ପୁଣି ଅଲୋଡା ଶିଶୁକନ୍ୟା , ନୃଶଂସ ପରିବାର ଶିଶୁକନ୍ୟାକୁ ବ୍ୟାଗ୍ ଭିତରେ ପୁରାଇ ଫୋପାଡିଦେଲା ।
1 min read
ବଲାଙ୍ଗୀର ; ପୁଣି ଅଲୋଡା ଶିଶୁକନ୍ୟା । ବ୍ୟାଗ୍ ଭିତରେ ଭରି ଫିଙ୍ଗି ଦିଆଯାଇଥିଲା ଗାଁ ମୁଣ୍ଡରେ ନବଜାତ ଶିଶୁକନ୍ୟା । ଉଦ୍ଧାର କରି ବଲାଙ୍ଗିର ଭୀମ ଭୋଇ ମେଡ଼ିକାଲ କଲେଜ ଓ ହସ୍ପିଟାଲ୍ର ଏସ୍ଏନ୍ସିୟୁ ୱାର୍ଡରେ ଭର୍ତ୍ତି କରିଛନ୍ତି ବସନ୍ତ ପରାଭୁଏ । ଏଭଳି ଏକ ଘଟଣା ଆଜି ସକାଳୁ ସଦରଥାନା ଅନ୍ତର୍ଗତ ଖର୍ଲିକାନି ଗାଁ ମୁଣ୍ଡରେ ଦେଖିବାକୁ ମିଳିଛି । ସୂଚନା ଅନୁସାରେ ଖର୍ଲିକାନି ଗାଁର ବସନ୍ତ ପରାଭୁଏ ଗାଁ ଭିତରୁ ମୁଖ୍ୟ ରାସ୍ତା ଆଡ଼କୁ ଆସିବା ବେଳେ ରାସ୍ତା ଉପରେ ବ୍ୟାଗ୍ ଭିତରେ ଏକ ନବଜାତ ଶିଶୁ କନ୍ୟା ରହି ଛଟ୍ପଟ୍ ହେଉଥିବା ଦେଖିବାକୁ ପାଇଥିଲେ ।
ଏପରିକି ଶିଶୁ କନ୍ୟାଟିର ଚାରି ପାଖରେ ଚାରି ଛଅଟି କୁକୁର ମଧ୍ୟ ବୁଲିଥିବା ସେ ଦେଖିଥିଲେ । ତତ୍କ୍ଷଣାତ ବସନ୍ତ ଶିଶୁ କନ୍ୟାଟିକୁ ଉଦ୍ଧାର କରି ବଲାଙ୍ଗିର ଭୀମ ଭୋଇ ମେଡ଼ିକାଲ କଲେଜ ଓ ହସ୍ପିଟାଲ୍କୁ ଚିକିତ୍ସା ପାଇଁ ଆଣି ଭର୍ତ୍ତି କରିଛନ୍ତି । ତେବେ ବସନ୍ତ ନିଃସନ୍ତାନ ହୋଇଥିବା ବେଳେ ସେ ନବଜାତ ଶିଶୁ କନ୍ୟାକୁ ପୋଷ୍ୟ ସନ୍ତାନ ଭାବେ ଗ୍ରହଣ କରିବେ ବୋଲି ମତ ରଖିଛନ୍ତି ।
ଅନ୍ୟପକ୍ଷରେ ଜିଲ୍ଲା ଶିଶୁ ସୁରକ୍ଷା ଅଧିକାରୀ କହିଛନ୍ତି ଯେ, ନବଜାତ ଶିଶୁ କନ୍ୟାଟିର ଉଚିତ ଚିକିତ୍ସା କରାଯାଇ ଆଇନତଃ ଶିଶୁ ସୁରକ୍ଷା ବିଭାଗ ତାର ଦାୟିତ୍ୱ ନେବା ସହ ପେପର୍ ପବ୍ଲିକେସନ୍ ମାଧ୍ୟମରେ ଶିଶୁ କନ୍ୟାଟିର ଦାବୀଦାରଙ୍କୁ ଖୋଜାଯିବ । ଯଦି କେହି ଦାବୀ ନକରନ୍ତି ତେବେ ପରବର୍ତ୍ତି ସମୟରେ ସରକାରୀ ଆଇନ ଅନୁସାରେ ଯିଏ ଚାହିଁବ, ତାକୁ ପୋଷ୍ୟ ସନ୍ତାନ ଭାବେ ଗ୍ରହଣ କରିପାରିବ ବୋଲି ସେ ମତ ରଖିଛନ୍ତି । ଅବୈଧ ସନ୍ତାନ ଜନ୍ମ କରି କୌଣସି କୁଆଁରୀ ମା’ ଏହି ଶିଶୁକନ୍ୟାକୁ ଫୋପାଡିଧ ଦେଇଥିବା ସାଧାରଣରେ ଆଲୋଚନା ହେଉଛି
