସ୍କ୍ରିନ୍ ସେୟାର କରୁଥିବା ଦେଖିବାକୁ ମିଳିବ । ତେବେ ଆନିମଲ ଫିଲ୍ମଟି ଚଳିତ ବର୍ଷ ଡିସେମ୍ବର ୧ରେ ବଡ ପରଦାରେ ମୁକ୍ତିଲାଭ କରିବ ।
