(ଭିଡିଓ) ପୂଜାରେ ପରଦାକୁ ଆସିଲା ଓଡିଆ ଫିଲ୍ମ ‘ମାଲ୍ୟଗିରି’, ପ୍ରଥମଥର ପାଇଁ ଦେଖିବାକୁ ମିଳିଲା ବାବୁସାନ ଏବଂ ଅମ୍ଲାନଙ୍କ ଯୋଡି
1 min read
ଭୁବନେଶ୍ୱର : ଦଶହରାରେ ଓଲିଉଡ ଅଭିନେତା ଦେଲେ ବଡ ଉପହାର । ଓଡିଆ ଦର୍ଶକଙ୍କୁ ଭେଟିଦେଲେ ନୂଆ ଫିଲ୍ମ । ଆଜ୍ଞା ହଁ ଓଡିଲଡ ଅଭିନେତା ବାବୁସାନ ମହାନ୍ତି ଏବଂ ଅମ୍ଲାନ ଦାସଙ୍କ ବହୁ ପ୍ରତିକ୍ଷୀତ ଫିଲ୍ମ ମାଲ୍ୟଗିରି ଆଜି ପରଦାରେ ରିଲିଜ ହୋଇଛି । ଦୀର୍ଘଦିନରୁ ଉଭୟ କଳାକାରଙ୍କ ଫ୍ୟାନ୍ସ ଏହାକୁ ଅପେକ୍ଷା କରି ରହିଥିଲେ । ଫିଲ୍ମ ରିଲିଜ ହେବା ପରେ ହଲରେ ଲାଗିଛି ଦର୍ଶକଙ୍କ ଭିଡ । ଦୂର୍ଗା ପୂଜା ଅବସରରେ ଅକ୍ଟୋବର ୧୯ ଅର୍ଥାତ ଆଜି ପରଦାରେ ରିଲିଜ ହୋଇ ସାରିଛି ଓଡିଆ ଫିଲ୍ମ ମାଲ୍ୟଗିରି । ଆଈ ମା ଗପକୁ ନେଇ ଏହି ଫିଲ୍ମ ନିର୍ମାଣ ହୋଇଥିବା ବେଳେ ଏତିରେ ଭରିପୂର ରହିଛି ଲଭ ଷ୍ଟୋରି ସହ ଆକ୍ସନ । ପ୍ରଥମ ଥର ପାଇଁ ଚଳଚ୍ଚିତ୍ରରେ ଏକାସାଙ୍ଗରେ ନଜର ଆସିଛନ୍ତି ବାବୁସାନ ଏବଂ ଅମ୍ଲାନ । ଫିଲ୍ମ ରିଲିଜ ହେବା ପରେ ହଲ ସାମ୍ନାରେ ନାଚି ନାଚି ଧୂଳି ଉଡାଇ ଦେଇଥିଲେ ଉଭୟଙ୍କ ଫ୍ୟାନ ।
ଫିଲ୍ମ ମାଲ୍ୟଗିରିରେ ଅଭିନେତା ବାବୁସାନ ଏବଂ ଅମ୍ଲାନ ଦାସଙ୍କ ବ୍ୟତୀତ ଅଭିନେତ୍ରୀ ଶିବାନୀ, ଏଲିନା ସାମନ୍ତରାୟ ଓ ସୂର୍ଯ୍ୟମୟୀ ମହାପାତ୍ର ଅଭିନୟ କରିଛନ୍ତି । ରେନଡ୍ରପ ପିକଚର୍ସ ଏବଂ କିଭସ ଏଣ୍ଟରଟେନମେଣ୍ଟ ପକ୍ଷରୁ ଏହି ଫିଲ୍ମକୁ ନିର୍ମାଣ କରାଯାଇଥିବା ବେଳେ ଫିଲ୍ମର ନିର୍ଦ୍ଦେଶନା ଦେଇଛନ୍ତି ପୃଥ୍ୱୀରାଜ ପଟ୍ଟନାୟକ । ଏଭଳି ମୌଳିକ ସିନେମା ଦ୍ୱାରା ଓଡିଆ ଫିଲ୍ମ ଆହୁରି ସମୃଦ୍ଧ ହେବ ବୋଲି ସମସ୍ତେ ଆଶା ରଖିଛନ୍ତି ।
