(ଭିଡିଓ)ଅର୍ଚ୍ଚନା ଫିଟାଇଲେ ବଡ ଗୁମର – ‘ଶ୍ରଦ୍ଧାଞ୍ଜଳିକୁ ହନିମୁନ୍ ପ୍ୟାକେଜରେ ରାଜଧାନୀର ଜଣେ ଲୁଗା ବ୍ୟବସାୟୀ ସୌଭାଗ୍ୟ ମିଶ୍ର ସହ ପଠାଯାଇଥିଲା’
1 min read
ଭୁବନେଶ୍ୱର : ପୁଣି ବିସ୍ପୋରକ ବୟାନ ଦେଲେ ଅର୍ଚ୍ଚନା । ଆଜି କୋର୍ଟରେ ପୁଣି ଥରେ ହାଜର ହୋଇଛନ୍ତି ସ୍ୱାମୀ ଜଗବନ୍ଧୁ ଏବଂ ବହୁ ଚର୍ଚ୍ଚିତ ଲେଡି ବ୍ଲାକ୍ ମେଲର ଅର୍ଚ୍ଚନା ନାଗ୍ । ଗଣମାଧ୍ୟମ ଆଗରେ ମୁହଁ ଫିଟାଇ ସବୁ ସତ କହିବାକୁ ଚାହୁଁଥିଲେ ଅର୍ଚ୍ଚନା ଏପରିକି ତାଙ୍କୁ ଜୀବନରୁ ମାରିଦେବାକୁ ଧମକ୍ ମଧ୍ୟ ଦିଆଯାଉଥିବା କହିଛନ୍ତି ସେ । ଆଜି କୋର୍ଟରୁ ବାହାରିବାବେଳେ, ଲେଡ଼ି ବ୍ଲାକମେଲର ଅର୍ଚ୍ଚନା ନାଗ ବଡ ଗୁମର ଫିଟାଇଛନ୍ତି ।
ସେ କହିଛନ୍ତି ଯେ କାହିଁକି ଏଯାଏଁ ବାହାରେ ବୁଲୁଛି ଶ୍ରଦ୍ଧାଞ୍ଜଳି । କାହା ଛତ୍ରଛାୟା ତଳେ ଶ୍ରଦ୍ଧାଞ୍ଜଳି ବେହେରା ଅଛନ୍ତି, ଯେଉଁଥିପାଇଁ ତାକୁ ଗିରଫ କରାଯାଉନି ବୋଲି ଅର୍ଚ୍ଚନା ପ୍ରଶ୍ନ କରିଛନ୍ତି।
ଅର୍ଚ୍ଚନା ଆଉ ମଧ୍ୟ କହିଛନ୍ତି ଯେ ଶ୍ରଦ୍ଧାଞ୍ଜଳିକୁ ବଞ୍ଚାଇବାକୁ ବଡ ପାର୍ଟି କାମ କରୁଛି । ତାକୁ ଜାଣିଶୁଣି ଘୋଡାଯାଉଛି । ଏହା ସହ ଶ୍ରଦ୍ଧାଞ୍ଜଳିକୁ ହନିମୁନ ପ୍ୟାକେଜରେ ପଠାଯାଇଥିଲା । ଓଲଡ଼ ଟାଉନ ଅଞ୍ଚଳର ଜଣେ ପ୍ରଭାବଶାଳୀ ବ୍ୟକ୍ତି ସୌଭାଗ୍ୟ ମିଶ୍ର ନାମକ ଜଣେ ଲୁଗା ବ୍ୟବସାୟୀ ସହ ପଠାଯାଇଥିଲା । ଶ୍ରଦ୍ଧାଞ୍ଜଳି ନାଁରେ କୋର୍ଟ ଜାମିନ ବିହୀନ ଗିରଫ ପରୱାନା ଜାରି କରିଛନ୍ତି ଓ ସେଥିପାଇଁ କୋର୍ଟଙ୍କୁ ମୁଁ ଧନ୍ୟବାଦ ଦେଉଛି ବୋଲି ଅର୍ଚ୍ଚନା କହିଛନ୍ତି । ହେଲେ ଶ୍ରଦ୍ଧାଞ୍ଜଳିକୁ କାହିଁକି ଖୋଜି ଗିରଫ୍ କରୁନି ପୋଲିସ ? କଣ ପାଇଁ ଏତେ ଢିଲା ଦେଉଛି ପ୍ରଶାସନ ବିଭାଗ ? କଣ ପାଇଁ ମୁକୁଳା ବୁଲିଛି ଶ୍ରଦ୍ଧାଞ୍ଜଳି ?
