ବନ୍ଧୁକ ମୁନରେ ଛାତ୍ରୀଙ୍କୁ କରୁଥିଲେ ଅପହରଣ, ଲୋକେ ଧରି ନିର୍ଦ୍ଧୁମ ଛେଚିଲେ..
1 min read
ବାଲେଶ୍ୱର: ଏକତରଫା ପ୍ରେମ କରି ନାମ ନେଲେ ଯୁବକ। ପ୍ରେମ ନିଶା ଏମିତି ଚଢିଲା ଯେ ବନ୍ଧୁକ ଦେଖାଇ ଛାତ୍ରୀକୁ ଅପହରଣ କରିବାକୁ ଉଦ୍ୟମ କରୁଥିଲେ। ବସ ଏତିକି ବେଳେ ଯୁବକ ମାଡିବସି ଧରି ନିର୍ଦ୍ଧୁମ ଛେଚିଲେ ସ୍ଥାନୀୟ ଲୋକେ। ତେବେ ଘଟଣା ଘଟିଛି ବାଲେଶ୍ୱର ଜିଲ୍ଲା କମର୍ଦା ଥାନା ଅନ୍ତର୍ଗତ ପୀର ପଡିଆରେ । କମର୍ଦା ସୁରେନ୍ଦ୍ର ନାଥ କଲେଜ ର ଛାତ୍ରଛାତ୍ରୀଙ୍କ ପୀର ପଡିଆରେ ଯୁବ ବିକାଶ କାର୍ଯ୍ୟ କ୍ରମ ଚାଲିଥିଲା। ଏହି କାର୍ଯ୍ୟକ୍ରମରେ ଛାତ୍ରୀ ଜଣ ଆସି ଯୋଗ ଦେଇଥିଲେ । ଏହି ସମୟରେ ଆରୁଆନ୍୫ ବାଇକ୍ ରେ ଆସି ଛାତ୍ରୀ ଙ୍କୁ ବନ୍ଧୁକ ଦେଖାଇ ଅପହରଣ କରିବାକୁ ଉଦ୍ୟମ କରୁ ଥିବା ବେଳେ ସ୍ଥାନୀୟ ଛାତ୍ରଛାତ୍ରୀଙ୍କ ଉଦ୍ୟମରେ ଯୁବକକୁ କାବୁ କରିଥିଲେ। ଘଟଣା ସ୍ଥଳରେ କମର୍ଦା ପୋଲିସ ପହଞ୍ଚି ଯୁବକକୁ ଅଟକ ରଖି ତା ପାଖରୁ ଗୋଟିଏ ଦେଶୀ ବନ୍ଧୁକ ସହିତ ୩ ଟି ଜୀବନ୍ତ ଗୁଳି ଜବତ କରିଛି ପୋଲିସ୍। ଉକ୍ତ ଯୁବକ ହେଲା ମହାଗବ ଅଞ୍ଚଳର ବ୍ରଜ ଗୋପାଳ ଦାସ। ଏକ ତରଫା ପ୍ରେମକୁ ନେଇ ଯୁବକ ଜଣଙ୍କ ଏମିତି ଘଟାଇ ଥିବା ଜଣାପଡିଛି। ଛାତ୍ରୀଙ୍କୁ ବନ୍ଧୁକ ଦେଖାଇ ଅପହରଣ ଉଦ୍ୟମ କରୁଥିବା ଯୁବକଙ୍କ ବିରୋଧରେ କଲେଜ୍ ର ଅଧ୍ୟକ୍ଷ କମର୍ଦ୍ଦା ଥାନାରେ ଲିଖିତ ଅଭିଯୋଗ କରିଛନ୍ତି ।
