ଆସନ୍ତା ୨୪ ରେ ବାହା ହେବେ ୫୬ ବର୍ଷିୟ ଅରବାଜ ଖାନ, ଜାଣନ୍ତୁ କାହାକୁ…
1 min read
ବାହା ହେବେ ଅରବାଜ । ବଲିଉଡ ତାରକା ସଲମାନ ଖାନଙ୍କ ଭାଇ ତଥା ଅଭିନେତା ଅରବାଜ ଖାନ ଆସନ୍ତା ଡିସେମ୍ବର ୨୪ ତାରିଖରେ ପୁଣି ଥରେ ବିବାହ କରିବାକୁ ଯାଉଛନ୍ତି । ତେବେ ୫୬ ବର୍ଷିୟ ଅରବାଜ ଜଣେ ମେକଅପ ଆର୍ଟିଷ୍ଟ ଶୂରା ଖାନଙ୍କୁ ଦ୍ୱିତୀୟ ବିବାହ କରିବେ ବୋଲି ଚର୍ଚ୍ଚା ହେଉଛି । କୁହାଯାଇଛି ଯେ ତାଙ୍କର ଏହି ବିବାହରେ ମୁମ୍ବାଇରେ ହେବାକୁ ଥିବା ବେଳେ ଏଥିରେ କେବଳ ପରିବାର ସଦସ୍ୟ ଏବଂ ବିଶେଷ ବନ୍ଧୁମାନେ ଯୋଗଦେବେ । ସୂଚନା ରହିଛି ଯେ ଦୀର୍ଘଦିନ ହେବ ଅରବାଜ ଶୁରାଙ୍କୁ ଡେଟ କରୁଥିଲେ । ଫିଲ୍ମ ପଟନା ଶୁକ୍ଲା ସୁଟିଂ ସେଟରେ ଦୁହେଁ ପରସ୍ପରଙ୍କୁ ଭେଟିଥିଲେ । ଏହା ପରେ ସେମାନଙ୍କ ମଧ୍ୟରେ ପ୍ରେମ ସମ୍ପର୍କ ଆରମ୍ଭ ହୋଇଥିଲା । ଆଉ ଦୁଇଜଣ ଏବେ ବିବାହ ବନ୍ଧନରେ ବାନ୍ଧି ହେବାକୁ ନିଷ୍ପତ୍ତି ନେଇଛନ୍ତି ।
ତେବେ ଆପଣମାନେ ସମସ୍ତେ ନିଶ୍ଚିତ ରୂପେ ଜାଣିଥିବେ ଯେ ଅରବାଜ ଖାନ ପୂର୍ବରୁ ଅଭିନେତ୍ରୀ ମଲାଇକା ଆରୋରାଙ୍କୁ ୧୯୯୮ ଡିସେମ୍ବର ୧୨ ରେ ବିବାହ କରିଥିଲେ । ସେମାନଙ୍କର ଏକ ପୁଅ ମଧ୍ୟ ଅଛି । କିନ୍ତୁ ସେମାନଙ୍କ ସମ୍ପର୍କ ସଫଳ ହୋଇନଥିଲା । ବିବାହର ୧୯ ବର୍ଷ ପରେ ସେମାନଙ୍କ ମଧ୍ୟରେ ଛାଡପତ୍ର ହୋଇଥିଲା । ତେବେ ମଲାଇକାଙ୍କ ଠାରୁ ଅଲଗା ହେବା ପରେ ଅରବାଜ ଜର୍ଜିଆ ଆଣ୍ଡ୍ରିଆନିଙ୍କୁ ଡେଟ କରିଥିଲେ । କିଛି ସମୟ ପୂର୍ବରୁ, ଅରବାଜ ଏବଂ ଜର୍ଜିଆ ଆଣ୍ଡ୍ରିଆନି ସେମାନଙ୍କ ବ୍ରେକଅପ୍ ଖବରକୁ ନିଶ୍ଚିତ କରିଥିଲେ । ହେଲେ ବର୍ତ୍ତମାନ ମେକଅପ୍ ଆର୍ଟିଷ୍ଟ ଶୂରା ଖାନ୍ଙ୍କୁ ବିବାହ କରିବା ନେଇ ଖବର ସାମ୍ନାକୁ ଆସିଛି ।
