କାହିଁକି ବିରାଟଙ୍କ ପାଇଁ କରୱାଚୌଥ ପାଳିଲେନି ଅନୁଷ୍କା !
1 min read
ବିରାଟ କୋହଲିଙ୍କ ପତ୍ନୀ ଅନୁଷ୍କା ଶର୍ମା ପାଳନ କରିନାହାନ୍ତି କରୱାଚୌଥ ଉତ୍ସବ । କାରଣ ବର୍ତ୍ତମାନ ଅନୁଷ୍କା ଶର୍ମା ଏବଂ ବିରାଟ କୋହଲିଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । କରୱାଚୌଥ ଅବସରରେ ଏହି ଦମ୍ପତି ଏକ କୀର୍ତ୍ତନ ସମାରୋହରେ ନଜର ଆସିଛନ୍ତି । ଭାଇରାଲ ଭିଡିଓରେ ଦମ୍ପତିଙ୍କ ବେଶ ଆନନ୍ଦର ସହ କୃଷ୍ଣ ଭଜନ ଉପଭୋଗ କରୁଥିବା ଦେଖିବାକୁ ମିଳିଛି । ଯାହାକୁ ନେଇ ଉଭୟ କରୱାଚୌଥ ଉତ୍ସବ ପାଳନ କରିନଥିବା କୁହାଯାଉଛି ।
ଅକ୍ଟୋବର 20ରେ ଅନୁଷ୍କା ଶର୍ମା ଏବଂ ବିରାଟ କୋହଲି ମୁମ୍ବାଇର ନେସ୍କୋ ଠାରେ ଆମେରିକୀୟ ଗାୟକ କୃଷ୍ଣ ଦାସଙ୍କ କୃଷ୍ଣ କୀର୍ତ୍ତନରେ ଯୋଗ ଦେଇଥିଲେ । କ ବିରାଟ କୋହଲି ଏବଂ ଅନୁଷ୍କା ଶର୍ମା ଏହି କୀର୍ତ୍ତନରେ ନଜର ଆସିଥିଲେ। ଏହି ସମୟର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଅଂଶୀଦାର ହୋଇଥିବା କ୍ଲିପ୍ଗୁଡିକରେ, ଉଭୟ ଏକାଠି ବସିଥିବାର ଦେଖାଯାଉଛି। କୋହଲି ଏବଂ ଅନୁଷ୍କା ମଧ୍ୟ ତିନି ମାସ ପୂର୍ବେ ଲଣ୍ଡନରେ କୃଷ୍ଣ ଦାସଙ୍କ କୀର୍ତ୍ତନରେ ଯୋଗ ଦେଇଥିଲେ। ଦମ୍ପତି ଏଭଳି କାର୍ଯ୍ୟକ୍ରମରେ ପ୍ରଥମ ଥର ଅଂଶଗ୍ରହଣ କରିନାହାନ୍ତି। ଏହିପରି କାର୍ଯ୍ୟକ୍ରମଗୁଡ଼ିକରେ ଉଭୟ ପତିପତ୍ନୀ ଯୋଗ ଦେଇଥାନ୍ତି। ଏନେଇ ସେମାନଙ୍କ ମଧ୍ୟରେ ଆଗ୍ରହ ରହିଛି।ଭାଇରାଲ୍ ଭିଡିଓରେ ଅନୁଷ୍କା ଏବଂ ବିରାଟ କରତାଳି ଦେଇ ଏହି ସମାରୋହ ବେଶ ଆନନ୍ଦର ସହ ଉପଭୋଗ କରୁଥିବାର ନଜର ଆସିଛନ୍ତି । ଏହି ସମୟରେ ଅନୁଷ୍କା ଏକ କ୍ରିମ୍ ରଙ୍ଗର କୋ-ଅର୍ଡ ସେଟ୍ ରେ ନଜର ଆସିଥିବା ବେଳେ ବିରାଟ ନୀଳ ଡେନିମ୍ ପ୍ୟାଣ୍ଟ, ଟି-ସାର୍ଟ ସହ ଏବଂ ଲାଲ୍ କ୍ୟାପ୍ ପିନ୍ଧିଥିବାର ଦେଖିବାକୁ ମିଳିଛି ।
ଏହା ପ୍ରଥମ ଥର ନୁହେଁ ଯେ ଅନୁଷ୍କା ଶର୍ମା ଏବଂ ବିରାଟ କୋହଲି କିର୍ତ୍ତନରେ ଅଂଶଗ୍ରହଣ କରୁଥିବା ଦେଖିବାକୁ ମିଳିଛି । ଏହାପୂର୍ବରୁ ଜୁଲାଇରେ ଏହି ଦମ୍ପତି ଲଣ୍ଡନରେ ଏକ ସମାନ କାର୍ଯ୍ୟକ୍ରମରେ ଯୋଗ ଦେଇଥିଲେ । ସେହି ଭିଡିଓ ସେହି ସମୟରେ ଆସିଥିଲା ଯେତେବେଳେ ଜୁନ୍ ମାସରେ ଭାରତର ଟି -20 ବିଶ୍ୱକପ ଟାଇଟଲ ଜିତିବା ପରେ କୋହଲି ଅନ୍ତର୍ଜାତୀୟ କ୍ରିକେଟରୁ ବିରତି ନେଇଥିଲେ ଅନୁଷ୍କା ସେହି ସ୍ମରଣୀୟ କୀର୍ତ୍ତନର ଫଟୋ ମଧ୍ୟ ସେୟାର କରିଥିଲେ ।
