ଉଦଳା ନିର୍ବାଚନ ମଣ୍ଡଳୀକୁ ହେଲିକପ୍ଟରରେ ଆସି ହାତୀମଡାରେ ପ୍ରଚାର କଲେ ଅର୍ଜୁନ ମୁଣ୍ଡ
1 min read
ବିଜେପି ଆରମ୍ଭ କରିଛି ଜୋରଦାର ପ୍ରଚାର | ଘନ ଘନ କେନ୍ଦ୍ରମନ୍ତ୍ରୀ ଓ ନେତା ମାନେ ଓଡିଶା ଆସି ପ୍ରଚାର କରୁଛନ୍ତି | ଉଦଳା ନିର୍ବାଚନ ମଣ୍ଡଳୀରେ ପ୍ରଚାର ନିମନ୍ତେ କେନ୍ଦ୍ର ଆଦିବାସୀ ବ୍ୟାପାର ଓ କୃଷକ ବ୍ୟାପାର ମନ୍ତ୍ରୀ ଅର୍ଜୁନ ମୁଣ୍ଡ ଆସିଥିଲେ | ହାତୀମଡାରେ ଆୟୋଜିତ ବିଜୟ ସଂକଳ୍ପ ସମାବେଶରେ ଯୋଗଦାନ ଦେଇ ଉଦଳା ନିର୍ବାଚନ ମଣ୍ଡଳୀର ବିଧାୟକ ପାର୍ଥୀ ଭାସ୍କର ବଢ଼ାଇ, ଲୋକସଭା ପାର୍ଥୀ ନଵଚଳ ମାଝୀଙ୍କ ପାଇଁ ପ୍ରଚାର କରିଛନ୍ତି |
ହେଲିକେପ୍ଟର ଯୋଗେ ହାତୀମଡ଼ା ଠାରେ ପହଞ୍ଚିବା ପରେ ସଂକଳ୍ପ ସମାବେଶରେ ଯୋଗଦାନ ଦେଇ ଲୋକଙ୍କୁ ଉଦବୋଧନ ଦେଇଥଲେ | ବିଶେଷ କରି ଆଗାମୀ ଦିନରେ ରାଜ୍ୟରେ ବିଜେପି ସରକାର ଗଢିବା ଏବଂ ଉଦଳାରେ ବିଜେପି ବିଧାୟକ ପାର୍ଥୀଙ୍କୁ ବିଜୟ କରିବାକୁ ନେଇ ସେ ଆହ୍ୱାନ ଦେଇଥିଲେ |
ବିଜେପି ସରକାର ଆସିଲେ, ବିଜେପି ଦେଇଥିବା ସମସ୍ତ ଇସ୍ତାହାର ଅନୁସାରେ କାର୍ଯ୍ୟ କରିବ ବୋଲି କହିଛନ୍ତି ଅର୍ଜୁନ ମୁଣ୍ଡ | ଏହି ସମାବେଶରେ ୫ ହଜାରରୁ ଅଧିକ ଲୋକଙ୍କ ସମାଗମ ହୋଇଥିବା ଦେଖିବାକୁ ମିଳିଥିଲା | ହିନ୍ଦୀ, ଆଦିବାସୀ, ବଙ୍ଗାଳି ଭାଷାରେ କହି ଅର୍ଜୁନ ମୁଣ୍ଡା ଲୋକଙ୍କୁ ଭୋଟ ଭିକ୍ଷା କରିଥିଲେ | ଏହାସହ ଉଦଳାରେ ବିଜେପି ସରକାରକୁ ଆସିଲେ ଆଗାମୀ ଦିନରେ ଉଦଳା ବିକାଶ ହେବ ବୋଲି ଗ୍ୟାରେଣ୍ଟି ଦେଇଛନ୍ତି |
