ମୁମ୍ବାଇରେ ପୁଣି ହିଟ୍ ଆଣ୍ଡ ରନ୍ ଘଟଣା , ସ୍କୁଟିକୁ ଧକ୍କା ଦେଲା BMW କାର୍ ମହିଳା ମୃତ
1 min read
ପୁଣିଥରେ ସାମ୍ନାକୁ ଆସିଲା ହିଟ୍ ଆଣ୍ଡ ରନ୍ ମାମଲା | ସ୍କୁଟିରେ ଯାଉଥିବା ଜଣେ ଦମ୍ପତିଙ୍କୁ ଧକ୍କା ଦେଇ ଛୁ ମାରିଲା BMW କାର୍ | ଏପରି ଘଟଣା ଘଟିଛି ମୁମ୍ବାଇର ୱର୍ଲି ଅଞ୍ଚଳରେ | ଦମ୍ପତି ମାଛ ଆଣିବାକୁ ସସୁନ୍ ଡକକୁ ଯାଇଥିଲେ। ଫେରିବା ବାଟରେ ୱର୍ଲି ଅଟରିଆ ମଲ୍ ନିକଟରେ ସେମାନଙ୍କ ସ୍କୁଟିକୁ ପଛପଟରୁ ଦ୍ରୁତ ଗତିରେ ଆସି ଧକ୍କା ଦେଇଥିଲା ବିଏମଡବ୍ଲୁ। ଏତେ ଜୋରରେ ଧକ୍କା ଦେଇଥିଲା ଯେ ସ୍ୱାମୀ-ସ୍ତ୍ରୀ ଛିଟିକି ପଡ଼ି ବିଏମଡବ୍ଲୁ ବନେଟ୍ ଉପରେ ପଡିଥିଲେ। ନିଜକୁ ବଞ୍ଚାଇବାକୁ ଚେଷ୍ଟା କରି ସ୍ୱାମୀ ବନେଟରୁ ଡେଇଁବାରେ ସଫଳ ହୋଇଥିଲେ କିନ୍ତୁ ସ୍ତ୍ରୀଙ୍କର ମୃତ୍ୟୁ ଘଟିଥିଲା | ତେବେ ଦୁର୍ଘଟଣାସ୍ଥଳରୁ ବିଏମଡବ୍ଲୁ ସହ ଚମ୍ପଟ ମାରିଥିଲା ଡ୍ରାଇଭର। ପରେ ଗାଡ଼ି ଓ ଡ୍ରାଇଭରକୁ ଅଟକ ରଖିଛି ପୁଲିସ।
ତେବେ ଜାଣିବାକୁ ମିଳିଛି କି ଗାଡ଼ିରେ ଜଣେ ରାଜନୈତିକ ନେତାଙ୍କ ପୁଅ ବସିଥିଲେ | ତେବେ ଦମ୍ପତି ମାଛ ଆଣି ସ୍କୁଟିରେ ଘରକୁ ଫେରୁଥିବା ବେଳେ ଏହି ଦୁର୍ଘଟଣା ଘଟାଇଥିବାତାଡାଣ୍ଟରୁ ଜଣାପଡିଛି | ତେବେ ଗୁରୁତର ଅବସ୍ଥାରେ ସ୍ୱାମୀସ୍ତ୍ରୀଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା | ଡାକ୍ତର ସ୍ତ୍ରୀଙ୍କୁ ମୃତ୍ୟୁ ଘୋଷଣା କରିଥିବା ବେଳେ ସ୍ୱାମୀଙ୍କ ଅବସ୍ଥା ଗୁରୁତର ରହିଛି ଏବଂ ତାଙ୍କର ଚିକିତ୍ସା ଚାଲିଛି | ଦୁର୍ଘଟଣା ଘଟାଇଥିବା ବିଏମଡବ୍ଲୁଟି ସିନ୍ଦେ ଶିବସେନା ଗୋଷ୍ଠୀର ଜଣେ ନେତାଙ୍କର ବୋଲି ଜଣାପଡିଛି। ଯେଉଁଥିରେ ତାଙ୍କ ପୁଅ ବସିଥିଲେ |
