ଧର୍ମଶାଳାରେ ନ୍ୟୁଜିଲାଣ୍ଡକୁ ପାଣି ପିଆଉଛି କଙ୍ଗାରୁ ଟିମ, ମାତ୍ର ୧୦ ଓଭରରେ କଲେଣି ୧୨୪ ରନ୍..
1 min read
ଆଜି ଅଷ୍ଟ୍ରେଲିଆ ବନାମ ନ୍ୟୁଜିଲ୍ୟାଣ୍ଡ । ଦିନିକିଆ ବିଶ୍ୱକପ ୨୦୨୩ ର ୨୭ ତମ ମ୍ୟାଚ ଆଜି ଖେଳାଯାଉଛି । ଆଜିର ମ୍ୟାଚରେ ମୁହାଁମୁହିଁ ହୋଇଛନ୍ତି ଅଷ୍ଟ୍ରେଲିଆ ଏବଂ ନ୍ୟୁଜିଲାଣ୍ଡ । ଧର୍ମଶାଳାର ହିମାଚଳ ପ୍ରଦେଶ କ୍ରିକେଟ୍ ଆସୋସିଏସନ୍ ଷ୍ଟାଡିୟମରେ ଖେଳାଯାଉଥିବା ଏହି ମ୍ୟାଚରେ । ତେବେ ନ୍ୟୁଜିଲାଣ୍ଡର ଅଧିନାୟକ ଟମ୍ ଲାଥାମ୍ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି । ଏହି ମ୍ୟାଚ୍ରେ ନ୍ୟୁଜିଲାଣ୍ଡ ଟିମରେ ଗୋଟିଏ ପରିବର୍ତ୍ତନ କରିଛି । ମାର୍କ ଚାପମ୍ୟାନ୍ଙ୍କ ସ୍ଥାନରେ ଜିମି ନିଶାମ ସ୍ଥାନ ପାଇଛନ୍ତି । ଏଥି ସହିତ ଅଷ୍ଟ୍ରେଲିଆ ଅଧିନାୟକ ପ୍ୟାଟ କମିନ୍ସ ମଧ୍ୟ ଏକ ପରିବର୍ତ୍ତନ କରିଛନ୍ତି । ଟ୍ରାଭିସ୍ ହେଡ୍ ଦଳକୁ ଫେରିଛନ୍ତି । ସେ ଦୀର୍ଘ ସମୟ ଧରି ଆହତ ହୋଇଥିଲେ । କ୍ୟାମେରନ୍ ଗ୍ରୀନ୍ଙ୍କୁ ତାଙ୍କ ପାଇଁ ସ୍ଥାନ ଖାଲି କରିବାକୁ ପଡିଲା ।
ବର୍ତ୍ତମାନ ସୁଦ୍ଧା ୧୦ ଓଭର ଅଷ୍ଟ୍ରେଲିଆ ୧୨୪ ରନ କରିଛି । ଏବଂ ନ୍ୟୁଜିଲାଣ୍ଡ ବର୍ତ୍ତମାନ ସୁଧା ଗୋଟେ ବି ୱିକେଟ ନେଇ ପାରି ନାହିଁ । ଚଳିତ ବିଶ୍ୱକପରେ ଅଷ୍ଟ୍ରେଲିଆ ୫ଟି ମ୍ୟାଚରୁ ୩ଟି ରେ ବିଜୟ ଲାଭ କରିଥିବା ବେଳେ ୨ଟିରେ ହାରିଛି ସେହିଭଳି ନ୍ୟୁଜିଲାଣ୍ଡ ୫ଟି ମ୍ୟାଚରୁ ୪ଟି ଜିତି ଥିବା ବେଳେ ଗୋଟେ ରେ ହାରିଛି । ତେବେ ବିଶ୍ୱକପରେ ଅଷ୍ଟ୍ରେଲିଆ ଏବଂ ନ୍ୟୁଜିଲାଣ୍ଡ ମଧ୍ୟରେ ଏପର୍ଯ୍ୟନ୍ତ ୧୧ ଟି ମ୍ୟାଚ୍ ଖେଳାଯାଇଛି । ସେଥିମଧ୍ୟରୁ କିୱି ଦଳ ମାତ୍ର ତିନୋଟି ଜିତିଛି । ଅଷ୍ଟମ ସ୍ଥାନରେ ଅଷ୍ଟ୍ରେଲିଆ ବିଜୟୀ ହୋଇଛି । ସାମଗ୍ରିକ ରେକର୍ଡ ବିଷୟରେ କହିବାକୁ ଗଲେ ଏପର୍ଯ୍ୟନ୍ତ ଦୁଇ ଦେଶ ମଧ୍ୟରେ ୧୪୧ ଟି ଦିନିକିଆ ମ୍ୟାଚ୍ ଖେଳାଯାଇଛି । ଅଷ୍ଟ୍ରେଲିଆ ୯୫ ଥର ଜିତିଛି । ନ୍ୟୁଜିଲାଣ୍ଡ ଶେଷ ଥର ପାଇଁ ୨୦୧୭ ରେ ଦିନିକିଆ ରେ ଅଷ୍ଟ୍ରେଲିଆକୁ ପରାସ୍ତ କରିଥିଲା ।
