ଏ.ଆର.ରେହେମାନଙ୍କୁ ଛାଡ଼ପତ୍ର ପରେ କେତେ ଦେବାକୁ ପଡିବ ଆଲୁମନି ?
1 min read
ପ୍ରସିଦ୍ଧ ଗାୟକ ତଥା ସଙ୍ଗୀତ ନିର୍ଦେଶକ ଏ.ଆର.ରେହେମାନଙ୍କୁ ଛାଡ଼ପତ୍ର ଦେଲେ ପତ୍ନୀ ସାଇରା। ୨୯ ବର୍ଷର ଦାମ୍ପତ୍ୟ ଜୀବନରେ ବ୍ରେକ୍ ଲଗାଇଲେ ସାଇରା। ରେହେମାନଙ୍କୁ ତଲାକ ଦେବା କଥା ସାଇରା ଘୋଷଣା କରିବା ପରେ ସୋସିଆଲ ମିଡିଆରେ ରେହେମାନ ବି ଏକ ପୋଷ୍ଟ ସେୟାର କରିଥିଲେ।ଯାହାପରେ ପ୍ରଶଂସକ ମାନେ ଆଶ୍ଚର୍ଯ୍ୟ ହୋଇଯାଇଛନ୍ତି । ବର୍ତ୍ତମାନ ଉଭୟଙ୍କର ତଲାକ୍ ହେବା ପରେ ଚର୍ଚ୍ଚା ହେଉଛି କି ସାଇରା ବାନୁଙ୍କୁ ଆଲୁମନି ଦେବେ ରେହେମାନ?
କାରଣ ଅପାର ଧନର ମାଲିକ ରେହମାନଙ୍କ ପତ୍ନୀଙ୍କ ପାଖରେ ରହିଛି କେତେ ଧନ ସମ୍ପତ୍ତି । ଏଆର୍ ରେହମାନ ଏବଂ ସାଇରା ବାନୁ ଦୁହେଁ ମୁସଲମାନ ସମ୍ପ୍ରଦାୟର । ନିକଟରେ ମୁସଲିମ ସମାଜରେ ଛାଡପତ୍ର ସମ୍ପର୍କରେ ସୁପ୍ରିମକୋର୍ଟ ଏକ ବଡ ନିଷ୍ପତ୍ତି ନେଇଛନ୍ତି। ରିପୋର୍ଟ ଅନୁଯାୟୀ, ଇସଲାମରେ ବିବାହ ଏକ ଚୁକ୍ତି ଅଟେ । ଏହା ଅଧୀନରେ, ଯୌତୁକ ଟଙ୍କା ସ୍ଥିର କରାଯାଏ । ଏହାକୁ ନେଇ ଏକ ଦସ୍ତାବିଜ ପ୍ରସ୍ତୁତ କରାଯାଇଥାଏ ଯେଉଁଥିରେ ଉଭୟ ପକ୍ଷ ଦସ୍ତଖତ କରନ୍ତି । ବିବାହ ଭାଙ୍ଗିବା କିମ୍ବା ଛାଡପତ୍ର କ୍ଷେତ୍ରରେ, ଏହି ପରିମାଣର ଯୌତୁକ ମହିଳାଙ୍କୁ ଦିଆଯାଏ । ଏଭଳି ପରିସ୍ଥିତିରେ, ଏଆର୍ ରହମାନଙ୍କଠାରୁ ଛାଡପତ୍ର ପରେ ସାଇରାଙ୍କୁ ଏହି ଟଙ୍କା ମିଳିବ । ତେବେ ନିକଟରେ ସୁପ୍ରିମକୋର୍ଟ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଦେଇଛନ୍ତି।
ନିଷ୍ପତ୍ତିରେ ସୁପ୍ରିମକୋର୍ଟ କହିଛନ୍ତି ଯେ ଜଣେ ମୁସଲମାନ ମହିଳା ତାଙ୍କ ସ୍ୱାମୀଙ୍କଠାରୁ ରକ୍ଷଣାବେକ୍ଷଣ ପାଇବାକୁ ହକଦାର। ଏଆର୍ ରହମାନଙ୍କ ପାଖରେ ରହିଛି ହଜାର ହଜାର କୋଟି ମୂଲ୍ୟର ସମ୍ପତ୍ତି । ଏଭଳି ପରିସ୍ଥିତିରେ ସାଇରାଙ୍କୁ ଭଲ ପରିମାଣର ଟଙ୍କା ମିଳିବ । ଏଆର ରହମାନ ହେଉଛନ୍ତି ଦେଶର ସର୍ବାଧିକ ପାରିଶ୍ରମିକ ପ୍ରାପ୍ତ ଗାୟକ-କମ୍ପୋଜର । ସେ ଗୋଟେ ଗୀତ ପାଇଁ 3 କୋଟି ଟଙ୍କା ଚାର୍ଜ କରନ୍ତି ଏବଂ ତାଙ୍କର ନେଟୱର୍ଥ ପ୍ରାୟ 1728 କୋଟିରୁ 2000 କୋଟି ଟଙ୍କା । ଏକ ଘଣ୍ଟାର ପରଫମାନ୍ସ ପାଇଁ ସେ 2 କୋଟି ଟଙ୍କା ପର୍ଯ୍ୟନ୍ତ ଚାର୍ଜ କରନ୍ତି ଏବଂ ଏହା ପରେ ଲସ୍ ଆଞ୍ଜେଲସ୍ ସମେତ ଦେଶର ଅନେକ ସହରରେ ତାଙ୍କର ବଙ୍ଗଳା ଅଛି । ତାଙ୍କ ପାଖରେ ଦାମୀ କାରଗୁଡିକର କଲେକ୍ସନ ରହିଛି ।ଏହି ହିସାବରେ ଦେଖିବାକୁ ଗଲେ ସାଇରା ବାନୁଙ୍କୁ ମୋଟା ଅଙ୍କରରେ ମିଳିବ ଆଲୁମନି । କିନ୍ତୁ କେତେ ମିଳିବ ତାହା ସ୍ପଷ୍ଟ ହୋଇନି ।
