ବାଟରେ ଜଗିଥିଲା ଯମ , ଅଧାରେ ରହିଲା ହବିଷ୍ୟାଳିଙ୍କ ଜଗା ଦର୍ଶନ

ଖୋର୍ଦ୍ଧା ; ଅଧାରେ ରହିଲା ହବିଷ୍ୟାଳିଙ୍କ ଜଗା ଦର୍ଶନ । ପୁରୀକୁ ଯିବା ନିମନ୍ତେ ଘରୁ ବାହାରିଥିବା ବେଳେ ବାଟରେ ଜଗିଥିଲା ଯମ । ସୂଚନା ଅନୁଯାୟୀ ଆଜି ଭୋର ୪ ଟା ସମୟରେ ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ କୟଥପଲା ଗ୍ରାମର ୮ ଜଣ ହବିଷ୍ୟାଳି ପୁରୀ ଯାଉଥିଲେ । ହେଲେ NH-୧୬ ଟାଙ୍ଗୀ ଚଣ୍ଡେଶ୍ୱର ନିକଟରେ ଏକ ଟ୍ରକ୍ ଆସି ଅଟୋକୁ ପଛରୁ ଧକ୍କା ଦେଇଥିଲା।

ଦୁର୍ଘଟଣାରେ ଜଣେ ହବିଷ୍ୟାଳିଙ୍କର ମୃତ୍ୟୁ ଘଟିଥିବା ବେଳେ ଅଟୋ ଚାଳକଙ୍କ ସମେତ ୩ ଜଣ ଆହତ ହୋଇଛନ୍ତି।
ଅଟୋ ଚାଳକଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଇଛି। ଅନ୍ୟମାନଙ୍କୁ ଟାଙ୍ଗୀ ହସ୍ପିଟାଲରେ ଭର୍ତ୍ତି କରାଯାଇଛି।

Advertisement

ତେବେ ମୃତ ମହିଳାଙ୍କ ନାମ ରେଣୁକା ଦେଇ (ବୟସ ୫୦ )ହେବ ବୋଲି ଅନୁମାନ କରାଯାଉଛି । ଅନ୍ୟପଟେ ଗୁରୁତର ଅଟ ଚାଳକ ହେଲେ ମିଟୁ ସେନ ୩୦ ବର୍ଷ ଅନ୍ୟ ଗୁରୁତର ମାନେ ହେଲେ ଶଶୀ ଗୁମାନସିଂ ୭୦ ବର୍ଷ, ଆଶାମଣି ସାମନ୍ତରାୟ ୬୫ବର୍ଷ,ସଜନୀ ସାମନ୍ତରାୟ ୬୮ ବର୍ଷ, ବୋଲି ଜଣା ପଡ଼ିଛି ।