ଜେଲରେ ପଶ୍ଚାତାପ୍ କରୁଛି ଅର୍ଚ୍ଚନା , ହାତରୁ ଚାଲିଗଲା ୩କୋଟି ୪୦ ଲକ୍ଷର ଆଲିଶାନ ବଙ୍ଗଳା ..
1 min read
ଭୁବନେଶ୍ୱର : ନିରୂପାୟ ଅର୍ଚ୍ଚନା ! ହାତରୁ ଚାଲିଗଲା କୋଟି କୋଟି ଟଙ୍କାର ଆଲିସାନ ବଙ୍ଗଳା । ଚାହୁଁ ଚାହୁଁ ଶୂନ ହୋଇଗଲା ବହୁ ଚର୍ଚ୍ଚିତ ଲେଡି ବ୍ଲାକମେଲର ଅର୍ଚ୍ଚନା ନାଗର କଳା ସମ୍ପତ୍ତି । ମୁଣ୍ଡ ଉପରୁ ଖସିଗଲା ଛାତ । କଷ୍ଟ ଅର୍ଜିତ ସମ୍ପତ୍ତି କହି ଚାରିଆଡ଼େ ଡ଼େଙ୍ଗୁରା ପିଟୁଥିବା ଅର୍ଚ୍ଚନା ଏବେ ନିରୁପାୟ । ଦେଇପାରିଲାନାହିଁ ତଥ୍ୟ ଜେଲ୍ ରେ ଥାଇ ପଶ୍ଚାତାପ କରିବା ଛଡ଼ା ପାଖରେ ଆଉ କିଛି ଉପାୟ ନାହିଁ। ଚାରିଆଡ଼ୁ ରାସ୍ତା ବନ୍ଦ କରିଦେଇଛି ଇଡ଼ି । ସ୍ୱାମୀ ଙ୍କ ଠାରୁ ଆରମ୍ବ କରି ସହଯୋଗୀ ପର୍ଯ୍ୟନ୍ତ ସମସ୍ତେ ଇଡ଼ି ସ୍କାନରରେ ।
ଅର୍ଚ୍ଚନା, ତାଙ୍କ ସ୍ୱାମୀ ଜଗବନ୍ଧୁ ଚାନ୍ଦ ଓ ସହଯୋଗୀ ଖଗେଶ୍ୱରର ସମ୍ପତ୍ତି ବାଜ୍ୟାପ୍ତି ପାଇଁ ଇଡି ନୋଟିସ୍ କରିଥିଲା। ଜବତ ହୋଇଥିବା ସମ୍ପତ୍ତି କାହିଁକି ବାଜ୍ୟାପ୍ତି ନହେବ, ତାହା ଜଣାଇବାକୁ କାରଣ ଦର୍ଶାଅ ନୋଟିସ କରିଥିଲା ଋଊ। ଯାହାର ଶୁଣାଣି ଆସନ୍ତା ୧୩ ତାରିଖରେ ହେବ।
ସେପଟେ ବହୁଚର୍ଚ୍ଚିତ ଅର୍ଚ୍ଚନା ନାଗ ହନିଟ୍ରାପ୍ ମାମଲାରେ ଭୁବନେଶ୍ୱର ସେସନ୍ସ କୋର୍ଟରେ ଚାର୍ଜସିଟ୍ ଦାଖଲ କରିଛି ଇଡି। ମୋଟ ୨ ହଜାର ୨୪୧ ପୃଷ୍ଠାର ଚାର୍ଜସିଟ୍ ଦାଖଲ ହୋଇଛି।ଅର୍ଚ୍ଚନା ନାଗ, ସ୍ୱାମୀ ଜଗବନ୍ଧୁ ଚାନ୍ଦ, ସହଯୋଗୀ ଖଗେଶ୍ୱର ପାତ୍ର ଓ ଶ୍ରଦ୍ଧାଞ୍ଜଳି ବେହେରା ନାଁରେ ଚାର୍ଜସିଟ୍ ଦାଖଲ କରାଯାଇଛି। ମୋଟ ୧୫ ଜଣ ସାକ୍ଷୀଙ୍କ ବୟାନ ଚାର୍ଜସିଟରେ ରହିଛି। ପ୍ରବର୍ତ୍ତନ ନିର୍ଦ୍ଦେଶାଳୟର ଏହା ପ୍ରାଥମିକ ଚାର୍ଜସିଟ୍ ହୋଇଥିବା ବେଳେ ତଦନ୍ତକୁ ଓପନ ରଖାଯାଇଛି।
