କର୍ଣ୍ଣାଟକ ହାଇକୋର୍ଟରେ ନିଜ ଜୀବନ ନେବା ଉଦ୍ୟମ….ଚିଫ ଜଷ୍ଟିସ ସାମ୍ନାରେ ଗଳା କାଟିଲେ ଯୁବକ
1 min read
ବୁଧବାର କର୍ଣ୍ଣାଟକ ରାଜ୍ୟରେ ଘଟିଯାଇଛି ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି | କୋର୍ଟରେ ଜଣେ ବ୍ୟକ୍ତି କରିଛନ୍ତି ଆତ୍ମହତ୍ୟା ଉଦ୍ୟମ | ତେବେ କର୍ଣ୍ଣାଟକ ହାଇକୋର୍ଟରେ ମୁଖ୍ୟ ବିଚାରପତି ନିଳୟ ବିପିନଚନ୍ଦ୍ର ଅଞ୍ଜାରିଆଙ୍କ କୋର୍ଟ ରୁମରେ ଉପସ୍ଥିତ ଥିବା ବେଳେ ତାଙ୍କ ସାମ୍ନାରେ ଏପରି କାଣ୍ଡ ଭିଆଇଛନ୍ତି ଜଣେ ବ୍ୟକ୍ତି | ବ୍ୟକ୍ତି ଜଣକ ମୁଖ୍ୟ ବିଚାରପତି ସାମ୍ନାରେ ନିଜ ଗଳା କାଟି ଜୀବନ ନେବା ପାଇଁ ଉଦ୍ୟମ ନେଇଥିଲେ | ଏହାପରେ ତୁରନ୍ତ ତାଙ୍କୁ ସୁରକ୍ଷା କର୍ମୀ ମେଡିକାଲକୁ ନେଇଯାଇଥିଲେ | ଏବଂ ସେ ବର୍ତ୍ତମାନ ଚିକିତ୍ସାଧୀନ ଅବସ୍ଥାରରେ ଅଛନ୍ତି | ସେ କାହିଁକି ଏହି ବିପଜ୍ଜନକ ପଦକ୍ଷେପ ନେଇଛନ୍ତି ତାହା ଏପର୍ଯ୍ୟନ୍ତ ଜଣାପଡିନାହିଁ।
ପୋଲିସ ଦେଇଥିବା ବୟାନ ଅନୁସାରେ, ମହୀଶୂରର ଶ୍ରୀନିବାସ ଆଜି ହଠାତ୍ ଗୋଟିଏ ଫାଇଲ ଧରି କୋର୍ଟର ହଲ ନମ୍ବର ୧ରେ ପହଞ୍ଚିଥିଲେ। ସେ ଉକ୍ତ ଫାଇଲକୁ ସୁରକ୍ଷାକର୍ମୀଙ୍କୁ କୋର୍ଟ ହଲ ନମ୍ବର ୧ର ପ୍ରବେଶ ପଥର ନିକଟରେ ହସ୍ତାନ୍ତର କରିଥିଲେ। କେହି କିଛି ବୁଝିବା ପରେ ସେ ମୁଖ୍ୟ ବିଚାରପତିଙ୍କ ସାମ୍ନା ରେ ଗଳା କାଟିବାକୁ ଚେଷ୍ଟା କରିଥିଲେ | ଏହାପରେ ସୁରକ୍ଷାକର୍ମୀ ତାଙ୍କୁ ଚିକତ୍ସା ପାଇଁ ନେଇଯାଇଥିଲେ |
ପୋଲିସ ଅଧିକାରୀ କହିଛନ୍ତି ଯେ ସେ କାହିଁକି ଏପରି କଠୋର ପଦକ୍ଷେପ ନେଇଛନ୍ତି ତାହା ଜଣାପଡିନାହିଁ। ସୁରକ୍ଷା କର୍ମୀମାନେ ତାଙ୍କୁ ଦେଖି ତୁରନ୍ତ ଉଦ୍ଧାର କରି ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଘଟଣାସ୍ଥଳରୁ କୌଣସି ଆତ୍ମହତ୍ୟା ନଥିବା ପୋଲିସ କହିଥିଲା। ଉକ୍ତ ବ୍ୟକ୍ତିଙ୍କ ଆତ୍ମହତ୍ୟା ଉଦ୍ୟମ ପଛର କାରଣ ପୋଲିସ ତଦନ୍ତ କରୁଛି। ଡାକ୍ତରମାନେ ତାଙ୍କୁ ସୁସ୍ଥ ଘୋଷଣା କରିବା ପରେ ପୋଲିସ ତାଙ୍କ ବୟାନ ରେକର୍ଡ କରିବ।
ଶ୍ରୀନିବାସ ସୁରକ୍ଷାକର୍ମୀଙ୍କୁ ଦେଇଥିବା ଫାଇଲ ସମ୍ପର୍କରେ ମଧ୍ୟ କିଛି ଜଣାପଡ଼ିନାହିଁ। ତାଙ୍କ ପାଇଁ କୌଣସି ଓକିଲ ଫାଇଲ ଦେଇ ନଥିବାରୁ କୋର୍ଟ ନିଜ ଆଡ଼ୁ ଏହାର ଯାଞ୍ଚ କରିବେ ବୋଲି ଜଣାପଡିଥିଲା ।
ମୁଖ୍ୟ ବିଚାରପତି ଅଞ୍ଜରିଆ ହାଇକୋର୍ଟ ପରିସରରେ ସୁରକ୍ଷାତ୍ରୁଟିକୁ ନେଇ ଚିନ୍ତା ପ୍ରକଟ କରିଛନ୍ତି। ଏଥିସହ ବ୍ୟକ୍ତି ଜଣଙ୍କ କେମିତି ଧାରୁଆ ଅସ୍ତ୍ର ଧରି କୋର୍ଟ ପରିସରକୁ ଆସିଲେ ପ୍ରଶ୍ନ ପଚାରିଛନ୍ତି। ମୁଖ୍ୟ ବିଚାରପତି ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି।
